San Juan 15:18 - Q'eqchi Bible

¹⁸ “Wi xik' nekexril li ruuchich'och', chenawaq naq laa'in xb'enwa xik' xinril cheru laa'ex.

Li Santil hu

¹⁸ —Cui la̱ex xicꞌ nequex-ileꞌ xbaneb li incꞌaꞌ nequeꞌpa̱ban, chenauhak nak xbe̱n cua la̱in xicꞌ xineꞌril che̱ru la̱ex.

San Juan 15:18 ပူးပေါင်းရင်းမြစ်များ

1 Juan 3:13

Ex was wiitz'in, misachk eech'ool wi xik' nekexril li ruuchich'och'.

San Juan 7:7

Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

San Juan 3:20

Chixjunil ani naxb'aanu li ink'a' us, xik' naril li saqenk ut ink'a' naxik wan wi' li saqenk, re naq ink'a' taaq'use'q rik'in li xb'aanuhom.

San Marcos 13:13

Ut chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

San Lucas 6:22

“Us xaq eere naq xik' tex'ile'q xb'aaneb' li poyanam, tex'isiiq sa' xyanqeb', texhob'e'q ut te'xtz'eqtaana leek'ab'a' jo' ink'a' us, sa' xk'ab'a' li K'ajolb'ej.

San Mateo 10:22

Chixjunileb' xik' te'iloq eere sa' ink'ab'a'; ab'an li tixk'e xch'ool toj sa' roso'jik, a'an taakole'q.

1 Juan 3:1

K'ehomaq reetal, k'ajo' xnimal li qaraab'al xk'ehom qe li Yuwa'b'ej: naq ralal xk'ajol li Yos naqak'ab'a'in, ut relik chi yaal naq laa'o ajwi'. Li ruuchich'och' ink'a' naxnaw qu xb'aan naq ink'a' xnawom ru A'an.

San Mateo 5:11

“Us xaq eere naq texhob'e'q, texrahob'tesiiq ut te'xye chixjunil li tik'ti' cherix laa'ex sa' ink'ab'a'.

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

1 Juan 3:3

Chixjunil li kaw xch'ool rik'in li Jesus, naxch'ajob'resi rib', kama' A'an maak'a' xmuxul.

Isaías 53:3

A'an tz'eqtaananb'il ut xik' ilb'il xb'aaneb' li poyanam, a'an jun li winq junes ra naril ut k'aynaq chi k'uluk rahilal; chanchan junaq li maajun naraj ilok re, majewanb'il chi moko xqak'e sa' xnaq' qu.

San Mateo 24:9

“Toja' naq texq'axtesiiq chi rahob'tesiik, texkamsiiq ut xik' tex'ile'q xb'aaneb' chixjunil li tenamit sa' ink'ab'a'.

Isaías 49:7

A'in xyehom li Qaawa', laj Kolonel ut li xSant laj Israel; jo'ka'in kixye re li jun li jwal tz'eqtaananb'il. A'in xyehom li Yos re li jun majewanb'il sa' xyanqeb' chixjunileb' li tenamit, re li wank chi munil rub'el xwankileb' li josq' aj rahob'tesinel: “Naq eb' li awab'ej ut eb' li xninqal ru winq te'ril aawu, te'xaqliiq ut te'xk'utzub' rib' chawu, xb'aan naq laa'in li Qaawa', li xSant laj Israel: laa'in xinsik'ok aawu ut ninb'aanu li k'aru ninyeechi'i”.

Zacarías 11:8

Ut yal chiru jun po kiwisiheb' oxib' laj ilol ketomq, li ink'a' sa wankin xb'aaneb' ut xik' ajwi' nikine'ril.

Proverbios 29:27

Eb' li tiikeb' xch'ool xik' neke'ril li ink'a' useb' xna'leb'; ut li ink'a' useb' xch'ool xik' neke'ril li tiikeb' ru xyu'am.

Isaías 66:5

Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

San Juan 16:1

“Xinye a'in eere re naq ink'a' taaluktaaq eech'ool.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.