San Juan 15:1 - Q'eqchi Bible

¹ “Laa'in li tz'aqal xtoonal li uub' ut linYuwa' a'an laj saab'esinel.

Li Santil hu

¹ Li Jesús quixye ajcuiꞌ reheb: —La̱in chanchanin li xto̱nal li uvas. Ut lin Yucuaꞌ joꞌ jun li nasabesin re.

San Juan 15:1 ပူးပေါင်းရင်းမြစ်များ

Jeremías 2:21

Laa'in katwaw jo' jun toon chi chaab'il che', li sik'b'il ru riyajil. Ab'anan chan put ru naq xajaltesi aawib' cho'q ruq' xtoonal li che' ink'a' na'uuchink?

1 Corintios 3:9

Laa'o nokook'anjelak qochb'een li Yos ut cho'q re A'an; ut laa'ex xk'aleb'aalex li Yos, xkab'lahomex li Yos.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

San Juan 6:55

Xb'aan naq lintz'ejwal a'an tz'aqal tzekemq ut linkik'el a'an tz'aqal uk'a'.

Jeremías 12:10

Naab'aleb' laj k'aak'alenel ketomq xe'xsach li wawimq ut xe'xteni ru li weechanihom; joxk' aj chik xe'xkanab' linna'aj li jwal raaro inb'aan, chanchan chik li chaqich'och'.

1 Juan 2:8

Ab'anan ak' ajwi' li chaq'rab' li nintz'iib'a eerik'in (ut a'an tz'aqal yaal rik'in li Jesus ut eerik'in laa'ex), xb'aan naq li aak'ab' yo chi nume'k ut li tz'aqal saqenk ak nalemtz'unk.

San Marcos 12:1

Li Jesus ki'ok chi raatinankileb' sa' jaljookil ru aatin. Kixye reheb' chi jo'ka'in: “Jun li winq kiraw jun siir x'uub', kixsut chi koral, kixb'ek jun xyatz'leb'aal uub' ut kixyiib' jun li kab'l cho'q re laj k'aak'alenel; kixk'e chi to' reheb' aj k'alom ut koho chi najt.

San Mateo 21:33

“Ab'ihomaq jun chik li jaljookil ru aatin. Jun li winq aj eechal junkab'al kiraw jun siir x'uub', kixsut chi koral, kixb'ek aran jun xyatz'leb'aal uub' ut kixyiib' jun li kab'l cho'q re laj k'aak'alenel; kixk'e chi to' reheb' aj k'alom ut koho chi najt.

Oseas 10:1

Li tenamit Israel chanchan jun toon chi uub' li naab'al naruuchin. Ab'an naq naab'al naruuchin, naxtamresi ajwi' li x'artal; ut naq q'axal chaab'il li xch'och', naab'al ajwi' li chaab'il pek naxyiib' cho'q jalam u.

San Juan 6:32

Li Jesus kixchaq'b'eheb' ut kixye: —Relik chi yaal ninye eere: moko a' ta laj Moisés kik'ehok eere li choxahil wa; a' b'an linYuwa' nak'ehok eere li tz'aqal choxahil wa.

San Lucas 13:6

Ut kixye li jaljookil ru aatin a'in: “Jun li winq wank jun toon x'iig awb'il sa' li xch'och'. Kichalk chi xsik'b'al li ru, ab'anan maak'a' kixtaw.

San Mateo 20:1

“Xb'aan naq li xnimajwal wankilal li choxa chanchan jun li winq aj eechal junkab'al li ki'elk toj eq'la chi xsik'b'aleb' aj k'anjel re li rawimq.

Cantares 7:12

Toj eq'la tooxik sa'eb' li awimq uub' ut tqil chaq ma yo chi atz'umak li xtoonal li uub', ma ak x'ok chi tuxmek, ma yookeb' chi atz'umak li granaad. Aran tinq'axtesi wib' ut tatinra!

Zacarías 3:8

Ab'i chi us, a Josué, laa'at li xyuwa'il aj tij; che'rab'ihaq ajwi' eb' laj tij li neke'tenq'ank aawe. Ab'ihomaq chi us li tinye, xb'aan naq jo'kex li propeet, laa'ex reetalil li taak'ulmanq: Tintaqla chaq laj k'anjel chiwu, a' li Tuxm xk'ab'a'.

San Juan 1:9

Li tz'aqal saqenk li naxkutanob'resi chixjunileb' yo chaq chi chalk sa' ruuchich'och'.

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Ezequiel 19:10

«At Israel, chanchan jun toon chi uub' laana', aw'o chire li ha'. Chaq'al ru na'ilok ut jwal rax, xb'aan naq k'ajo' li ha' aran.

San Mateo 15:13

Li Jesus kixsumeheb': —Chixjunil li awimq ink'a' awb'il xb'aan linchoxahil Yuwa' taamich'manq.

San Juan 15:2

Chixjunil li ruq' li ink'a' na'uuchink wik'in, narisi; ut chixjunil li na'uuchink, naxsaab'esi ru re naq numtajenaq chik taaruuchin.

Romanos 11:17

Wi wankeb' li ruq' ke'q'ete'k, ut laa'at li yal k'iche'il olivo kattz'ejwaliik sa' xyanqeb' li ruq' ut kat-ok chi tz'aqonk rik'in li xxe' ut li xya'al li tz'aqal olivo,