San Juan 14:26 - Q'eqchi Bible

²⁶ Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

Li Santil hu

²⁶ Li Santil Musikꞌej li tixtakla chak li Yucuaꞌbej chokꞌ cuu̱chil, aꞌan ta̱tenkꞌa̱nk e̱re ut aꞌan ta̱cꞌutuk che̱ru chixjunil li cꞌaꞌak re ru li incꞌaꞌ nequetau ru. Ut aꞌan tixjultica e̱re chixjunil li cꞌaꞌru xinye e̱re.

San Juan 14:26 ပူးပေါင်းရင်းမြစ်များ

San Juan 15:26

“Naq taachalq laj K'ojob'anel ch'ool li toxintaqla chaq, a' li Musiq'ej re li yaal li nachalk rik'in li Yuwa'b'ej, a'an taa'aatinaq chiwix.

San Juan 14:16

ut laa'in tintz'aamanq tin'elajinq chiru li Yuwa'b'ej, ut a'an tixtaqla chaq jun chik aj K'ojob'anel ch'ool re naq twanq eerik'in chi junelik:

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

San Juan 16:7

Ab'anan a' li yaal ninye eere: us cho'q eere naq tinxik, xb'aan naq wi ink'a' tinxik, moko taachalq ta eerik'in laj K'ojob'anel ch'ool; ut wi tinxik, tintaqla chaq a'an eerik'in.

1 Juan 2:20

A'ut laa'ex yulb'ilex xb'aan li Sant, a' li Kriist, ut chejunilex neketaw ru.

1 Corintios 6:19

Ma ink'a' nekenaw naq leetz'ejwal a'an rochoch li Santil Musiq'ej li wank eerik'in ut eek'ulum rik'in li Yos? Moko laa'ex ta yaal eere sa' eeb'een.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

Efesios 1:17

Nintz'aama chiru li xYos li Qaawa' Jesukriist, xYuwa' li nimajwal loq'al, naq tixk'e taxaq eena'leb' sa' xk'ab'a' li Musiq'ej ut tixk'ut rib' cheru re naq teenaw ru chi tz'aqal.

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

Hechos 2:4

Ut chixjunileb' ke'nujak chi Santil Musiq'ej ut ke'ok chi aatinak sa' jalan jalanq chi aatinob'aal, jo' chanru ke'k'ehe'k wi' chi aatinak xb'aan li Musiq'ej.

San Juan 2:22

Jo'kan naq sa' li xwaklijik chi yo'yo sa' xyanqeb' li kamenaq ke'naqk sa' xch'ooleb' li xtzolom naq ak xyehom chaq chi jo'ka'in, ut ke'xpaab' li Santil Hu ut li aatin yeeb'il chaq xb'aan li Jesus.

Isaías 54:13

Chixjunileb' laawalal aak'ajol te'tzole'q xb'aan li Qaawa', ut k'ajo'aq li sahilwank toxe'xtaw chixjunileb'.

Hechos 13:2

Sa' jun li kutan, naq yookeb' chi k'anjelak chiru li Qaawa' ut chi ayuunik, kixye li Santil Musiq'ej: “K'ehomaqeb' cho'q we laj Bernabé ut laj Sawlo re te'xb'aanu li k'anjel xinb'oqeb' wi'”.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

1 Juan 5:7

Xb'aan naq oxib'eb' li testiiw:

Tito 3:5

a'an kooxkol maawa' xb'aan ta xtiikilal li k'anjel uxb'il qab'aan, sa' xk'ab'a' b'an li xnimal ruxtaan, rik'in li kub'iha' li naxyoob'tesi ut narak'ob'resi li qayu'am, rik'in li Santil Musiq'ej

San Lucas 24:49

Chek'e reetal, laa'in tintaqla chaq sa' eeb'een li xyeechi'om linYuwa'. Kanaaqex wan sa' li tenamit Jerusalén toj tolextiqib'aaq rik'in li wankilal taachalq chaq taqe'q.

San Judas 1:20

A'ut laa'ex raarookex inb'aan, kab'lahomaq eerib' sa' leepaab'aal li q'axal sant, ut tijonqex sa' li Santil Musiq'ej.

Hebreos 9:8

Rik'in a'in li Santil Musiq'ej naxk'ut chiqu naq toj maji' teeto xb'ehil li Santil Na'ajej, wi toj xaqxo li xb'een Muheb'aal.

Hebreos 3:7

Jo'kan utan, kama' naxye li Santil Musiq'ej: “Wi anaqwan nekerab'i xyaab' xkux,

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

1 Corintios 12:3

Jo'kan naq nink'e chenaw naq maajun junaq li na'aatinak rik'in xMusiq' li Yos naru tixye: “Maa'usinb'ilaq taxaq li Jesus!”, ut maajun ajwi' naru tixye: “Li Jesus a'an li Qaawa'!”, wi ink'a' musiq'anb'il xb'aan li Santil Musiq'ej.

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.

San Lucas 11:13

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik li choxahil Yuwa'b'ej ink'a' tixk'e li Santil Musiq'ej reheb' li te'xtz'aama chiru!”.

Salmos 51:11

Maak'e sa' aach'ool li xinmaakob'k wi', ut chawisi chixjunileb' linmaak chi junajwa.

Romanos 15:16

naq laa'inaq aj k'anjel chiru li Kristo Jesus cho'q reheb' li maawa'eb' aj Judiiy. A'an a'in linloq'laj k'anjel: laa'in aj tij re xpuktesinkil li xChaab'il Esil li Yos re naq k'ulb'ilaqeb' li maawa'eb' aj Judiiy jo' chaab'il mayej, santob'resinb'il xb'aan li Santil Musiq'ej.

San Lucas 1:41

Ka'ajwi' kirab'i lix Isabel li xsahil xch'ool kik'ehe'k xb'aan lix María, li k'uula'al ki'eek'ank rik'in li xna'. Kinujak lix Isabel chi Santil Musiq'ej

San Mateo 3:11

Laa'in ninkub'si eeha' yal rik'in ha', re naq teeyot' eech'ool teejal eek'a'uxl; ab'an li yo chi chalk chiwix a'an q'axal nim xwankil chiwu, ut laa'in ink'a' ink'ulub' xk'amb'al li xxaab'. A'an tixkub'si eeha' rik'in Santil Musiq'ej ut xam.

Hebreos 2:4

Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.

2 Timoteo 1:14

Rik'in xwankil li Santil Musiq'ej li wank qik'in chak'uula sa' laach'ool li yaal q'axtesinb'il aawe.

Efesios 4:30

Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

Romanos 14:17

Li xnimajwal awab'ejihom li Yos moko wa uk'a' ta, tiikilal b'an, tuqtuukil usilal ut sahil ch'oolej xb'aan li Santil Musiq'ej.

Romanos 5:5

ut li oyb'enink ink'a' nab'alaq'ik xb'aan naq ak hoyb'il sa' li qach'ool li xrahom li Yos xb'aan li Santil Musiq'ej k'eeb'il chaq qe.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Hechos 11:16

Toja' naq kijultiko'k we li aatin kixye li Qaawa': «Laj Jwan kikub'sink ha' yal rik'in ha', a'ut laa'ex taakub'siiq eeha' rik'in Santil Musiq'ej».

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

San Juan 20:22

Ut naq kixye a'in, ki'apunk sa' xb'eeneb' ut kixye reheb': —K'ulumaq li Santil Musiq'ej.

San Juan 6:45

Tz'iib'anb'il sa' xhuheb' li Propeet: «Tzolb'ilaqeb' chixjunileb' xb'aan li Yos». Chixjunil li na'ab'ink re li Yuwa'b'ej ut naxtzol rib' rik'in, nachalk wik'in.

San Marcos 13:11

Naq texk'ame'q chi q'axtesiik, mixik eech'ool chi xk'oxlankil chi rub'elaj k'aru toxeeye, cheyehaq b'an li taak'ehe'q eere sa' li honal a'an: xb'aan naq moko laa'ex ta tex'aatinaq, a' b'an li Santil Musiq'ej.

San Mateo 1:20

Ut naq ak k'uub'k'u sa' xch'ool xb'aanunkil a'in, li x'ánjel li Qaawa' kixk'ut rib' chiru sa' xmatk' ut kixye: “José, ralalat laj David, matk'oxlak chi xk'amb'al lix María cho'q aawixaqil, xb'aan naq li siyajenaq rik'in a'an re li Santil Musiq'ej.

Hebreos 10:15

Li Santil Musiq'ej naxch'olob' xyaalal chixjunil a'in, xb'aan naq xb'enwa naxye:

San Juan 12:16

Eb' li xtzolom ink'a' ke'xtaw ru a'in sa' xtiklajik; ab'anan, naq kinimaak xloq'al li Jesus, ke'naqk sa' xch'ool naq a'in tz'iib'anb'il chaq chirix ut a'an ajwi' li ke'xb'aanu re.

San Marcos 12:36

A' ajwi' laj David, chi eek'asinb'il xb'aan li Santil Musiq'ej, kixye chi jo'ka'in: «Kixye li Qaawa' re linQaawa': K'ojlan sa' linnim uq' toj reetal tink'e rub'el laawoq eb' li xik' neke'ilok aawe».

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Efesios 1:13

Sa' xk'ab'a' A'an laa'ex li xerab'i ut xepaab' li Aatin re li yaal, a' li xChaab'il Esil leekolb'al, xexkaaxtiik ajwi' cho'q reechanihom li Yos, rik'in li Santil Musiq'ej yeechi'inb'il chaq:

2 Corintios 6:6

Naqak'ut ajwi' a'an rik'in xsaqal ru li qach'ool, rik'in qachaab'il k'a'uxl, xnimal qakuyum, usilal, rik'in Santil Musiq'ej ut rik'in tz'aqal rahok,

Hechos 20:35

Chi yalaq chan re ru xlajink'ut cheru naq tento xtenq'ankileb' li toq'ob'eb' ru rik'in k'anjelak chi jo'ka'in, jo'wi' tento xk'eeb'al sa' qach'ool li xyehom li Qaawa' Jesus: «Q'axal nim li sahil ch'oolejil wank sa' li k'ehok chiru li wank sa' li k'uluk», chan”.

Hechos 15:8

Ut li Yos li nanawok re li junjunq chi ch'oolej kixk'ut chiqu naq naxk'ulub'aheb' ajwi' a'an, xb'aan naq kixk'e reheb' li Santil Musiq'ej, jo' ajwi' naq kixk'e qe laa'o.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Hechos 1:4

Ut sa' jun li kutan, naq yo chi wa'ak rochb'eeneb' sa' meex, kixchaq'rab'iheb' chi jo'ka'in: —Mex'elk Jerusalén, cheroyb'eni b'an li xyeechi'om li Yuwa'b'ej li xerab'i wik'in.

Hechos 1:2

toj sa' li kutan naq kik'ame'k sa' choxa, naq ak kixchaq'rab'iheb', rik'in Santil Musiq'ej, eb' li apóstol sik'b'ileb' ru xb'aan.

San Juan 7:39

Kixye a'in chirix li Musiq'ej li te'xk'ul eb' li te'paab'anq re: sa' li kutan a'an toj maak'a' li Musiq'ej xb'aan naq li Jesus toj maji' nanimaak xloq'al.

San Lucas 3:22

li Santil Musiq'ej kikub'e chaq sa' xb'een kama' na'ilok junaq mukuy ut kichalk chaq jun xyaab' kuxej sa' choxa, kixye: “Laa'at li walal; aawik'in nasaho'k inch'ool”.

San Lucas 1:67

Laj Sakarías li xyuwa' kinujak chi Santil Musiq'ej ut ki'aatinak jo' propeet:

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

San Lucas 1:15

xb'aan naq nimaq xwankil rub'el roq rub'el ruq' li Qaawa'. Ink'a' taa'uk'uq b'iin chi moko yalaq k'a' chi ha'il nakaltesink. Nujenaqaq chi Santil Musiq'ej chalen sa' xsiyajik rik'in li xna',

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Isaías 63:10

A'ut eb' a'an ke'xq'etq'eti rib' chiru ut ke'xmajewa li xsantil musiq'; jo'kan naq li Qaawa' xik' chik kirileb' ut ki'ok chi yalok rik'ineb'.

Hechos 28:25

Ut naq ke'elk aran, ink'a' junajeb' xch'ool chirib'ileb' rib'. Laj Pablo kixchaq'rab'iheb' chi jo'ka'in: “Tz'aqal yaal li kixye li Santil Musiq'ej reheb' leena' leeyuwa' chi xtz'uumal re li propeet Isaías:

Hechos 16:6

Ke'nume'k Frigia ut sa' xsutam Galacia, xb'aan naq li Santil Musiq'ej kixram chiruheb' xpuktesinkil li Aatin aran Asia.

Hechos 15:28

Kixk'uub' li Santil Musiq'ej jo'wi' laa'o naq maajun chik iiq tqak'e sa' eeb'een; ka'ajwi' a'in tento xb'aanunkil:

Hechos 13:4

Laj Bernabé ut laj Sawlo, taqlanb'ileb' xb'aan li Santil Musiq'ej, ke'kub'eek Selewsia ut aran koheb' chiru ha' toj Chipre.

Hechos 7:55

A'ut a'an, nujenaq chi Santil Musiq'ej, kixtaqsi li ru sa' choxa ut kiril li xloq'al li Yos ut li Jesus xaqxo sa' xnim uq' li Yos,

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

San Lucas 2:25

Aran Jerusalén wank jun li winq, aj Simehón xk'ab'a': li winq a'an tiik xch'ool ut aj paab'anel, yo chi royb'eninkil li xk'ojob'ankil xch'ool li tenamit Israel; ut li Santil Musiq'ej wank chi xb'een.

San Mateo 1:18

Li xyo'lajik li Jesus, li Kriist, jo'ka'in naq kiwank: ak tz'aamanb'il lix María, li xna' li Jesus, xb'aan laj José ut toj maji'aq naq'axonk rik'in, kikanaak sa' yu'am xb'aan li Santil Musiq'ej.

San Juan 1:33

Laa'in ink'a' ninnaw chaq ru, ab'an li kitaqlank chaq we chi kub'sink ha' xye we: «Li taawil wi' chi kub'eek li Musiq'ej ut tolkanaaq sa' xb'een, a'an li taakub'sinq ha' rik'in Santil Musiq'ej».

San Juan 14:25

“Xinye eere a'in naq toj wankin sa' eeyanq.