San Juan 14:13 - Q'eqchi Bible

¹³ Ut chixjunil li teetz'aama sa' ink'ab'a', laa'in tinb'aanunq re, re naq li Yuwa'b'ej taanimaaq xloq'al rik'in li K'ajolb'ej.

Li Santil hu

¹³ Chixjunil li te̱tzꞌa̱ma saꞌ incꞌabaꞌ, la̱in tinqꞌue e̱re re nak ta̱nima̱k xlokꞌal li Yucuaꞌbej saꞌ incꞌabaꞌ la̱in.

San Juan 14:13 ပူးပေါင်းရင်းမြစ်များ

San Juan 15:7

“Wi nekexkanaak wik'in ut eb' li waatin neke'kanaak eerik'in, tz'aamahomaq li teeraj ut taak'eemanq eere.

San Marcos 11:24

Jo'kan utan ninye eere: chixjunil li teetz'aama sa' li tijok, chepaab' naq ak xek'ul, ut taak'eemanq eere.

San Mateo 21:22

Ut chixjunil li k'aru teetz'aama sa' li tijok chi anchal eepaab'aal, teek'ul.

San Mateo 7:7

“Chextz'aamanq ut k'eek'ooq eere; chexsik'oq ut teetaw; chexb'oqoq chire kab'l ut tehe'q cheru.

1 Juan 5:14

A'in wan wi' xkawub' qach'ool rik'in li Yos: naq A'an nokoorab'i wi wank k'aru tqatz'aama chiru jo' chanru naraj A'an.

San Juan 16:23

“Sa' li kutan a'an maak'a' teetz'aama chiwu. Relik chi yaal ninye eere: li k'aru teetz'aama chiru li Yuwa'b'ej, tixk'e eere sa' ink'ab'a'.

1 Juan 3:22

ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

San Juan 14:14

Wi wank k'aru teetz'aama sa' ink'ab'a', laa'in tinb'aanunq re.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

Efesios 3:12

Qochb'een li Kriist ut rik'in xpaab'ankil A'an kaw qach'ool chi ok rik'in li Yos chi maak'a' qaxiw.

San Juan 16:26

Sa' li kutan a'an textz'aamanq sa' ink'ab'a', ut moko tinye ta eere naq laa'in tintz'aamanq chiru li Yuwa'b'ej cherix,

San Juan 10:30

Laa'in ut li Yuwa'b'ej juno ajwi' chiqib'il qib'.

Efesios 2:18

Xb'aan naq sa' xk'ab'a' li Kriist laa'o li wiib' chi tenamit wank li qokeb'aal rik'in li Yuwa'b'ej, sa' junaj chi Musiq'ej.

Colosenses 3:17

ut jo'ch'inal jo'nimal li teeye malaj teeb'aanu, chixjunil chi'uxmanq sa' xk'ab'a' li Qaawa' Jesus, yooqex chi yoxink chiru li Yos Yuwa'b'ej sa' xk'ab'a' A'an.

San Juan 7:37

Sa' roso'jik li ninq'e, sa' xnimal xkutankil, kixye li Jesus chi xaqxo ut chi kaw xyaab' xkux: “Li taachaqiq re, chalqaq wik'in, ut li napaab'ank we, chi'uk'aq.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 12:44

Toja' naq kixye li Jesus chi kaw xyaab' xkux: —Ani napaab'ank we, moko laa'in ta nikinxpaab', a' b'an li kitaqlank chaq we;

San Lucas 11:9

“Jo'kan naq ninye eere: chextz'aamanq ut k'eek'ooq eere; chexsik'oq ut teetaw; chexb'oqoq chire kab'l ut tehe'q cheru.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

San Juan 5:19

Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej.

Hebreos 13:15

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

Efesios 3:14

Jo'kan naq ninwiq'ib' wib' chiru li Yuwa'b'ej,

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

San Juan 4:10

Kichaq'ok li Jesus ut kixye: —Wi nakanaw ta li xsimaatan li Yos ut ani li nayehok aawe: «K'e b'ayaq wuk'a'», laa'at raj xapatz' aawuk'a' re ut a'an tixk'e raj aawe yo'yookil ha'.

San Juan 16:7

Ab'anan a' li yaal ninye eere: us cho'q eere naq tinxik, xb'aan naq wi ink'a' tinxik, moko taachalq ta eerik'in laj K'ojob'anel ch'ool; ut wi tinxik, tintaqla chaq a'an eerik'in.

San Juan 13:31

Naq ak x'elk laj Judas, kixye li Jesus: —Anaqwan xnimaak xloq'al li K'ajolb'ej ut li Yos xnimaak xloq'al rik'in.

1 Corintios 14:13

Li na'aatinak sa' jalanil aatin li ink'a' natawmank ru, xtz'aamahaq chiru li Yos re naq truuq tixye xyaalal li raatin.