San Juan 13:5 - Q'eqchi Bible

⁵ Chirix chik a'in kixk'e ha' sa' jun li emel ut ki'ok chi xch'ajb'al li roqeb' li xtzolom ut kixchaqihob'resiheb' chiru li t'ikr b'ak'b'o chi xsa'.

Li Santil hu

⁵ Quixqꞌue li haꞌ saꞌ jun li emel ut qui-oc chixchꞌajbal li rokeb lix tzolom. Ut quixmes li rokeb riqꞌuin li tꞌicr bacꞌbo chi xsaꞌ.

San Juan 13:5 ပူးပေါင်းရင်းမြစ်များ

San Lucas 7:44

Toja' naq li Jesus kixsutq'isi rib' sa' xka'yab'aal li ixq ut kixye re laj Simón: —Ma nakawil li ixq a'in? Xolin'okaq sa' laawochoch ut ink'a' xak'e xch'ajb'al li woq. Ab'an a'an xt'aqresi li woq rik'in li xya'al ru ut xchaqihob'resi rik'in li rismal xjolom.

Salmos 51:2

naq kiq'use'k xb'aan laj Natán li propeet, xb'aan naq kixmux rib' rik'in lix Betsabé.

Génesis 19:2

ut kixye: “Ex qaawa', b'aanuhomaq usilal, okanqex sa' rochoch laj k'anjel a'in. Tuleenumsi li q'oqyink arin, teech'aj leeroq ut wulaj eq'la teechap wi' chik leeb'e”, chan reheb'. “Ink'a', tqanumsi li q'oqyink sa' li k'ayiil”, chankeb' li ula'.

1 Timoteo 5:10

ut nawnooq ru rik'in li chaab'il k'anjel ak xb'aanuhom: naraj naxye, xtijeb' chi chaab'il eb' li ralal xk'ajol, xk'ehok ochochnaal, xch'ajom roqeb' laj santil paab'anel, xtenq'aheb' li wankeb' sa' rahilal ut xb'aanuhom yalaq k'a' chi chaab'il k'anjelil.

Génesis 18:4

Tintaqla xk'amb'al chaq b'ayaq li ha' re xch'ajb'al leeroq. Hilanqex wan sa' xmu li che'

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Efesios 5:26

re xsantob'resinkil: kixch'ajob'resi rik'in li ha' ut li raatin,

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

Hechos 22:16

Ut anaqwan, k'a' naq nakab'ay aawib'? Waklin ut chikub'eeq laaha'! Chayaab'a xk'ab'a' li Qaawa' ut ch'ajeb' laamaak».

2 Reyes 3:11

Ab'an laj Josafat kixye: “Ma maak'a' junaq xpropeet li Yos arin, re naq tixpatz' chiru li Qaawa' k'aru us tqab'aanu?”. Jun reheb' laj k'anjel chiru li awab'ej re Israel kixsume: “Arin wank laj Eliseo, ralal laj Safat, li nak'ehok xch'ajleb' laj Elías junxil”, chan.

1 Samuel 25:41

Naq kirab'i a'an, lix Abigahil kixk'utzub' rib' chiru ch'och' ut kixye: “We'kin laa'in xmoos laj David. Yo'oon wankin chi xch'ajb'al roqeb' eb' laj k'anjel chiru, wi jo'kan naraj naq tinb'aanu”.

Levítico 14:8

“Ani tixch'ajob'resi rib' tento tixpuch' li raq', tixch'aj rib' xjunes ut tixjo chixjunil li rismal, re naq taakanaaq chi ch'ajob'resinb'il. Chirix chik a'an taaruuq chi ok sa' li tenamit, ab'an toj wuqub' kutan chik tento twanq chirix li xmuheb'aal.

1 Juan 5:6

A'an a'in li kik'ulunk rik'in ha' ut rik'in kik': a' li Jesukriist. Moko ka'aj ta wi' rik'in ha', rik'in b'an ha' ut kik'. Ut li nayehok naq yaal, a'an li Musiq'ej, xb'aan naq li Musiq'ej a'an li yaal.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

San Juan 19:34

Jun reheb' laj puub' kixk'ob' li xk'atq xsa' rik'in jun li jutz' ch'iich', ut tikto ki'elk chaq kik' rik'in ha'.

San Lucas 7:38

koxk'e rib' chirix li Jesus, chi roq, ut ki'ok chi yaab'ak ut chi xt'aqresinkileb' li roq rik'in li xya'al ru. Chirix chik a'an kixchaqihob'resiheb' li roq rik'in rismal xjolom, yo chi xtz'ub'aleb' ut xyulb'aleb' rik'in li sununkil b'an.

Zacarías 13:1

“Sa' li kutan a'an taawanq jun yu'amha', cho'q reheb' li ralal xk'ajol laj David ut cho'q reheb' li wankeb' Jerusalén, re naq te'xch'aj li xmaakeb' ut li xmaa'usilaleb'.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Isaías 1:16

Tuqub'omaq leeyu'am, ch'ajob'resiiq eerib', isihomaq chiwu leemaa'usilal ut kanab'omaq xb'aanunkil li ink'a' us!

Éxodo 29:4

Chaye re laj Aharón ut eb' li ralal naq te'nach'oq rik'in rokeb'aal li xMuheb'aal li ch'utam b'arwi' taawatisiheb' rik'in ha'.

San Juan 13:10

Li Jesus kixye re: —Ani ak x'atink ink'a' chik naraj ch'aje'k xb'aan naq ak saq ru li xjunxaqalil. Ut laa'ex ak ch'ajb'ilex, ab'an moko chejunilex ta.

San Juan 13:8

Ut laj Pedro kixye re: —Maajoq'e taach'aj li woq. Kisumeek xb'aan li Jesus: —Wi ink'a' tinch'aj laawoq, ink'a' tattz'aqonq wik'in.

Génesis 43:24

Chirix chik a'an kiroksiheb' sa' rochoch laj José, kixk'e xha'eb' re te'xch'aj li roqeb', ut kixk'e ajwi' xwaheb' li xb'uur.

Jueces 19:21

Ut kixk'am sa' rochoch ut kixk'e xwaheb' li b'uur. Li winq ut eb' li wankeb' rochb'een ke'xch'aj roqeb', ke'wa'ak ut ke'uk'ak.

San Juan 13:6

Naq kiwulak wan wi' laj Simón Pedro, a'an kixye re: —Qaawa', ma laa'at tatch'ajoq re li woq?