San Juan 13:3 - Q'eqchi Bible

³ Naxnaw li Jesus naq k'eeb'il chixjunil sa' ruq' xb'aan li Yuwa'b'ej, rik'in li Yos elenaq chaq ut rik'in li Yos xik re.

Li Santil hu

³ Li Jesús naxnau nak qꞌuebil re lix cuanquil xban li Dios ut aꞌan yal re saꞌ xbe̱n chixjunil. Naxnau nak riqꞌuin li Dios quichal chak ut riqꞌuin ajcuiꞌ li Dios ta̱xic.

San Juan 13:3 ပူးပေါင်းရင်းမြစ်များ

San Juan 3:35

Li Yuwa'b'ej naxra li K'ajolb'ej ut chixjunil kixq'axtesi sa' ruq'.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Hebreos 1:2

Ab'an anaqwan, sa' roso'jikeb' li kutan, xooraatina sa' xk'ab'a' li Ralal, li kixxaqab' cho'q aj eechaninel re chixjunil; sa' xk'ab'a' ajwi' a'an kixb'aanu li choxach'och'.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Juan 8:42

Kixye li Jesus reheb': —Wi ta a' li Yos leeYuwa', nikineera raj, xb'aan naq rik'in li Yos kin'elk ut kinchalk chaq. Ink'a' kinchalk injunes wib'; a' li Yos, a'an li kitaqlank chaq we.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

1 Corintios 15:27

Xb'aan naq li Yos kixk'e chixjunil rub'el roq. Ab'anan, naq naxye li Santil Hu naq “chixjunil k'eeb'il rub'el xwankil”, ch'olch'o naq ink'a' yo chi aatinak chirix li Yuwa'b'ej li xq'axtesink re chixjunil sa' ruq' li Kriist.

Hechos 2:36

“Che'xnawaq b'i' chixjunileb' li ralal xk'ajol laj Israel naq li Jesus a'in li xek'e laa'ex chiru krus, a'an kixaqab'aak xb'aan li Yos cho'q Qaawa' ut Kriist”.

San Juan 13:1

Rub'elaj chaq xninq'ehinkil li Paswa naxnaw li Jesus naq xwulak xhonal naq taa'elq sa' li ruuchich'och' a'in ut taaq'axonq rik'in li Yuwa'b'ej. Jo' naq kixraheb' li xtzolom li wankeb' sa' ruuchich'och', kixraheb' chi tz'aqal re ru toj sa' roso'jik.

San Juan 7:33

Kixye ut li Jesus: —Toj tinwanq chik kach'inaq eerik'in, toja' naq tinxik rik'in li kitaqlank chaq we.

San Juan 7:29

Laa'in ninnaw ru xb'aan naq rik'in ninchalk chaq ut a'an kitaqlank chaq we.

San Juan 3:13

“Maa'ani taqenaq sa' choxa, ka'ajwi' li kikub'e chaq sa' choxa, a' li K'ajolb'ej.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

San Juan 8:14

Li Jesus kixsumeheb' ut kixye: —Us ta ninch'olob' wib', ab'an li ninch'olob' a'an paab'ajel, xb'aan naq ninnaw b'ar xinchalk chaq ut b'ar xik we; a'ut laa'ex ink'a' nekenaw b'ar ninchalk ut b'ar xik we.