San Juan 13:27 - Q'eqchi Bible

²⁷ Ut chirix li jun hab'ok chi wa ki'ok laj tza rik'in. Toja' naq li Jesus kixye re: —Li k'aru taab'aanu, b'aanu chi junpaat.

Li Santil hu

²⁷ Ut laj Judas quixcꞌul li caxlan cua ut saꞌ ajcuiꞌ li ho̱nal aꞌan quixkꞌaxtesi rib chixba̱nunquil li cꞌaꞌru naraj laj tza. Ut li Jesús quixye re: —Li cꞌaꞌru yo̱cat chixcꞌoxlanquil xba̱nunquil, ba̱nu chi junpa̱t, chan.

San Juan 13:27 ပူးပေါင်းရင်းမြစ်များ

San Lucas 22:3

Toja' naq ki'ok laj tza rik'in laj Judas, aj Iskariote xk'ab'a', a'an jun reheb' li Kab'laju.

San Juan 13:2

Yookeb' chi wa'ak ewu, ut laj Tza ak xk'e sa' xk'a'uxl laj Judas Iskariote, ralal laj Simón, naq tixq'axtesi li Jesus.

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

San Mateo 12:45

Toja' naq taaxik ut tixk'am chaq wuqub' chik chi musiq'ej, q'axal chik maa'useb' chiru a'an. Te'ok ut te'kanaaq aran; ut q'axal chik yib'ru taakanaaq wi' li winq a'an chiru naq xwank chaq xb'enwa. Jo'kan ajwi' tixk'ul li tenamit a'in li ink'a' useb' xna'leb'”.

Eclesiastés 9:3

Ut a'an a'in li ink'a' us xink'e reetal sa' ruuchich'och': naq juntaq'eet tqak'ul chiqajunilo. Nujenaq li qach'ool chi maa'usilal, ut junes memil na'leb' yooko xk'oxlankil chiru li qayu'am. Chirix chik a'an tookamq!

Proverbios 1:16

xb'aan naq neke'xseeb'a rib' chi xb'aanunkil li maa'usilal ut chi xkamsinkil li ras riitz'ineb'.

Daniel 2:15

Koho laj Daniel ut koxpatz' re laj Aryok laj jolominel: “K'a'ut naq li awab'ej xk'e li chaq'rab' a'in jwal ra?”, chan. Toja' naq laj Aryok kixtikib' xch'olob'ankil chi us li xk'ulmank,

San Marcos 6:25

Ki'ok li ixqa'al chi junpaat, sa' aanil, wan wi' laj Herodes, ut kixpatz': —Twaj naq anaqwan ajwi' taak'e we sa' pulaat li xjolom laj Jwan aj kub'sihomha'.

Salmos 109:6

Neke'xye chiwix: “Chixaqab'aaq junaq ink'a' us xna'leb' li taaq'ab'anq re, chiwanq junaq aj jitonel chi xk'atq.

1 Reyes 18:27

Ak xwa'leb'o'k chik naq laj Elías ki'ok chi xse'enkileb' ut kixye reheb': “Japomaq eere chi kaw, xb'aan naq a'an yos, ab'an mare laatz' ru, mare k'aru xk'ul malaj ut xkoho chi b'eek. Mare yo chi wark ut tento teerajsi chaq!”.

San Mateo 4:10

Toja' naq li Jesus kixye re: —Elen chiwu, at aj tza, xb'aan naq jo'ka'in tz'iib'anb'il sa' li Santil Hu: «A' li Qaawa' laaYos taaloq'oni ru ut ka'ajwi' chiru a'an tatpaab'anq».

San Juan 6:70

Li Jesus kixsumeheb': —Ma ink'a' tab'i' laa'in xinsik'ok eeru laa'ex li Kab'laju? Ut jun eere laa'ex, a'an aj tza.

San Juan 13:28

Ab'anan maajun reheb' li wankeb' sa' meex kixtaw ru k'a'ut naq kixye re chi jo'kan.