San Juan 13:19 - Q'eqchi Bible

¹⁹ Ak ninye eere anaqwan, naq toj maji' nak'ulmank, re naq, jo'q'e taak'ulmanq, teepaab' naq Laa'inin.

Li Santil hu

¹⁹ La̱in ninye e̱re aꞌin anakcuan nak toj ma̱jiꞌ nacꞌulman. Ut nak ta̱cꞌulma̱nk, la̱ex te̱nau nak ya̱l li xinye nak la̱in li Cristo li taklanbil chak xban li Dios.

San Juan 13:19 ပူးပေါင်းရင်းမြစ်များ

San Juan 14:29

Ninye eere anaqwan, naq toj maji' nak'ulmank, re naq, jo'q'e taak'ulmanq, teepaab'.

Isaías 43:10

Laa'ex lintestiiw -chan li Qaawa'-; laa'ex aj k'anjelex chiwu ut insik'om chaq eeru re naq teenaw wu ut k'ojk'ooq leech'ool wik'in, ut teetaw xyaalal anihin laa'in. Maak'a' chik junaq yos chiwu laa'in, chi moko taawanq junaq chik moqon chiwix.

San Juan 16:4

Xinye a'in eere, re naq, jo'q'e taawulaq xhonaleb' a'an, chijultiko'q eere naq ak inyehom eere. “Ink'a' xinye chaq a'in eere sa' xtiklajik xb'aan naq toj wankin chaq eerik'in.

Isaías 48:5

Jo'kan naq junxil inyehom resil; naq toj maji' nak'ulmank, kink'e chanaw; mare anchal xaye raj sa' laach'ool: «Linyos xb'aanunk re; li jalam u li xink'e chi yiib'aak, a'an xyehok re».

San Juan 8:58

Kixye li Jesus reheb': —Relik chi yaal ninye eere: toj maji'aq nayo'laak laj Abrahán, ak Laa'inin chaq.

San Mateo 24:25

K'ehomaq reetal, ak junxilaj xinye resil eere.

San Mateo 11:3

“Ma laa'at li tento taak'ulunq, malaj taaqoyb'eni jalan chik?”.

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

San Juan 1:15

Laj Jwan kixch'olob' li yaal chirix ut kixye chi kaw xyaab' xkux: “A'an a'in li xinye: Li taachalq chiwix, a'an nim xwankil chiwu xb'aan naq ak wan chaq chiwu”.

San Lucas 21:13

Talajeek'ul a'in re xch'olob'ankil li yaal.

Isaías 41:23

Yehomaq resil li toxk'ulmanq moqon, re tqanaw naq laa'ex yosex. B'aanuhomaq junaq k'a'aq re ru, a' yaal ma chaab'il malaj ut ink'a', re naq ak wan wi' k'aru taaqil ut tooxiwaq xb'aan.

San Juan 4:26

Li Jesus kixye re: —Laa'inin, li yookin chi aatinak aawik'in.

San Juan 8:28

Jo'kan naq li Jesus kixye reheb': —Akaq xetaqsi li K'ajolb'ej, toja' naq teenaw naq Laa'inin ut maak'a' ninb'aanu injunes wib', ninye b'an li k'aru kixk'ut chiwu li Yuwa'b'ej.