San Juan 13:17 - Q'eqchi Bible

¹⁷ Wi nekenaw a'in, us xaq eere wi teeb'aanu chi jo'kan.

Li Santil hu

¹⁷ Ac nequenau chic xya̱lal. Us xak e̱re cui la̱ex te̱ba̱nu li cꞌaꞌru xetzol cuiqꞌuin.

San Juan 13:17 ပူးပေါင်းရင်းမြစ်များ

San Lucas 11:28

Kichaq'ok li Jesus ut kixye: —Us b'an xaq reheb' li neke'ab'ink re li raatin li Yos ut neke'xk'uula sa' xch'ooleb'!

Santiago 4:17

Ani naxnaw xb'aanunkil li us ut ink'a' naxb'aanu, a'an wank xmaak.

Santiago 1:25

Ab'an li naxk'e xch'ool chi xk'oxlankil rix li Chaq'rab' tz'aqal re ru aj k'ehol chi wank chi ach'ab'anb'il, ut junelik kaw xch'ool chi xpaab'ankil moko jo' ta aj ab'inel li junpaat nasachk sa' xch'ool, jo' b'an tz'aqal aj b'aanuhom re li k'aru nataqlaak wi', li winq a'an osob'tesinb'ilaq rik'in xk'anjelankil.

Ezequiel 36:27

Tink'e linmusiq' eere, re naq wanqex jo' naxye li linchaq'rab', teepaab' lintaqlahom ut teeyu'ami li waatin.

Éxodo 40:16

Laj Moisés kixb'aanu chixjunil li kitaqlaak wi' xb'aan li Qaawa', jo' tz'aqal kixye a'an.

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

Salmos 19:11

q'axal atawanb'ileb' ru chiru li oor, chiru li oor q'axal chaab'il; jwal ki'eb' chik chiru li xya'al kab', chiru li na'elk chaq sa' rochoch li kab'.

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

San Mateo 12:50

Xb'aan naq chixjunil li taab'aanunq re li rajom linchoxahil Yuwa', a'an li wiitz'in, li wanab' ut linna'.

Génesis 6:22

Laj Noé kixb'aanu chixjunil a'in ut kixpaab' chixjunil li kitaqlaak wi' xb'aan li Yos.

San Juan 15:14

Laa'ex li wamiiw wi nekeb'aanu li nekexintaqla wi'.

Proverbios 29:18

B'arwi' maak'a' propeet, eb' li tenamit ink'a' neke'xnaw k'aru te'xb'aanu. Us xaq reheb' li neke'xpaab' li xchaq'rab' li Yos.

Jeremías 11:6

Toja' naq li Qaawa' kixye we: “Puktesi li esil a'in sa'eb' li tenamit sa' xteepal Judá ut sa'eb' li b'e re Jerusalén. Ye reheb' li poyanam: «Ab'ihomaq k'aru naxye li Sumwank a'in ut paab'omaq.

Romanos 2:13

Chiru li Yos moko tiikeb' ta xch'ool li neke'ab'ink re li Chaq'rab', a'aneb' b'an li neke'k'anjelank re: a'aneb' a'in li te'tiikob'resiiq xch'ool.