San Juan 13:14 - Q'eqchi Bible

¹⁴ Wi laa'in, li Qaawa' ut laj Tzolonel, xinch'aj leeroq, laa'ex ajwi' tento teech'aj leeroq cherib'il eerib'.

Li Santil hu

¹⁴ La̱in li Ka̱cuaꞌ ut la̱in laj tzolol e̱re. Abanan xinchꞌaj le̱ rok. Joꞌcan ajcuiꞌ te̱ba̱nu la̱ex. Te̱chꞌaj le̱ rok che̱ribil e̱rib.

San Juan 13:14 ပူးပေါင်းရင်းမြစ်များ

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

Hechos 20:35

Chi yalaq chan re ru xlajink'ut cheru naq tento xtenq'ankileb' li toq'ob'eb' ru rik'in k'anjelak chi jo'ka'in, jo'wi' tento xk'eeb'al sa' qach'ool li xyehom li Qaawa' Jesus: «Q'axal nim li sahil ch'oolejil wank sa' li k'ehok chiru li wank sa' li k'uluk», chan”.

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Romanos 12:16

Wanqex sa' aatin cherib'il eerib', mexq'etq'eto'k, cherahaq b'an li k'aru kub'enaq xwankil; meek'oxla eerib' chi numtajenaq eena'leb'.

1 Pedro 4:1

Li Kriist kixk'ul rahilal sa' li xtz'ejwal; jo'kan utan kawaq ajwi' leech'ool laa'ex chirix li k'a'uxl a'in: ani xk'ulum li rahilal, ak xraqe'k chi maakob'k,

1 Corintios 8:13

Jo'kan utan, wi li tzekemq taaluktesinq xch'ool li was wiitz'in, maajoq'e tintzekanq tib' chiruheb', re naq ink'a' tinluktesi xch'ool li was wiitz'in.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

2 Corintios 10:1

Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

2 Corintios 8:9

Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

Romanos 12:10

Jo' tz'aqal eeras eeriitz'in naq chera eerib' cherib'il eerib'; chek'oxla naq q'axal ka'loq' oxloq'eb' leekomon.

San Juan 11:2

Lix María a'an li kiyuluk re li Qaawa' rik'in sununkil b'an ut kixmes li roq rik'in rismal xjolom; ut li ras a'an yaj, aj Lázaro xk'ab'a'.

1 Corintios 12:3

Jo'kan naq nink'e chenaw naq maajun junaq li na'aatinak rik'in xMusiq' li Yos naru tixye: “Maa'usinb'ilaq taxaq li Jesus!”, ut maajun ajwi' naru tixye: “Li Jesus a'an li Qaawa'!”, wi ink'a' musiq'anb'il xb'aan li Santil Musiq'ej.

Filipenses 2:11

ut li junjunq tixch'olob' rik'in xtz'uumal re naq li Jesukriist a'an li Qaawa', re li xnimal xloq'al li Yos Yuwa'b'ej.

1 Timoteo 5:10

ut nawnooq ru rik'in li chaab'il k'anjel ak xb'aanuhom: naraj naxye, xtijeb' chi chaab'il eb' li ralal xk'ajol, xk'ehok ochochnaal, xch'ajom roqeb' laj santil paab'anel, xtenq'aheb' li wankeb' sa' rahilal ut xb'aanuhom yalaq k'a' chi chaab'il k'anjelil.