San Juan 13:1 - Q'eqchi Bible

¹ Rub'elaj chaq xninq'ehinkil li Paswa naxnaw li Jesus naq xwulak xhonal naq taa'elq sa' li ruuchich'och' a'in ut taaq'axonq rik'in li Yuwa'b'ej. Jo' naq kixraheb' li xtzolom li wankeb' sa' ruuchich'och', kixraheb' chi tz'aqal re ru toj sa' roso'jik.

Li Santil hu

¹ Ac cuulajak naticla li ninkꞌe Pascua. Li Jesús ac naxnau nak cuulac re xkꞌehil lix camic re nak ta̱xic cuiꞌchic riqꞌuin lix Yucuaꞌ saꞌ choxa. Junelic naxraheb li ralal xcꞌajol li teꞌcana̱k saꞌ ruchichꞌochꞌ ut nak ac ca̱mc re quixcꞌutbesi chi tzꞌakal lix rahom chiruheb.

San Juan 13:1 ပူးပေါင်းရင်းမြစ်များ

San Juan 12:23

Li Jesus kixsumeheb' ut kixye: —Xwulak xhonal naq taanimaaq xloq'al li K'ajolb'ej.

1 Juan 4:19

Laa'o nokoorahok xb'aan naq A'an kooxra xb'enwa.

San Juan 13:34

Jun ak' chaq'rab' nink'e eere: naq chera eerib' cherib'il eerib'. Jo' naq xexinra laa'in, jo'kan ajwi' naq chera eerib' cherib'il eerib'.

San Juan 16:28

Kin'elk chaq rik'in li Yuwa'b'ej ut kinchalk sa' ruuchich'och'; anaqwan tinkanab' li ruuchich'och' ut tinsutq'iiq wi' chik rik'in li Yuwa'b'ej”.

San Juan 13:3

Naxnaw li Jesus naq k'eeb'il chixjunil sa' ruq' xb'aan li Yuwa'b'ej, rik'in li Yos elenaq chaq ut rik'in li Yos xik re.

San Juan 18:4

Li Jesus naxnaw chixjunil li ok re chi xk'ulb'al; jo'kan naq kiwulak rik'ineb' ut kixye: —Ani nekesik'?

1 Corintios 1:8

A'an tixk'e xkawub' eech'ool toj reetal sa' roso'jik, re naq maak'a'aq eeq'usb'al sa' xkutankil li Qaawa' Jesukriist.

San Juan 17:16

Eb' a'an moko reheb' ta li ruuchich'och', jo' naq laa'in moko rehin ta li ruuchich'och'.

San Juan 17:1

Jo'ka'in naq ki'aatinak li Jesus. Chirix chik a'an kixtaqsi li rilob'aal sa' choxa ut kixye: “At inYuwa', xwulak xq'ehil. Chanima xloq'al laawalal re naq laawalal tixnima aawu

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

Hebreos 3:14

Xb'aan naq laa'o nokootz'aqonk rik'in li Kriist wi kaw qach'ool sa' li qapaab'aal, jo' chaq sa' xtiklajik jo'kanaq ajwi' chalen sa' roso'jik.

San Juan 17:5

At inYuwa', anaqwan chanima inloq'al chak'atq rik'in linloq'al kiwank chaq chak'atq naq toj maji' kiwank li ruuchich'och'.

San Mateo 26:45

Toja' naq kisutq'iik rik'ineb' li xtzolom ut kixye reheb': —Warinqex ut hilanqex wan. K'ehomaq reetal, xtaw xhonalil naq li K'ajolb'ej taaq'axtesiiq sa' ruq'eb' laj maak.

1 Pedro 1:13

Jo'kan utan, aj'ajaq ru leek'a'uxl ut tuqtuuq leech'ool. Chiwanq xnimal eeroyb'enihom rik'in li usilal taak'ehe'q eere xb'aan li Yos, naq tixk'utb'esi rib' li Jesukriist.

Hebreos 6:11

Ab'anan naqaj naq li junjunq sa' eeyanq chixyalaq ajwi' xq'e toj sa' roso'jik, toj reetal taatz'aqloq ru li qoyb'enihom,

Hebreos 3:6

A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.

Romanos 8:37

Ab'an chixjunil a'in naqaq'ax ru chi chaab'il sa' xk'ab'a' Li kirahok qe.

San Juan 17:26

Laa'in xink'e chixnaweb' anihat laa'at ut toj tink'e chik chixnaweb', re naq laarahom xinaara wi' wanq rik'ineb' ut laa'in wanqin rik'ineb'”.

San Juan 14:28

Xerab'i naq xinye eere: «Xik we ut tinchalq wi' chik eerik'in». Wi ta nikineera, nasaho'k raj sa' eech'ool naq tinxik rik'in li Yuwa'b'ej, xb'aan naq li Yuwa'b'ej nim xwankil chiwu.

San Juan 11:55

Taanach'oq chaq li Paswa, xninq'eheb' laj Judiiy, ut naab'aleb' li wankatqeb' sa' li na'ajej a'an ke'taqe'k Jerusalén rub'elaj li Paswa chi xch'ajob'resinkileb' rib'.

San Juan 7:30

Ke'raj raj xchapb'al, ab'an maa'ani kixtaqsi li ruq' sa' xb'een, xb'aan naq toj maji' nawulak li xhonalil.

San Juan 7:6

Toja' naq kixye li Jesus reheb': —Toj maji' nawulak linhonal, a'ut leehonal laa'ex junelik wank cheruq'.

San Juan 6:4

Taanach'oq chaq li Paswa, li xninq'eheb' laj Judiiy.

San Lucas 22:53

Rajlal kutan xinwank chaq sa' eeyanq sa' rochoch li Yos, ut ink'a' xetaqsi chaq leeruq' chinchapb'al; ab'anan a'an a'in leehonal, naq nanumtaak xwankil li aak'ab'.

San Lucas 9:51

Naq yo chi tz'aqlok xq'ehil li xtaqik, li Jesus kixkawila xch'ool chi xik Jerusalén

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Jeremías 31:3

laa'in kink'utb'esi wib' chiru. Laa'in nakatinra rik'in rahom wank chi junelik; jo'kan naq junelik twuxtaana aawu.

San Juan 8:20

Eb' li aatin a'in kixye li Jesus sa' li xna'aj li mayej, naq yo chi xtzolb'aleb' li tenamit sa' rochoch li Yos. Ut maa'ani kichapok re xb'aan naq toj maji' nawulak li xhonalil.

Proverbios 8:31

sa' li ruuchich'och' yoob'tesinb'il xb'aan; ut nintaw xsahil linch'ool rik'ineb' li ralal xk'ajoleb' li poyanam.

San Juan 2:13

Taanach'oq chaq li Paswa, xninq'eheb' laj Judiiy. Kitaqe'k li Jesus Jerusalén

San Juan 13:29

Wan ke'k'oxlank re naq li Jesus yo chi xyeeb'al re: “Toxaaloq' li k'aru nak'anjelak qe re li ninq'e”, malaj: “K'e b'ayaq xtenq'ankileb' li neb'a'”, xb'aan naq rik'in laj Judas wank li k'uuleb'aal tumin.

San Juan 14:31

ab'anan tento tixnaw li ruuchich'och' naq ninra li Yuwa'b'ej ut ninb'aanu li xinxtaqla wi' chaq. Xaqlinqex anaqwan ut elqo arin.

San Juan 19:28

Naxnaw li Jesus naq ak xtz'aqlok ru chixjunil; jo'kan naq kixye: —Taachaqiq we. Kixye a'in re naq chitz'aqloq ru li tz'iib'anb'il sa' li Santil Hu.