San Juan 12:40 - Q'eqchi Bible

⁴⁰ “Kixmutz'o'b'resiheb' li ru ut kixkawub'resi xch'ooleb', re naq ink'a' te'iloq rik'ineb' li ru, chi moko te'xtaw ru sa' xch'ooleb', chi moko te'yot'e'q xch'ool ut laa'in teb'ink'irtasi raj”.

Li Santil hu

⁴⁰ Chanchaneb li mutzꞌ xban nak queꞌiloc ut incꞌaꞌ queꞌxtau xya̱lal. Queꞌcacuubresi̱c lix chꞌo̱leb xban li Dios re nak incꞌaꞌ teꞌxtau xya̱lal chi moco teꞌsukꞌi̱k riqꞌuin re nak tixqꞌuirtesiheb. (Isa. 6:10)

San Juan 12:40 ပူးပေါင်းရင်းမြစ်များ

Isaías 6:10

Kawub'resi li xch'ooleb' li tenamit a'in, chajipob'resi li xxikeb' ut chamutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi”, chan.

San Lucas 8:10

ut a'an kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik ka'ajwi' sa' jaljookil ru aatin nak'eemank reheb': re naq us ta te'iloq maak'a' te'ril, us ta te'ab'inq maak'a' te'xtaw ru.

San Marcos 4:12

re naq, us ta te'iloq maak'a' te'ril, us ta te'ab'inq maak'a' te'xtaw ru. Mare anchal te'xyot' xch'ool te'xjal xk'a'uxl ut te'kuye'q te'sache'q li xmaakeb'”.

Isaías 29:10

Xb'aan naq li Qaawa' xwartesi leena'leb', xtz'ap leeru ut leejolom, ex propeet ut aj ilol moy u.

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

San Juan 9:39

—Chi raqok aatin xinchalk sa' li ruuchich'och' a'in -chan li Jesus- re naq eb' li ink'a' neke'ilok che'iloq, ut eb' li neke'ilok che'mutz'irq.

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Ezequiel 12:2

“At kaamel winq, wankat sa' xyanqeb' jun q'etq'etil tenamit: wank xsa' ruheb' ut ink'a' neke'ilok, wank xxikeb' ut ink'a' neke'ab'ink, xb'aan naq q'axal aj q'etoleb' aatin.

Jeremías 3:22

Chalqex wi' chik wik'in, ex walal ink'ajol aj q'etolex aatin, ut laa'in twisi leeq'etq'etil”. “Waaye'o arin, xoosutq'iik chaq aawik'in, xb'aan naq laa'at li Qaawa' li qaYos.

Salmos 147:3

Xk'irtasiheb' li toq'ob'eb' ru ut xb'an chixjunileb' li xtiq'ilaleb'.

Salmos 41:4

Li Qaawa' taak'irtasinq re naq yokyooq xb'aan li rahilal; trisi li xyajel ut tixk'e wi' chik xmetz'ew.

Salmos 6:2

At Qaawa', minaaq'us chi yo laajosq'il, minaak'e chi xtojb'al linmaak naq nikinaak'ahi.

Josué 11:20

Li Qaawa' kixk'e xkawilaleb' xch'ool chixjunileb' li tenamit a'an re yalok rik'ineb' laj Israel, re naq te'sache'q ru chi junajwa, jo' kixye li Qaawa' re laj Moisés.

Deuteronomio 29:4

Ab'anan toj chiru li kutan a'in, li Qaawa' toj maji' kexk'e chi xtawb'al ru ut chi xnawb'al xyaalalil chixjunil a'in.

Romanos 9:18

Jo'kan utan, li Yos naruxtaana ru li ani naraj ruxtaanankil ru, ut naxjipob'resi xch'ool li ani naraj xjipob'resinkil.

Hechos 28:26

«Ayu rik'ineb' li tenamit a'in ut ye reheb': Tex'ab'inq chi us, ab'an ink'a' teetaw ru; tex'iloq chi us, ab'an maak'a' teeril.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Ezequiel 14:9

“Ut naq junaq propeet taab'alaq'iiq ut tixye junaq aatin sa' ink'ab'a', naraj naxye naq laa'in xink'ehok re chi b'alaq'iik li propeet a'an; tinrahob'tesi ut twisi sa' xyanqeb' lintenamit Israel.

Jeremías 5:21

«Ab'ihomaq li esil a'in, ex jip aj tenamit ut maak'a' eena'leb'! Wank xsa' leeru, ab'an maak'a' nekeril; wank leexik, ut ink'a' nekex'ab'ink.

Hechos 15:3

Ke'chaq'rab'iik xb'aan li Iklees, ke'nume'k Fenicia ut Samaria, yookeb' chi xseeraq'inkil naq eb' li maawa'eb' aj Judiiy ke'xyot' xch'ool ke'xjal xk'a'uxl. K'ajo' naq ke'saho'k xch'ool chixjunileb' laj paab'anel chi rab'inkil a'in.

San Marcos 6:52

xb'aan naq ink'a' ke'xtaw ru li kixb'aanu rik'in li wa, ut tik kawujenaqeb' xch'ool.

Isaías 53:5

Ab'anan xtiq'e' xb'aan li qamaak ut xrahob'tesiik xb'aan li qamaa'usilal. Rik'in li rahob'tesiik kixk'ul, xk'e qe li tuqtuukilal ut rik'in li xtiq'ilal xook'irtasiik laa'o.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Éxodo 14:17

K'e reetal, laa'in tinkawub'resi xch'ooleb' laj Ejiipt re naq te'xik cherix. Toja' naq taanimaaq inloq'al naq tinsach xwankil laj Parahón ut chixjunileb' laj puub', li xb'eleb'aal ch'iich' ut li wankeb' chirixeb' li kawaay.

Éxodo 14:8

Li Qaawa' kixkawub'resi xch'ool laj Parahón, awab'ej re Ejiipt, re naq tixtaaqeheb' laj Israel naq yookeb' chi elk chi kaweb' xch'ool.

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

Éxodo 7:13

Ab'an kikawuuk xch'ool laj Parahón ut ink'a' kirab'iheb', jo' tz'aqal yeeb'il chaq chi junxilaj xb'aan li Qaawa'.

Éxodo 7:3

Ab'an laa'in tinkawub'resi xch'ool laj Parahón; us ta naab'al li xninqal ru eetalil ut li sachb'ach'oolej tinb'aanu sa' xteepal Ejiipt,

Éxodo 4:21

Li Qaawa' kixye re laj Moisés: “Akaq xatwulak Ejiipt, b'aanu chiru laj Parahón chixjunileb' li sachb'ach'oolej xink'eheb' sa' aawuq'. A'ut laa'in tinkawub'resi xch'ool laj Parahón ut ink'a' tixkanab'eb' chi elk li tenamit.

1 Reyes 22:20

Ut li Qaawa' kixpatz': «Ani taab'alaq'inq re laj Ajab re naq taaxik chi yalok aran Ramot, sa' xteepal Galahad, ut aran taakamq?», chan. Ut jalan jalanq ke'xye li junjunq.

Éxodo 9:12

Ab'anan li Qaawa' kixkawub'resi xch'ool laj Parahón, ut a'in ink'a' kirab'iheb', kama' yeeb'il chaq re laj Moisés xb'aan li Qaawa'.

Éxodo 10:1

Kixye li Qaawa' re laj Moisés: “Ayu rik'in laj Parahón, xb'aan naq xinkawub'resi xch'ool jo' ajwi' li xch'ooleb' laj k'anjel chiru, re xb'aanunkil eb' li xninqal reetalil a'in sa' xyanqeb'.

Éxodo 11:10

Laj Moisés ut laj Aharón ke'xb'aanu chixjunileb' li sachb'ach'oolej a'in chiru laj Parahón; ab'an li Qaawa' kixkawub'resi xch'ool laj Parahón ut a'in ink'a' kixkanab'eb' laj Israel chi elk sa' li xtenamit.

Isaías 6:9

Toja' naq kixye we: “Ayu ut ye li aatin a'in reheb' li tenamit: «Rik'in leexik tex'ab'inq ut ink'a' teetaw ru; teek'e eech'ool chi ilok ut maak'a' teeril».

San Juan 12:39

Ink'a' kiru ke'paab'ank xb'aan naq yeeb'il ajwi' chaq xb'aan laj Isaías: