San Juan 12:29 - Q'eqchi Bible

²⁹ Eb' li tenamit li wankeb' aran, naq ke'rab'i a'an, ke'xye naq kaaq li x'eek'ank. Junch'oleb' chik ke'xye: “Jun ánjel x'aatinak rik'in”.

Li Santil hu

²⁹ Ut li queꞌabin re nak quia̱tinac li Dios incꞌaꞌ queꞌxnau nak aꞌan li Dios. Cuan queꞌxye: —Ca̱k x-ecꞌan, chanqueb. Ut cuan cuiꞌchic queꞌyehoc re: —Jun ángel x-a̱tinac riqꞌuin, chanqueb.

San Juan 12:29 ပူးပေါင်းရင်းမြစ်များ

Apocalipsis 14:2

Ut kiwab'i jun xyaab' kuxej sa' choxa, jo' xyaab' k'iila ha', jo' naq namoqk jun li kawil kaaq; li xyaab' kuxej kiwab'i chanchan xyaab' xkuxeb' laj aarp naq yo li aarpik.

Apocalipsis 11:19

Ut kiteeliik li rochoch li Yos sa' choxa, kik'utunk li xLoq'laj Kaaxil li Sumwank sa' rochoch li Yos ut kilaje'wank raq'kaaq, xyaab' kuxej, kaaq, hiik ut makach'in li saqb'ach.

Apocalipsis 8:5

Chirix chik a'an li ánjel kixchap li sansaar, kixnujob'resi rik'in ru xxamlel li artal ut kixkut sa' xb'een li ruuchich'och'. Toja' naq kiwank kaaq, xyaab' kuxej, raq'kaaq ut hiik.

Apocalipsis 6:1

Naq li Karneer kixte jun reheb' li wuqub' chi tz'apleb', kiwil ut kiwab'i li xb'een reheb' li kaahib' chi yo'yookeb', jo' xyaab' li kaaq naq kixye: “Kim”.

Ezequiel 10:5

Toj chirix li kab'l na'ab'imank li xyaab' li xxik'eb' li kerubín naq neke'xik'ank, chanchan wi' naq li Nimajwal Yos yo chi aatinak chi kaw xyaab' xkux.

Li xHu LAJ JOB 40:9

Ma q'axal kaw tab'i' aawib' chiwu laa'in? Ma naru xjuntaq'eetankil li xkawilal xyaab' laakux rik'in li we?

Éxodo 20:18

Chixjunileb' li tenamit ke'xk'e reetal li kaaq ut li raq'kaaq, li xyaab' tronpeet ut li xsib'el li tzuul; ke'siksotk xb'aan xxiweb' ut ke'kanaak chi najt:

Éxodo 19:16

Hik'ho sa' li rox kutan kilaje'wank li kaaq, li raq'kaaq ut jun li choql moymoy ru sa' xb'een li tzuul; ki'eek'ank ajwi' jun tronpeet chi numtajenaq kaw, ut chixjunileb' li poyanam li wankeb' sa'eb' li muheb'aal ke'ok chi xsiksikinkil rib'.

Hechos 9:7

Eb' li winq li yookeb' chi xik rochb'een ke'xaqliik chi sachsookeb' xch'ool, xb'aan naq ke'rab'i li xyaab' kuxej, ab'anan maa'ani ke'ril ru.