San Juan 12:13 - Q'eqchi Bible

¹³ jo'kan naq ke'xchap xxaq mokooch ut ke'elk chi xk'ulb'al, japjookeb' re chi xyeeb'al: —Chinimaaq xloq'al li Yos! Usilaatinanb'il taxaq li yo chi chalk sa' xk'ab'a' li Qaawa', a' li xreyeb' laj Israel!

Li Santil hu

¹³ Quilajeꞌxcꞌam chak xxak li moco̱ch ut queꞌchal chixcꞌulbal li Jesús. Japjo̱queb re chixyebal: —Lokꞌoninbil taxak li Ka̱cuaꞌ. Osobtesinbil taxak li xchal saꞌ xcꞌabaꞌ li Ka̱cuaꞌ Dios. Osobtesinbil taxak li karey, la̱o aj Israel, chanqueb.

San Juan 12:13 ပူးပေါင်းရင်းမြစ်များ

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Apocalipsis 7:9

Chirix chik a'an kin'ilok, ut kink'e reetal naq k'ajo' xk'ihaleb' li tenamit! Maa'ani naruhank chi rajlankileb': chalenaqeb' chaq sa' chixjunileb' xteepal li xtenamit sa' ruuchich'och', yalaq chanru neke'ilok ut neke'aatinak, xaqxookeb' chiru li nimajwal k'ojarib'aal ut chiru li Karneer, tiqtookeb' rik'in saqi aq' ut wank xxaq mokooch sa' ruq'eb'.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

San Mateo 23:39

Ninye eere naq ink'a' chik teeril wu toj reetal teeye: «Usilaatinanb'il li xchalk sa' xk'ab'a' li Qaawa'!»”.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

San Juan 19:15

Ut eb' a'an ke'xjap re: —Isi chiqu, isi chiqu! K'e chiru krus! chankeb'. Kixye laj Pilaat reheb': —Ma a' leerey tink'e chiru krus? Ke'chaq'ok li xb'eenileb' aj tij ut ke'xye: —Maak'a' qarey, ka'ajwi' laj César.

Sofonías 3:15

Xb'aan naq li Qaawa' xrisi li raqb'a aatin sa' aab'een ut xraanilasiheb' li xik' neke'ilok aawe. Li Qaawa', li x'awab'ej laj Israel, wank aawik'in, ut maajun chik taaxib'esinq aawe.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

Isaías 44:6

Jo'ka'in kixye li Qaawa', li Nimajwal Yos, li awab'ej re Israel, laj kolol reheb': “Laa'in li xtiklajik ut li xraqik; maak'a' chik junaq yos chiwu laa'in.

Levítico 23:40

Sa' xb'een li kutan teexok ru li chaab'il che', jo'wi' li xxaq kala', xxaq xninqal che' ut xxaq li kok' chik che' nak'iik chire li nima', ut chiru wuqub' kutan taasaho'q eech'ool rik'in li Qaawa' leeYos.

San Juan 12:15

“Matxiwak, at xrab'in Sión. Il, we' chaq laaRey k'ojk'o chaq chirix ral jun li b'uur”.

San Mateo 27:42

“Jalanatq chik kixkoleb', ut a'an ink'a' naruhank chi xkolb'al rib'! A'an li xreyeb' laj Israel! Kub'eeq chaq anaqwan chiru li krus ut toopaab'anq chiru.

San Juan 12:14

Naq li Jesus koxtaw jun ch'ina b'uur, kik'ojlaak sa' xb'een jo' tz'iib'anb'il reetalil: