San Juan 11:25 - Q'eqchi Bible

²⁵ Kixye li Jesus re: —Laa'in li wakliik wi' chik chi yo'yo ut li yu'am. Ani napaab'ank we, us ta taakamq, taawanq xyu'am,

Li Santil hu

²⁵ Ut li Jesús quixye re: —La̱in li nincuaclesin reheb li camenak chi yoꞌyo. La̱in li ninqꞌuehoc junelic yuꞌam. Li ani napa̱ban cue la̱in ta̱cua̱nk xyuꞌam chi junelic usta nacam.

San Juan 11:25 ပူးပေါင်းရင်းမြစ်များ

1 Ts 4:14

Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

San Juan 3:36

Ani napaab'ank re li K'ajolb'ej, wank xyu'am chi junelik; a'ut li ink'a' napaab'ank re li K'ajolb'ej ink'a' taaril li yu'am, a' chik li xjosq'il li Yos teneb'anb'il sa' xb'een”.

San Juan 1:4

Rik'in wan chaq li yu'am ut li yu'am a'an chaq li xsaqenkeb' li poyanam;

San Juan 5:21

“Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj.

San Juan 6:44

Maa'ani naru nachalk wik'in, wi ink'a' k'amb'il chaq xb'aan li Yuwa'b'ej li kitaqlank chaq we; ut laa'in tinwaklesi chi yo'yo sa' roso'jikeb' li kutan.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

Romanos 8:2

Xb'aan naq li xchaq'rab' li Musiq'ej li nak'ehok yu'am sa' xk'ab'a' li Kristo Jesus xatrach'ab' chiru xchaq'rab' li maak ut li kamk.

San Juan 6:35

Kixye li Jesus reheb': —Laa'in li yu'am wa. Ani taachalq wik'in ink'a' taatz'okaaq, ut li taapaab'anq we maajaruj taachaqiq re.

Apocalipsis 21:4

Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

Filipenses 3:10

Nawaj xnawb'al ru li Kriist ut li xwankil li xwaklijik chi yo'yo, nawaj ajwi' tz'aqonk sa'eb' li xrahilal: chi jo'kan, juntaq'eetanb'ilaqin rik'in A'an sa' li xkamik,

Apocalipsis 20:5

Ab'an eb' li kamenaq junch'ol chik ink'a' ke'wakliik chi yo'yo toj sa' roso'jik li jun mil chihab'. A'an a'in li xb'een waklijik chi yo'yo.

Hechos 3:15

Xekamsi li nak'amok b'e sa' li yu'am. Ab'anan li Yos xwaklesi chi yo'yo sa' xyanqeb' li kamenaq, ut laa'o xqil ut nokoo'aatinak chirix.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 5:26

Jo' naq li Yuwa'b'ej wank xyu'am xjunes rib', kixk'e ajwi' re li K'ajolb'ej naq wank xyu'am xjunes rib',

Salmos 36:9

Neke'xch'oolani rib' rik'in li saa'us wank sa' laawochoch; chanchan xkawil oq li nima', li sahilal nakak'e chi ruk'eb'.

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

San Juan 14:19

Sa' jun k'amok chik li ruuchich'och' ink'a' chik taaril wu, a'ut laa'ex teeril wu xb'aan naq yo'yookin ut yo'yooqex ajwi' laa'ex.

Isaías 38:16

Chixjunileb' li k'aak'alenb'ileb' xb'aan li Qaawa' te'wanq xyu'am ut laa'in tinwanq rik'ineb'. Xinaak'irtasi, at Qaawa', ut xak'e wi' chik inyu'am.

Filipenses 1:23

Ka'pak'al naweek'a lintitz'b'al: nawaj raj tinq'ajq tinsutq'iiq re naq wanqin rik'in li Kriist, ut a'in tz'aqal li q'axal us.

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

2 Corintios 4:14

Naqanaw naq li Yos li kiwaklesink re chi yo'yo li Qaawa' Jesus, tooxwaklesi ajwi' laa'o qochb'een li Jesus ut toxooxaqab' chiru qochb'eenaqex laa'ex.

Romanos 4:17

jo' naxye li Santil Hu: “Xatinxaqab' cho'q xyuwa' li k'iila tenamit”. A'an qayuwa' chiru li Yos, xb'aan naq kixpaab' li Yos li nak'ehok xyu'ameb' li kamenaq ut naxyoob'tesiheb' li k'a'aq re ru toj maak'a'.

San Lucas 23:43

Kixye li Jesus re: —Relik chi yaal ninye aawe naq hoon ajwi' wanqat wik'in sa' linloq'laj na'aj.

1 Corintios 15:29

Wi ta ink'a' jo'kan, k'a' raj aj e naq wankeb' li neke'kub'siik xha' sa' xk'ab'a'eb' li kamenaq? Wi tik ink'a' te'wakliiq chi yo'yo eb' li kamenaq, k'a'ut naq neke'kub'siik xha' sa' xk'ab'a'eb' a'an?

1 Corintios 15:18

Ut eb' li xtzolom li Kriist li xe'xk'uula rib', sachenaqeb' aj raj wi'.

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

Apocalipsis 1:18

laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.