San Juan 11:24 - Q'eqchi Bible

²⁴ Kichaq'ok lix Marta: —Ninnaw naq taawakliiq wi' chik sa' xwaklijikeb' chi yo'yo li kamenaq, sa' roso'jikeb' li kutan, chan.

Li Santil hu

²⁴ Ut lix Marta quixye: —La̱in ninnau nak ta̱cuacli̱k cuiꞌchic chi yoꞌyo nak teꞌcuacli̱k li camenak saꞌ rosoꞌjiqueb li cutan, chan.

San Juan 11:24 ပူးပေါင်းရင်းမြစ်များ

Hechos 24:15

ut kaw linch'ool chi royb'eninkil rik'in li Yos naq te'wakliiq wi' chik chi yo'yo li tiikeb' xch'ool ut eb' laj maak, jo' ajwi' neke'royb'eni eb' a'in.

Isaías 26:19

Eb' laakamenaq te'wanq xyu'am, te'yo'laaq wi' chik li xb'aqel rismaleb'; te'ajq ruheb' ut te'b'ichanq xb'aan xsahil xch'ooleb' jo'k'ihaleb' li wankeb' sa' pojtz'. Xb'aan naq laak'ajob' a'an jun k'ajob' nalemtz'unk ru, ut li xna'ajeb' li kamenaq taa'alanq.

San Lucas 14:14

ut taataw xsahil aach'ool rik'in naq ink'a' te'ruuq xk'eeb'al reeqaj aawe: toj sa' li xwaklijikeb' chi yo'yo li tiikeb' xch'ool taak'eemanq aaq'ajkamunkil.

Oseas 13:14

Ma tinkol tab'i' chiru li muqleb'aal kamenaq? Ma twisi tab'i' sa' ruq' li kamk? At kamk, b'ar wank laawankil? B'ar wank laatiq'leb', at muqleb'aal kamenaq? Ink'a' twil xtoq'ob'aal ru laj Efraín.

Oseas 6:2

Sa' wiib' kutan tixk'e wi' chik qayu'am, ut sa' rox li kutan tooxwaklesi wi' chik re naq wanqo rik'in.

Salmos 17:15

A'ut laa'in sa' xtiikilal linch'ool toxwil xnaq' aawu; sa' li wajik, taak'ojlaaq li waanm chi wank chawe chawu.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Hebreos 11:35

ut eb' li ixq ke'xtaw wi' chik chi yo'yo li xkamenaqeb'. Wankeb' ke'rahob'tesiik ut ink'a' ke'raj ach'ab'aak, re xtawb'al jun xwaklijikeb' chi yo'yo q'axal chaab'il chik;

San Juan 6:39

Ut a'an a'in li rajom li kitaqlank chaq we: naq chixjunil li xk'ehom we ink'a' taasachq chiwu, tinwaklesi b'an chi yo'yo sa' roso'jikeb' li kutan.

San Juan 6:40

Xb'aan naq a'an a'in li rajom linYuwa': naq yalaq ani taaril ru li K'ajolb'ej ut tixpaab', wanq xyu'am chi junelik, ut laa'in tinwaklesi chi yo'yo sa' roso'jikeb' li kutan.

San Juan 11:23

Kixye li Jesus re: —Laawas taawakliiq wi' chik chi yo'yo.