San Juan 10:36 - Q'eqchi Bible

³⁶ k'a'ut naq chiwix laa'in li kinxsantob'resi li Yuwa'b'ej ut kinxtaqla chaq sa' ruuchich'och' nekeye naq ninmajewa li Yos xb'aan naq xinye: «Ralalin li Yos»?

Li Santil hu

³⁶ Li Acuabej Dios xsicꞌoc cuu ut xinixtakla chak saꞌ ruchichꞌochꞌ. ¿Cꞌaꞌut nak nequeye la̱ex nak yo̱quin chixmajecuanquil li Dios riqꞌuin nak ninye nak la̱in li Ralal?

San Juan 10:36 ပူးပေါင်းရင်းမြစ်များ

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

Jeremías 1:5

“Naq toj maji' nakatsiyaak chaq rik'in laana', laa'in ak xinsik' chaq aawu; naq toj maji' nakatyo'laak, ak santob'resinb'ilat chaq inb'aan ut ak xaqab'anb'ilat cho'q xpropeet eb' li tenamit”, chan li Yos.

San Juan 20:31

A'ut eb' a'in tz'iib'anb'ileb' re naq yooqex chi xpaab'ankil naq li Jesus a'an li Kriist, li Ralal li Yos, ut rik'in xpaab'ankil taawanq eeyu'am sa' xk'ab'a' A'an.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Romanos 9:5

Eb' a'an ralal xk'ajoleb' li qaxe' qatoon; sa' xyanqeb' a'an kitz'ejwalo'k li Kriist li kiyo'laak chaq sa' riyajileb'. A'in wank xwankil sa' xb'een chixjunil, Yos usilaatinanb'il chi junelik q'e kutan. Jo'kan taxaq.

Romanos 1:4

ut xaqab'anb'il cho'q Ralal li Yos rik'in xnimal xwankil, jo' chanru rajom li Musiq'ej aj santob'resihom re chixjunil, sa' xk'ab'a' li xwaklijik chi yo'yo sa' xyanqeb' li kamenaq.

San Juan 20:28

Kichaq'ok laj Tomás ut kixye: —At inQaawa', at inYos!

San Juan 19:7

Ke'chaq'ok eb' laj Judiiy ut ke'xye: —Laa'o wank qaChaq'rab' ut jo' naxye li Chaq'rab' a'in, tento taakamq xb'aan naq xk'e rib' cho'q Ralal li Yos.

San Juan 17:21

re naq junaqeb' ta chixjunileb'. Jo' naq laa'at, at inYuwa', wankat wik'in ut laa'in aawik'in, jo'kan ajwi' junaqeb' ta a'an qik'in re naq tixpaab' li ruuchich'och' naq laa'at xattaqlank chaq we.

San Juan 17:18

Jo' naq laa'at xinaataqla chaq sa' ruuchich'och', jo'kan ajwi' laa'in xintaqlaheb' sa' ruuchich'och'.

San Juan 17:8

xb'aan naq eb' li aatin xak'eheb' we xink'e reheb', ut eb' a'an xe'xk'ul ut xe'xnaw chi tz'aqal yaal naq aawik'in xin'elk chaq, jo' ajwi' xe'xpaab' naq laa'at xattaqlank chaq we.

San Juan 6:69

Laa'o naqapaab' ut naqanaw naq laa'at li xSantil Alal li Yos.

San Juan 6:57

Jo' naq li yo'yookil Yuwa'b'ej kitaqlank chaq we ut laa'in yo'yookin sa' xk'ab'a' li Yuwa'b'ej, jo'kan ajwi' li taatzekanq we yo'yooq sa' ink'ab'a'.

San Juan 6:38

Xb'aan naq xinkub'e chaq sa' choxa moko re ta xb'aanunkil li wajom laa'in, re b'an xb'aanunkil li rajom li kitaqlank chaq we.

San Juan 5:30

“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we.

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

San Mateo 27:43

Kaw xch'ool rik'in li Yos. Chikole'q anaqwan, wi yaal naq narahe'k, xb'aan naq kixye: «Ralalin li Yos»”.

Salmos 2:2

Neke'xk'amchi'i rib'eb' li x'awab'ej li ruuchich'och', eb' laj jolominel wotz neke'k'uub'ank raaxiik' chirix li Qaawa' ut li Sik'b'il ru xb'aan:

Gálatas 4:4

A'ut naq kixtaw xtz'aqlojik li kutan, li Yos kixtaqla chaq li Ralal, yo'lajenaq rik'in ixq, yo'lajenaq rub'el xwankil li Najter Chaq'rab',

Romanos 8:3

Naraj naxye, li k'aru ch'a'aj xb'aanunkil chiru xChaq'rab' laj Moisés xb'aan naq na'aaleek li tz'ejwalej, a'an li ki'uxk xb'aan li Yos: kixtaqla chaq li Ralal jo' qech winqilal na'aaleek, ut a'an kixk'am qach'och'el qasululel, re risinkil li maak. Chi jo'kan li Yos kixraq aatin sa' xb'een li maak

San Juan 8:42

Kixye li Jesus reheb': —Wi ta a' li Yos leeYuwa', nikineera raj, xb'aan naq rik'in li Yos kin'elk ut kinchalk chaq. Ink'a' kinchalk injunes wib'; a' li Yos, a'an li kitaqlank chaq we.

San Mateo 27:54

Li xjolomileb' laj puub' rochb'eeneb' li yookeb' chi k'aak'alenk re li Jesus, naq ke'reek'a li hiik ut ke'ril li yo chi k'ulmank, k'ajo' naq ke'xiwak: —Relik chi yaal naq li winq a'in Ralal li Yos, chankeb'.

Isaías 55:4

Laa'in kinxaqab'ank re laj David cho'q wuuchil chiruheb' li tenamit, cho'q aj k'amol b'e ut aj jolominel reheb' li poyanam.

Isaías 42:3

Ink'a' tixtoq li kaxlan'aj ak jorol, chi moko tixchup xsaqenkil li noq' toj nab'utz'utz'nak. Tz'aqal tixxaqab' xwankil li tiikilal.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

San Juan 10:35

Wi naxk'eheb' cho'q yos li ke'k'uluk re li Raatin li Yos (ut ink'a' naru xsachb'al xwankil li Santil Hu),