San Juan 10:28 - Q'eqchi Bible

²⁸ Laa'in nink'e reheb' li junelik yu'am ut maajaruj te'oso'q, ut maa'ani taamaq'oq reheb' sa' wuq'.

Li Santil hu

²⁸ La̱in tinqꞌueheb xyuꞌam chi junelic. Incꞌaꞌ teꞌosokꞌ ut ma̱ ani ta̱ru̱k ta̱makꞌok reheb chicuu.

San Juan 10:28 ပူးပေါင်းရင်းမြစ်များ

San Juan 6:37

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Romanos 8:29

Xb'aan naq eb' li kixnaweb' ru ut kixraheb' chi junxilaj, kixxaqab'eb' ajwi' chi xjalam'uuchinkil li Ralal, re naq a'anaq asb'ej sa' xyanqeb' xk'ihaleb' li riitz'in.

San Juan 18:9

A'in kik'ulmank re naq chitz'aqloq ru li aatin yeeb'il chaq xb'aan: “Maajun reheb' li xak'e we, xsachk chiwu”.

Filipenses 1:6

K'ojk'o inch'ool naq li Yos li xyoob'ank re li chaab'il k'anjel a'in eerik'in yooq ajwi' chi xtz'aqob'resinkil ru, toj reetal sa' xkutankil li Kristo Jesus.

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.

1 Juan 2:25

A'an a'in li kixyeechi'i qe li Kriist, a' li junelik yu'am.

San Juan 4:14

a'ut li taa'uk'uq re li ha' tink'e laa'in, maajoq'e chik taachaqiq re: li ha' tink'e laa'in wanq rik'in jo' jun yu'amha' nab'ululnak re li junelik yu'am.

Romanos 8:1

Jo'kan utan, maak'a' chik tojb'amaak sa' xb'eeneb' li wankeb' rik'in li Kristo Jesus.

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Juan 5:24

“Relik chi yaal ninye eere: li na'ab'ink re li waatin ut naxpaab' li kitaqlank chaq we, wank xyu'am chi junelik ut maak'a'aq tojb'amaak sa' xb'een; ak x'elk sa' li kamk ut xq'axonk sa' li yu'am.

1 Juan 2:19

Sa' qayanq xe'elk, ab'an moko qakomoneb' ta; wi ta qakomoneb', xe'kanaak raj qik'in. Ab'an xk'ulmank a'an re naq taak'utunq naq moko qakomoneb' ta chixjunileb'.

1 Juan 5:11

Ut a'an a'in li xch'olob'ahom li Yos: naq xk'e qe li junelik yu'am ut li yu'am a'in wank rik'in li Ralal.

San Judas 1:21

Kanaaqex sa' xrahom li Yos, yooqex chi royb'eninkil li ruxtaan li Qaawa' Jesukriist, cho'q re li junelik yu'am.

1 Pedro 1:5

li xokxookex xb'aan xwankil li Yos, sa' xk'ab'a' leepaab'aal, cho'q re li kolb'a ib' li taak'utb'esiiq sa' roso'jikeb' li kutan.

Salmos 37:28

xb'aan naq li Qaawa' naxra li tiikil ch'oolej, ut ink'a' naxkanab' xjuneseb' li neke'paab'ank re. Li ink'a' useb' xna'leb' te'sache'q chi junajwa; li ralal xk'ajoleb' laj maak te'isiiq chi junwaakaj.

Deuteronomio 33:3

Laa'at nakaraheb' li qaxe'toonil yuwa'; chixjunil laasantil tenamit wank sa' laawuq'. Eb' a'an wiq'wookeb' rub'el laawoq rub'el aawuq', ut naxik xch'ooleb' chirix laawaatin.

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

San Juan 11:25

Kixye li Jesus re: —Laa'in li wakliik wi' chik chi yo'yo ut li yu'am. Ani napaab'ank we, us ta taakamq, taawanq xyu'am,

Jeremías 31:3

laa'in kink'utb'esi wib' chiru. Laa'in nakatinra rik'in rahom wank chi junelik; jo'kan naq junelik twuxtaana aawu.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

Proverbios 24:16

Us ta wuqub' sut nat'ane'k li tiik xch'ool, ab'an nawakliik wi' chik; a'ut li ink'a' useb' xna'leb', ra toxe'oso'q wi'.

2 Ts 2:13

A'ut laa'o rajlal toob'anyoxinq re li Yos cherix laa'ex, ex qas qiitz'in raarookex xb'aan li Qaawa', xb'aan naq li Yos kisik'ok eeru chalen chaq sa' xtiklajik re naq texkole'q sa' xk'ab'a' li santob'resink naxb'aanu li Musiq'ej, jo' ajwi' xb'aan xpaab'ankil li yaal.

San Juan 3:36

Ani napaab'ank re li K'ajolb'ej, wank xyu'am chi junelik; a'ut li ink'a' napaab'ank re li K'ajolb'ej ink'a' taaril li yu'am, a' chik li xjosq'il li Yos teneb'anb'il sa' xb'een”.

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

Romanos 5:21

Chi jo'kan, kama' li maak kiwank xwankil rik'in li kamk, jo'kan ajwi' chi'awab'ejinq li rusilal li Yos rik'in li tiikil ch'oolej ut cho'q re li junelik yu'am, sa' xk'ab'a' li Jesukriist, li Qaawa'!

Li xHu LAJ JOB 17:9

Ab'an li tiik xch'ool kaw xaqxooq sa' li xpaab'aal, ut li maak'a' xmaak chinimanq li xkawilal xch'ool.

1 Timoteo 1:16

Ut a'in xyaalal naq li Yos kiruxtaana wu: re naq li Jesukriist xb'enwa wik'in tixk'utb'esi chixjunil li xnimal xkuyum, jo'wi' re xk'amb'al xb'e chixjunileb' li te'paab'anq re naq te'reechani li junelik yu'am.

Romanos 6:23

Xb'aan naq li xtojb'al li maak a'an li kamk; ab'an li maatan li nachalk rik'in li Yos a'an li junelik yu'am sa' xk'ab'a' li Kristo Jesus, li Qaawa'.

Romanos 5:17

Wi sa' xk'ab'a' li xmaak jun chi winq kiwank xwankil li kamk, jo'kan ajwi' sa' xk'ab'a' li jun chirib'il, a' li Jesukriist, k'ajo' chik naq te'awab'ejinq sa' li ak' yu'am eb' li neke'xmaatani chi yo'oon li tiikil ch'oolej, sa' xk'ab'a' xnimal rusilal li Yos!

Romanos 5:2

Xb'aan A'an, rik'in li paab'aal, xqataw qokik sa' li usilal a'in li wanko wi', ut naqanima qib' rik'in royb'eninkil li xnimal xloq'al li Yos.

Hechos 7:59

Ut naq yookeb' chi xteninkil chi pek, laj Esteban jo'ka'in kitijok: “At Qaawa' Jesus, chak'ul linmusiq'”, chan.

San Juan 14:19

Sa' jun k'amok chik li ruuchich'och' ink'a' chik taaril wu, a'ut laa'ex teeril wu xb'aan naq yo'yookin ut yo'yooqex ajwi' laa'ex.

San Juan 6:47

Relik chi yaal ninye eere: ani wank xpaab'aal, wank xyu'am chi junelik.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Jeremías 32:40

Tink'ojob' jun Sumwank rik'ineb', li wanq xwankil chi junelik: laa'in ninye li waatin naq junelik twusila ruheb', ut tink'e sa' xch'ooleb' naq te'roxloq'i wu ut ink'a' chik te'xnajtob'resi rib' wik'in.

1 Samuel 2:9

A'an nab'eresink reheb' li neke'paab'ank re, a'ut li ink'a' useb' xna'leb' te'oso'q sa' li aak'ab', xb'aan naq maa'ani naq'axok u yal rik'in li xmetz'ew.

Romanos 5:9

Anaqwan tiikob'resinb'il qach'ool xb'aan xkik'el li Kriist: ma toja' ta chik ink'a' tooxkol li Yos chiru li tojb'amaak sa' xk'ab'a' A'an?

San Juan 6:68

Kichaq'ok laj Simón Pedro ut kixye: —Qaawa', ani aj ik'in tooxik? Aawik'in wank li aatin nak'ehok li junelik yu'am.

San Lucas 23:46

ut li Jesus kixjap re chi kaw: —At inYuwa', sa' laawuq' tinq'axtesi linmusiq', chan. Ut naq kixye a'in, ki'elk xch'ool.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Salmos 31:5

Chinaawisi taxaq sa' linra'lenkil xe'xk'e: relik chi yaal naq laa'at linmuheelahom.

San Marcos 13:22

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Isaías 27:3

Laa'in, li Qaawa', nin'ilok re ut kok'aq xsa' nint'aqresi. Nink'aak'ale chi q'eq ut chi kutan re naq maajun taach'e'oq re.

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.

San Juan 10:29

Li Yuwa'b'ej li xk'ehokeb' we, a'an q'axal nim xwankil chiruheb' chixjunil ut maak'a' naru taamaq'e'q xb'aan anihaq sa' ruq' li Yuwa'b'ej.

1 Juan 1:2

xb'aan naq kixk'ut rib' li yu'am: laa'o qilom ut nokoo'aatinak chirix, ut naqaye resil eere li junelik yu'am li kiwank chaq rik'in li Yuwa'b'ej ut kixk'ut rib' chiqu--,