San Juan 10:14 - Q'eqchi Bible

¹⁴ “Laa'in li chaab'il aj k'aak'alenel, ut nekeb'innaw ru linkarneer ut eb' li we neke'xnaw wu,

Li Santil hu

¹⁴ La̱in chanchanin jun cha̱bil pastor. La̱in ninnau ruheb li cualal incꞌajol. Ut eb aꞌan nequeꞌxnau cuu la̱in.

San Juan 10:14 ပူးပေါင်းရင်းမြစ်များ

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

San Juan 10:11

Laa'in li chaab'il aj k'aak'alenel karneer. Li chaab'il aj k'aak'alenel naxk'e li xyu'am sa' xk'ab'a'eb' li xkarneer.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

Efesios 1:17

Nintz'aama chiru li xYos li Qaawa' Jesukriist, xYuwa' li nimajwal loq'al, naq tixk'e taxaq eena'leb' sa' xk'ab'a' li Musiq'ej ut tixk'ut rib' cheru re naq teenaw ru chi tz'aqal.

San Juan 17:3

A'an a'in li junelik yu'am: naq te'xnaw aawu laa'at li junat chi tz'aqal Yos ut li xataqla chaq, li Jesus a' li Kriist.

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

Apocalipsis 2:2

Ninnaw laab'aanuhom, laakawil k'anjel ut li xnimal aakuyum; ninnaw ajwi' naq ink'a' nakakuyeb' li ink'a' useb' xch'ool. Xayaleb' rix li neke'xye rib' naq a'aneb' apóstol ut maawa'eb', ut xataw ru naq aj tik'ti'eb'.

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

Filipenses 3:8

A wi' chik a'in: chiwu laa'in chixjunil li k'a'aq re ru maak'a' na'ok wi' sa' xk'ab'a' li xnimal xloq'al xnawb'al ru li Kristo Jesus, linQaawa'. Sa' xk'ab'a' a'an xintz'eq chirix inch'ool chixjunil li k'a'aq re ru ut yal mul aj chik naq nawil, re naq tweechani li Kriist

Efesios 3:19

Nintz'aama chiru li Yuwa'b'ej naq teenaw li xrahom li Kriist li naxq'ax ru chixjunil li qak'a'uxl, re naq nujenaqaqex rik'in chixjunil li xchaab'ilal li Yos toj taatz'aqloq ru li Kriist eerik'in.

San Juan 17:8

xb'aan naq eb' li aatin xak'eheb' we xink'e reheb', ut eb' a'an xe'xk'ul ut xe'xnaw chi tz'aqal yaal naq aawik'in xin'elk chaq, jo' ajwi' xe'xpaab' naq laa'at xattaqlank chaq we.

Apocalipsis 2:19

Ninnaw laab'aanuhom, laarahom, laapaab'aal, laak'anjel ut laakuyum. Ninnaw ajwi' naq li xab'aanu sa' roso'jik q'axal chaab'il chik chiru li xab'aanu xb'enwa.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

Apocalipsis 3:15

Ninnaw laab'aanuhom; moko kehat ta chi moko tiqat. Us rajan kehat ta malaj tiqat taxaq!

Apocalipsis 3:8

Ninnaw laab'aanuhom. K'e reetal, xink'e jun li okeb'aal teeto chawu ut maa'ani naru chi xtz'apb'al; xb'aan naq, us ta kach'in ajwi' laakawilal, ab'an xak'uula sa' laach'ool li waatin ut ink'a' xinaatz'eqtaana.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

Apocalipsis 3:1

“Tz'iib'an rik'in li x'ánjel li Iklees li wank Sardes: «A'in naxye li wank wuqub' chi xmusiq' li Yos rik'in ut li wuqub' chi chahim. Ninnaw laab'aanuhom; yo'yookat naq neke'xye, ab'an kamenaqat.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Nahum 1:7

Li Qaawa' a'an q'axal chaab'il cho'q re li kaw xch'ool chirix; a'an li kawilal sa' xhonalil li rahil ch'oolej ut narileb' li neke'oyb'enink rik'in