San Juan 1:17 - Q'eqchi Bible

¹⁷ Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

Li Santil hu

¹⁷ Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

San Juan 1:17 ပူးပေါင်းရင်းမြစ်များ

Romanos 6:14

Li maak maak'a'aq chik xwankil sa' eeb'een, xb'aan naq moko rub'el ta chik xwankil li Chaq'rab' wankex, rub'el b'an xwankil li rusilal li Yos.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Hebreos 9:22

xb'aan naq, jo' naxye li Chaq'rab', kach'in chik maa chixjunil nach'ajob'resimank rik'in kik', ut wi ink'a' nahoye'k li kik', maak'a' kuyuk sachok maak.

San Juan 8:32

teenaw li yaal ut li yaal taa'ach'ab'anq eere.

San Juan 7:19

“Ma maawa' tab'i' laj Moisés li kik'ehok eere li Chaq'rab'? Ut maajun eere napaab'ank re li Chaq'rab'. K'a'ut naq teeraj inkamsinkil?”.

Hechos 28:23

Ke'xxaqab' xkutankil rilb'al wi' chik laj Pablo ut, naq kiwulak xkutankil, q'axal naab'aleb' chik ke'chalk b'arwi' nahilank. Toja' naq laj Pablo kixtikib' xyeeb'al resil li xnimajwal awab'ejihom li Yos, yo chi xch'olob'ankil li yaal chiruheb' ut yalyo xq'e chi xq'unb'esinkil xch'ooleb' chirix li Jesus rik'in li naxye li xChaq'rab' laj Moisés ut eb' li Propeet: kixtikib' eq'la ut kiraqe'k ewu.

Génesis 22:18

Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och', xb'aan naq xapaab' li waatin»”.

Gálatas 3:17

A'in laa'in ninye: li testameent k'uub'k'u chi chaab'il xb'aan li Yos ink'a' naru taasache'q xwankil xb'aan li Chaq'rab' k'eeb'il lajeeb' xka'k'aal xkab' o'q'ob' (430) chihab' moqon; ut ink'a' naru taakanaaq chi maak'a' rajb'al li xyeechi'om li Yos.

Deuteronomio 5:1

Laj Moisés kixb'oq chixjunileb' laj Israel ut kixye reheb': “At Israel, ab'i li chaq'rab' ut laataqlankil li tink'ut chawu anaqwan. Chatzolaq ut chayu'ami.

Hechos 7:38

A'an a'in li kiwank chaq rik'in li ánjel li ki'aatinank re sa' xb'een li tzuul Sinaí, jo'wi' rik'in li qana' qayuwa' naq ch'utch'uukeb' chaq sa' li chaqich'och'; a'an a'in li kik'uluk chaq eb' li aatin neke'k'ehok yu'am re taaq'axtesimanq qe.

San Juan 5:45

“Meek'oxla naq laa'in tinjitoq eere chiru li Yuwa'b'ej: a' laj Moisés taajitoq eere, li kaw wi' eech'ool chi oyb'enink.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

2 Corintios 1:20

Chixjunil li kixyeechi'i li Yos, kitz'aqlok ru rik'in li Kriist; jo'kan naq sa' xk'ab'a' A'an naqaye “Amén” re xloq'oninkil ru li Yos.

San Juan 9:29

Laa'o naqanaw naq li Yos ki'aatinak rik'in laj Moisés, a'ut a'in ink'a' naqanaw b'ar chalenaq chaq.

Miqueas 7:20

At Qaawa', junelik taxaq wanq li xtiikilal aach'ool rik'in laj Jakob ut laarahom rik'in laj Abrahán, jo' kaye chaq junxil q'e kutan reheb' li qana' qayuwa'.

Salmos 98:3

Ink'a' xsachk sa' xch'ool li xrahom ut li xchaab'ilal rik'ineb' li ralal xk'ajol laj Israel. Toj sa' xmaril li ruuchich'och' xe'ril li xkolom ut li xrahom li qaYos.

Salmos 85:10

Nach' chik wank li kolb'a ib' cho'q reheb' li neke'paab'ank re; li xloq'al li Qaawa' taahilanq sa' qana'aj.

Deuteronomio 33:4

Laj Moisés kixk'e qe li Chaq'rab', a'an xmaatan li loq'laj komonil re laj Jakob;

Deuteronomio 4:44

“A'an a'in li chaq'rab' kixye laj Moisés reheb' laj Israel.

San Juan 18:37

Toja' naq laj Pilaat kixye re: —Ma laa'at rey chi jo'kanan? Kichaq'ok li Jesus ut kixye: —Laa'at nakaye naq laa'in rey. A'in aj e naq kinyo'laak ut a'in aj e naq kinchalk sa' li ruuchich'och': re tin'aatinaq chirix li yaal. Chixjunil li na'okenk chirix li yaal, narab'i li xyaab' inkux.