Josué 9:7 - Q'eqchi Bible

⁷ Ke'chaq'ok eb' laj Israel ut ke'xye reheb' laj Jib: “Mare anchal nach' arin wankex. Chanru naq tqab'aanu junaq sumwank eerik'in laa'ex?”, chankeb'.

Li Santil hu

⁷ Ut eb laj Israel queꞌxchakꞌbe laj heveo ut queꞌxye: —Ma̱re anchal nachꞌ cuanquex kiqꞌuin. ¿Chanru nak takaba̱nu junak contrato e̱riqꞌuin la̱ex?—

Josué 9:7 ပူးပေါင်းရင်းမြစ်များ

Josué 11:19

Maajun tenamit ke'xk'e rib'eb' sa' tuqtuukilal rik'ineb' laj Israel: ka'ajwi' eb' laj Jib li wankeb' aran Gabahón. Ut chixjunileb' li junch'ol chik rik'in yalok koxe'reechani.

Jueces 2:2

Ab'anan tento naq laa'ex ink'a' teek'e eerib' sa' aatin rik'ineb' li wankeb' sa' li tenamit a'in, teejuk'i b'an li x'artaleb'», chankin. A'ut laa'ex ink'a' kerab'i xyaab' linkux. K'a'ut naq xeb'aanu a'an?

Josué 9:1

Ke'rab'i resil a'in chixjunileb' li awab'ej li wankeb' arin chaq re li nima' Jordán, sa' rokeb'l saq'e, sa' k'iche' jo' wi' sa'eb' li taq'ahil ch'och', chire li Nimla Palaw toj sa' xsutam Líbano.

Deuteronomio 20:16

Ab'an sa'eb' li tenamit li tixk'e li Qaawa' laaYos chaweechani, maajun junaq taakanab' chi yo'yo,

Números 33:52

teeraanilasiheb' chixjunil li poyanam wankatqeb' aran. Teejuk' chixjunileb' li b'onb'ileb' pek, teeputz'iheb' li xjalam u yiib'anb'ileb' rik'in ha'lesinb'il q'anch'iich' ut teejuk'i chixjunil li x'artaleb'.

Éxodo 34:12

“Maak'e aawib' sa' sumwank rik'ineb' li wankeb' sa' li na'ajej toxat-okaq wi', re naq ink'a' tate'xra'le.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Génesis 34:2

Laj Sikem, ralal laj Jamor aj Jib, aj jolominel re li na'ajej a'an, kiril lix Dina, kixk'am, kiwark rik'in ut kixmux li xtuq'ixqilal.

Génesis 10:17

eb' laj Jib, eb' laj Arak, eb' laj Sin,

Jueces 3:3

Ke'kanaak li oob' chi xninqal ru winq aj Filistea, chixjunileb' laj Kanahán, eb' laj Sidón ut eb' laj Hit li wankeb' sa'eb' li tzuul re Líbano, chalen chaq sa' li tzuul Bahal-Hermón toj wan wi' li rokeb'aal Jamat.

Éxodo 23:22

Wi taawab'i chi us xyaab' xkux ut taab'aanu chixjunil li tinye, laa'in xik' te'wil eb' li xik' neke'ilok aawe ut tintz'eqtaana eb' li neke'tz'eqtaanank aawe.

2 Samuel 24:7

Moqon chik ke'wulak sa' li kawub'resinb'il na'ajej re Tiro ut sa' chixjunileb' li tenamit reheb' laj Jib ut reheb' laj Kanahán, toj reetal ke'elk aran ut koheb' sa' xjayal Berseba, xteepal Nejeb re Judá.