Josué 9:17 - Q'eqchi Bible

¹⁷ Jo'kan naq ke'elk sa' li xmuheb'aaleb' ut sa' rox li kutan ke'wulak sa' li tenamiteb' Gabahón, Kefirá, Beherot ut Kiryat-Yeharín.

Li Santil hu

¹⁷ Nak ac xnumeꞌ oxib cutan chic queꞌco̱eb laj Israel chixsicꞌbaleb saꞌ lix tenamiteb. Eb li tenamit aꞌan, aꞌaneb Gabaón, Cafira, Beerot, ut Quiriat-jearim.

Josué 9:17 ပူးပေါင်းရင်းမြစ်များ

Esdras 2:25

li xk'ihaleb' laj Kiryat-Yeharín, eb' laj Kefirá ut laj Beherot, a'an oxib' xwaqxaqlajuk'aal xkab' o'q'ob' (743) chi winq;

Nehemías 7:29

li xk'ihaleb' laj Kiryat-Yeharín, eb' laj Kefirá ut laj Beherot, a'an oxib' xwaqxaqlajuk'aal xkab' o'q'ob' (743) chi winq;

1 Crónicas 21:29

Li xMuheb'aal li Qaawa' li kixyiib' laj Moisés sa' li chaqich'och' jo'wi' li artal re li k'atb'il mayej toj wankeb' chaq sa' li tzuul re Gabahón.

1 Samuel 7:1

Ke'chalk eb' laj Kiryat-Yeharín ut ke'xk'am li xLoq'laj Kaax li Qaawa'. Ke'xk'e sa' rochoch laj Abinadab, li wank sa' xb'een jun li b'ool, ut ke'xq'axtesi sa' ruq' li Yos laj Elehasar li ralal, re naq a'an taak'aak'alenq re.

Josué 18:14

Aran li nub'ajl naxb'ach' rib' sa' rokeb'l saq'e toj sa' rokeb'l iq', chalen sa' li tzuul li wank sa' rokeb'l iq' re Bet-Jorón ut nawulak Kiryat-Bahal (Kiryat-Yeharín ajwi' nayeemank re), xtenamiteb' li ralal xk'ajol laj Judá. A'an a'in li nub'ajl li wank sa' rokeb'l saq'e.

Josué 15:60

Li tenamit Kiryat-Bahal (Kiryat-Yeharín ajwi' naxk'ab'a'in) ut Rabá. Naraj naxye, wiib' chi tenamit rochb'eeneb' xk'aleb'aaleb'.

Josué 15:9

Li nub'ajl naxb'ach' chaq rib' sa' xtaqeq'il li tzuul toj sa' li roq nima' Neftohaj ut naxik toj sa'eb' li tenamit re Efrón, re xjalb'al wi' chik xb'e sa' xjayal Bahalá, malaj Kiryat-Yeharín.

Josué 10:2

K'ajo' naq kixiwak laj Adonisédek, xb'aan naq Gabahón a'an jun nimla tenamit jo' xk'ulub'eb' li awab'ej, ut jwal nim chiru Ay; jo'kan ajwi' chixjunileb' li xwinqul q'axal kaweb' rib'.

Josué 9:3

Ab'an naq eb' laj Gabahón ke'xnaw k'aru kixb'aanu laj Josué rik'ineb' li tenamit Jerikó ut Ay,

Josué 9:9

“Sa' najtil tenamit xoochalk chaq sa' xk'ab'a' li Qaawa' laaYos -chankeb'-. Xqab'i resil li kilajxb'aanu chaq aran Ejiipt,

Josué 9:16

Ab'an oxejeraq chik a'an, eb' laj Israel ke'xnaw naq nach' wankeb', moko najt ta wank li xna'ajeb'.

Josué 9:18

Ab'an ink'a' ke'xkamsiheb' xb'aan naq jo'kan yeeb'il chaq sa' jurament xb'aaneb' laj jolominel re li komonil, sa' xk'ab'a' li Qaawa' xYos laj Israel. Toja' naq k'ajo' naq chixjunil li tenamit ke'xwech' rixeb' laj jolominel!

Josué 18:15

Li nub'ajl li wank sa' rokeb'l iq' natiklaak sa' xmaril Kiryat-Yeharín, naxik Gasín ut nokox'elq chi xk'atq li yo'leb'aal ha' re Neftohaj.

Jueces 18:12

Ke'taqe'k ut koxe'hilanq Kiryat-Yeharín, sa' xteepal Judá. Jo'kan naq li na'ajej a'an “xMuheb'aaleb' laj Dan” naxk'ab'a'in toj anaqwan. Wank chirix Kiryat-Yeharín.

1 Samuel 6:21

Ut ke'xtaqlaheb' aj esil rik'ineb' laj Kiryat-Yeharín re xyeeb'al reheb': “Eb' laj Filistea ke'xq'axtesi chaq li xLoq'laj Kaax li Qaawa'. Kub'enqex chaq ut k'amomaq eerik'in”.

2 Samuel 4:2

Laj Isbahal, ralal laj Saúl, wankeb' wiib' chi winq neke'k'anjelak chiru, xjolomileb' aj elq'. Li jun aj Bahaná xk'ab'a' ut li jun chik aj Rekab, ralaleb' laj Rimón aj Beherot. A'aneb' xkomoneb' li ralal xk'ajoleb' laj Benjamín, xb'aan naq Beherot wank sa' xteepal Benjamín.

1 Crónicas 2:50

A'aneb' chaq a'in li ralal xk'ajol laj Kaleb. Eb' li ralal xk'ajol laj Jur, xb'een xyum lix Efratá, a'aneb' a'in: laj Sobal, xyuwa' laj Kiryat-Yeharín;

1 Crónicas 2:52

A'aneb' a'in li ralal xk'ajol laj Sobal, xyuwa' laj Kiryat-Yeharín: laj Harohé, li xyiijacheb' laj Manahet,

1 Crónicas 2:53

ut li xch'uutaleb' laj Kiryat-Yeharín: eb' laj Yatir, eb' laj Put, eb' laj Sumat, ut eb' laj Misray, b'arwi' neke'chalk eb' laj Sorat ut eb' laj Estahol.

Jeremías 26:20

Jo'ka'an ajwi', sa' xk'ab'a' li Qaawa', ki'aatinak li propeet Urías, ralal laj Semaías, aj Kiryat-Yeharín, naq kixye resil li rahilal li tixk'ul Jerusalén jo' ajwi' chixjunil li xsutam, jo' tz'aqal yeeb'il xb'aan laj Jeremías.