Josué 9:14 - Q'eqchi Bible

¹⁴ Toja' naq eb' laj jolominel ke'xyal xtzekemqeb' laj Gabahón, ab'an ink'a' ke'patz'ok re li Qaawa'.

Li Santil hu

¹⁴ Eb laj Israel queꞌxchap lix cuaheb ut queꞌril. Abanan incꞌaꞌ queꞌxtzꞌa̱ma chiru li Dios cꞌaꞌru us teꞌxba̱nu.

Josué 9:14 ပူးပေါင်းရင်းမြစ်များ

Números 27:21

Ab'an laj Josué tento toxk'ut rib' chiru laj Elehasar laj tij, ut a'in taapatz'oq wik'in, jo' chanru na'uxk rik'in li b'uulink, chiru li Qaawa'. Laj Josué a'an li taataqlanq sa' xb'een chixjunileb' laj Israel, sa' xb'een chixjunil li komonil, rik'in li k'aru te'xb'aanu”.

Jueces 1:1

Chirix li xkamik laj Josué, eb' laj Israel ke'xpatz' re li Qaawa': “Ani qe laa'o xb'een taaxik chi yalok rik'ineb' laj Kanahán?”, chankeb'.

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

Esdras 8:21

Aran chire li nima' Ahabá kinxaqab' jun li ayuun re xkub'sinkil qib' chiru li qaYos jo' ajwi' re xpatz'b'al naq maak'a' tqak'ul sa' li qab'eenik laa'o, eb' li qalal qak'ajol ut li k'aru wank qe.

2 Samuel 5:19

Jo'kan naq laj David kipatz'ok re li Qaawa' ut kixye: “Ma tinxik chi yalok rik'ineb' laj Filistea? Ma taaq'axtesiheb' sa' wuq'?”, chan. Ut li Qaawa' kixye re: “Ayu xb'aan naq relik chi yaal naq tinq'axtesiheb' sa' laawuq'”, chan.

2 Samuel 2:1

Moqon chik laj David kipatz'ok re li Qaawa' ut kixye: “Ma us tinxik sa' junaq tenamit re Judá?”, chan. Li Qaawa' kixsume: “Ayu”, chan. Toja' naq laj David kixpatz' wi' chik re: “B'ar tento tinxik?”, chan. “Aran Hebrón”, chu'uxk re.

Jueces 20:18

Eb' laj Israel koheb' ut ke'taqe'k Betel. Aran ke'xpatz' re li Yos: “Ani qe laa'o taaxik xb'enwa chi yalok rik'ineb' laj Benjamín?”, chankeb'. Ut li Qaawa' kixsumeheb': “Eb' laj Judá a'aneb' li te'xik xb'enwa”, chan.

1 Samuel 22:10

Ut laj Ajimélek kipatz'ok re li Qaawa' chirix laj David; kixk'e xtzekemq ut kixk'e ajwi' li xch'iich' laj Goliat aj Filistea”, chan.

Éxodo 28:30

Ut sa' li pektoral re li q'ehink taak'e li Urim ut li Tumin, re naq wanqeb' chire xch'ool laj Aharón naq tox'okaq chiru li Qaawa'. Chi jo'kan laj Aharón junelik tixk'am chire xch'ool, chiru li Qaawa', li k'anjelob'aal re li q'ehink chirixeb' li ralal xk'ajol laj Israel.

Josué 9:13

Chek'e reetal: eb' li tz'uum-kuk a'in ak'eb' naq xqanujob'resi chaq, ut anaqwan q'eeleb' chik chi us. Jo'kan ajwi' li qaxaab' ut li qab'aatal xe'q'eelo'k xb'aan xnajtil li b'eek”.