Josué 8:33 - Q'eqchi Bible

³³ Toja' naq li jo'k'ihaleb' wankeb' aran, eb' laj Israel jo'wi' li jalan xtenamiteb', eb' li cheekel winq, eb' laj tz'iib' ut eb' laj raqol aatin ke'xaqliik sa' xka'pak'alil li Loq'laj Kaax, chiruheb' laj tij aj Leví aj k'amoneleb' re li xLoq'laj Kaaxil li Sumwank: jun yiijach chiru li tzuul Karisín ut li jun yiijach chik chiru li tzuul Ebal. Ke'xb'aanu jo' kiyehe'k reheb' junxil xb'aan laj Moisés, aj k'anjel chiru li Qaawa', naq kirosob'tesiheb' xb'ensut li tenamit Israel.

Li Santil hu

³³ Ut chixjunileb laj Israel, rochbeneb li nequeꞌcꞌamoc be chiruheb joꞌ eb ajcuiꞌ li cuanqueb xcuanquil, ut eb laj rakol a̱tin, joꞌ eb ajcuiꞌ li jalan xtenamiteb, queꞌxakli saꞌ xcaꞌ pacꞌalil li Lokꞌlaj Ca̱x li cuan cuiꞌ lix contrato li Dios. Yo̱queb chi iloc cuanqueb cuiꞌ laj levita laj tij li yo̱queb chi pako̱nc re li Lokꞌlaj Ca̱x. Jun jachal li tenamit cuanqueb saꞌ xjayal li tzu̱l Gerizim ut li jun jachal chic cuanqueb saꞌ xjayal li tzu̱l Ebal. Queꞌxba̱nu joꞌ quiyeheꞌ reheb junxil xban laj Moisés laj cꞌanjel chiru li Dios re nak teꞌosobtesi̱k xban li Ka̱cuaꞌ.

Josué 8:33 ပူးပေါင်းရင်းမြစ်များ

Deuteronomio 11:29

“Naq akaq xexroksi li Qaawa' leeYos sa' li ch'och' toxeereechani, teek'e li osob'tesink sa' xb'een li tzuul Karisín, ut li majewank teek'e sa' xb'een li tzuul Ebal.

Deuteronomio 31:12

Taach'utub'eb' li tenamit, winq, ixq ut kok'al; jo'kan ajwi' laj ab'l tenamit li wankeb' sa' eeyanq, re naq te'rab'i ut te'xtzol roxloq'inkil li Qaawa' leeYos ut te'xk'e xch'ool chi xk'anjelankil ru chixjunileb' li raatinul li Chaq'rab' a'in.

Deuteronomio 31:9

Laj Moisés kixtz'iib'a li Chaq'rab' a'in ut kixq'axtesi reheb' laj tij, ralal xk'ajoleb' laj Leví, li neke'k'amok re li xLoq'laj Kaaxil li xSumwank li Qaawa'; kixk'e ajwi' reheb' chixjunileb' li xcheekel winqilal laj Israel.

Josué 24:1

Laj Josué kixch'utub' chixjunileb' li xteepaleb' laj Israel aran Sikem; kixb'oqeb' li xcheekal winqul laj Israel, eb' laj k'amol b'e, eb' laj raqol aatin ut eb' laj tz'iib', ut chiru li Qaawa'

Josué 4:18

Ut naq eb' laj tij aj k'amoneleb' re li xLoq'laj Kaaxil li Sumwank ke'elk sa' li nima' Jordán, ka'ajwi' ke'xyeq' li ch'och' chire li nima', kixjunaji wi' chik rib' li ha' sa' li xna'aj ut ki'ok chi b'eek chi kaw roq jo' naq xwank.

Josué 3:3

ut ke'xye li taqlahom a'in reheb' li tenamit: “Naq teeril li xLoq'laj Kaaxil li Sumwank paqonb'il xb'aaneb' laj tij aj Leví, tex'elq sa' li na'ajej wankex wi' ut texxik chirix.

Deuteronomio 31:25

kixye reheb' laj Leví, li neke'k'amok xKaaxil li xSumwank li Qaawa':

Números 15:29

Jun ajwi' li chaq'rab' wanq cho'q reheb' laj Israel ut cho'q reheb' laj ab'l tenamit li wankeb' sa' eeyanq: maak'a' chik junaq chaq'rab' cho'q reheb' li neke'maakob'k chi ink'a' xe'xk'e reetal.

Números 15:16

Jun ajwi' li chaq'rab' ut jun ajwi' li taqlahom wanq cho'q eere ut cho'q reheb' laj ab'l tenamit wankeb' sa' eeyanq”, chan li Yos.

Éxodo 12:49

Juntaq'eetaq li chaq'rab' cho'q eere ut cho'q reheb' li jalaneb' xtenamit li wanqeb' sa' eeyanq”.

Josué 23:2

kixch'utub' chixjunileb' laj Israel, eb' li cheekal winq, eb' laj k'amol b'e, eb' laj raqol aatin, eb' laj tz'iib' ut kixye reheb': “Laa'in ak xintixk ut xikenaq chik linchihab'.

Josué 6:6

Laj Josué, ralal laj Nun, kixb'oqeb' laj tij ut kixye reheb': “Chapomaq li xLoq'laj Kaaxil li Sumwank, ut wuqub' eere te'xk'ameb' li xxukub' karneer chi uub'ej chiru li Loq'laj Kaax”, chan.

Josué 4:10

Eb' laj tij aj k'amoneleb' re li Loq'laj Kaax ke'kanaak chi xaqxo sa' xyi li nima' Jordán toj ke'xb'aanu chixjunil li kixye laj Josué re li tenamit sa' xk'ab'a' li Qaawa'. Ut eb' li tenamit ke'xseeb'a rib' chi nume'k.

Josué 3:14

Toja' naq eb' laj Israel ke'elk sa'eb' li xmuheb'aaleb' re nume'k junpak'al li nima' Jordán. Ut eb' laj tij li yookeb' chi k'amok re li xLoq'laj Kaaxil li Sumwank, a'aneb' laj k'amol b'eheb' chiruheb'.

Levítico 24:22

“Li chaq'rab' li wank xwankil sa' xb'een laj ralch'ochl, a'an ajwi' li wanq xwankil sa' xb'een laj ab'l tenamit, xb'aan naq laa'in li Qaawa', leeYos”.

Josué 3:6

Kixye ajwi' reheb' laj tij: “Chapomaq li xLoq'laj Kaaxil li Sumwank ut numenqex chiruheb' li tenamit”, chan reheb'. Eb' laj tij ke'xchap li xLoq'laj Kaaxil li Sumwank ut ke'q'axonk chiruheb' li tenamit.

San Juan 4:20

Eb' li qana' qayuwa' xe'loq'onink sa' xb'een li tzuul a'in ut laa'ex nekeye naq li na'ajej b'arwi' tento li loq'onink a'an Jerusalén.

Números 15:15

Li chaq'rab' a'in k'eeb'il eere laa'ex jo' ajwi' reheb' laj ab'l tenamit. A'an jun chaq'rab' chi junajwa cho'q reheb' leeralal eek'ajol: juntaq'eet cho'q eere laa'ex ut cho'q re li jalan xtenamit.