Josué 8:31 - Q'eqchi Bible

³¹ jo' yeeb'il reheb' laj Israel xb'aan laj Moisés, aj k'anjel chiru li Qaawa'. A'in ajwi' tz'iib'anb'il sa' xHuhil li xChaq'rab' laj Moisés: “Chayiib' jun li artal rik'in pek li ink'a' q'unob'resinb'ileb' ru chi moko tuqub'anb'ileb' ru rik'in ch'iich'”. Ut sa' xb'een a'an ke'yeechi'ink li k'atb'il mayej chiru li Qaawa' ut ke'mayejak chirix li k'amok ib' sa' usilal.

Li Santil hu

³¹ Eb laj Israel queꞌxba̱nu joꞌ quiyeheꞌ reheb xban laj Moisés laj cꞌanjel chiru li Ka̱cuaꞌ. Queꞌxyi̱b li artal joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Queꞌxyi̱b li artal riqꞌuin pec incꞌaꞌ ti̱cobresinbil ru chi moco juchꞌbil riqꞌuin chꞌi̱chꞌ. Ut queꞌxcꞌat lix mayejeb saꞌ xbe̱n li artal chiru li Ka̱cuaꞌ. Queꞌmayejac re xcꞌambal ribeb saꞌ usilal riqꞌuin li Ka̱cuaꞌ.

Josué 8:31 ပူးပေါင်းရင်းမြစ်များ

2 Crónicas 35:12

Yookeb' ajwi' chi xjek'b'al li k'aru taak'atmanq cho'q mayej xb'aan li xjunqkab'aleb' li tenamit, re naq taamayejamanq chiru li Qaawa', jo' chanru tz'iib'anb'il sa' xhu laj Moisés. Jo'kan ajwi' ke'xb'aanu rik'ineb' li b'ooyx.

Josué 1:8

Ink'a' taakanab' rilb'al xsa' xhuhil li Chaq'rab' a'in; chak'oxla rix chi q'eq ut chi kutan. Chi jo'kan junelik taab'aanu li k'aru naxye; tat-usaaq ut chaab'il tat-elq sa' chixjunil laak'anjel.

Éxodo 24:5

Chirix chik a'an wankeb' saaj al sa' xyanqeb' laj Israel li ke'taqlaak chi xyeechi'inkil k'atb'il xul ut xkamsinkil saaj wakax jo' loq'laj mayej cho'q re li Qaawa'.

Éxodo 18:12

Chirix chik a'an laj Jetró, aj hi'om re laj Moisés, kixyeechi'i xmayej ut kixk'at jun li xul cho'q re li Yos; ut laj Aharón jo'wi' chixjunileb' li xb'eenil laj Israel koheb' chi wa'ak chiru li Yos, wan wi' laj hi'om re laj Moisés.

San Mateo 12:26

Wi laj tza narisi laj tza, a'an jachjo chirib'il rib': chan put ru naq xaqxooq li xwankilal chi jo'kanan?

Nehemías 13:1

Sa'eb' li kutan a'an kiyaab'asimank sa' xxikeb' li tenamit li xhu laj Moisés. Aran kitawmank naq eb' laj Amón ut eb' laj Mohab maajun wa taaruuq te'ok sa' xyanq xtenamit li Yos,

Esdras 6:18

Chirix chik a'an ke'xxaqab' xkutankil li junjunq chi aj tij, re taa'ok chi k'anjelak. Jo'kan ajwi' eb' laj Leví, ak xk'anjel xk'anjel li junjunq, re te'k'anjelaq sa' rochoch li Yos aran Jerusalén, jo' tz'iib'anb'il sa' xHu laj Moisés.

2 Crónicas 25:4

Ab'anan ink'a' kixkamsiheb' li ralal xk'ajoleb' a'an, jo' chanru tz'iib'anb'il sa' xHuhil xChaq'rab' laj Moisés, b'arwi' li Qaawa' naxye chi jo'ka'in: “Eb' li na'b'ej yuwa'b'ej ink'a' te'kamsiiq xb'aan li maak ke'xb'aanu li alal k'ajolb'ej; chi moko eb' li alal k'ajolb'ej ink'a' te'kamsiiq xb'aan xmaakeb' li xna' xyuwa'eb'. Li junjunq taakamsiiq xb'aan li maak xb'aanu”.

2 Reyes 22:8

Naq kirab'i a'in, laj Jilkías, xb'eenil aj tij, kixye re laj Safán laj tz'iib': “Xintaw sa' rochoch li Qaawa' li xhuhil li Chaq'rab'”. Ut kixq'axtesi li hu re laj Safán, ut a'in kiril xsa'.

2 Reyes 14:6

Ab'anan ink'a' kixkamsiheb' li ralal xk'ajoleb' a'an, jo' chanru tz'iib'anb'il sa' xHuhil li xChaq'rab' laj Moisés, b'arwi' li Qaawa' naxye chi jo'ka'in: “Eb' li na'b'ej yuwa'b'ej ink'a' te'kamsiiq xb'aan li maak ke'xb'aanu li alal k'ajolb'ej; chi moko eb' li alal k'ajolb'ej te'kamsiiq xb'aan xmaakeb' li xna' xyuwa'eb'. Li junjunq taakamsiiq xb'aan li maak xb'aanu”.

Deuteronomio 27:2

Naq texnume'q junpak'al li nima' Jordán re ok sa' li ch'och' tixk'e eere li Qaawa' leeYos, teexaqab' ninqi pek, teesaqob'resiheb' rik'in chun

Deuteronomio 27:8

Ut taatz'iib'a chixjunil li raatinul li chaq'rab' a'in chiruheb' li pek a'an. Taatz'iib'a chi chaab'il”, chan laj Moisés.