Josué 8:2 - Q'eqchi Bible

² Jo' xab'aanu re Jerikó ut li x'awab'ej, jo'kan ajwi' taab'aanu re Ay ut li x'awab'ej. Ab'an anaqwan truuq teexok cho'q eere li xketomqeb' ut li k'aru wank reheb'. Kawresihomaq eerib' chi ok sa' li tenamit toj chirix, chi maak'a' sa' xch'ooleb'”, chan.

Li Santil hu

² Joꞌ xaba̱nu re li tenamit Jericó ut lix reyeb, joꞌcan cuiꞌchic ta̱ba̱nu re li tenamit Hai ut lix reyeb. Abanan anakcuan la̱ex naru nequexoc chokꞌ e̱re lix queto̱mkeb joꞌ ajcuiꞌ chixjunil li cꞌaꞌru cuan reheb. Cauresihomak e̱rib chi oc saꞌ li tenamit aꞌan chi ma̱cꞌaꞌ saꞌ xchꞌo̱leb. Texxic chirix li tenamit ut aran te̱muk e̱rib, chan.

Josué 8:2 ပူးပေါင်းရင်းမြစ်များ

Deuteronomio 20:14

Ab'an eb' li ixq, eb' li kok'al, li wakax ut chixjunil li k'aru wank sa' li tenamit, taaweechani. Taatzeka jo'ch'inal jo'nimal xamaq' chiruheb' li xik' neke'ilok aawe, a' li xq'axtesi sa' laawuq' li Qaawa' laaYos.

Proverbios 13:22

Li winq chaab'il naxkanab' x'erens eb' li ralal xk'ajol; a'ut li xb'ihomal laj maak a' chik li tiik xch'ool taa'eechaninq re.

2 Crónicas 20:22

Sa' li honal naq ke'xtikib' b'ichank chi saheb' sa' xch'ool, li Qaawa' kixk'e xra'lenkileb' laj Amón, eb' laj Mohab ut eb' li xe'chalk sa' li tzuul Seír re yalok rik'ineb' laj Judá, ut ke'q'axe'k ruheb'.

Josué 6:21

Chirix chik a'an ke'xkamsiheb' li winq, li ixq, li saajeb' ut cheekeb'; jo'kan ajwi' eb' li b'ooyx, li karneer ut li b'uur. Chixjunil kisache'k ru chi junajwa.

Jeremías 51:12

Taqsihomaq li eetalil naq tex'ok chi xjuk'b'al li xsuttz'akil Babilonia. K'ehomaq naab'aleb' laj puub' aran, xaqab'omaqeb' li te'k'aak'alenq ut kawresihomaq eb' li te'ramoq sa'atqeb' li b'e. Xb'aan naq li Qaawa' xk'uub'ank re a'in ut tixb'aanu li kixye chaq junxil chirixeb' laj Babilonia.

Jeremías 17:11

Li ani nab'ihomo'k rik'in b'alaq'ik, a'an kama' li xik'anel xul li naxmetzo li mol maawa' re. Taasachq li xb'ihomal chiru, chi junpaat, ut taakanaaq jo' li maak'a' xna'leb'.

Proverbios 28:20

Li tiik xch'ool, naab'aleb' neke'osob'tesink re; a'ut li nab'ihomo'k chi junpaat, toxtoj rix li xmaak.

Salmos 39:6

Yal kach'in ajwi' linkutan xak'e, jwal b'a'b'ay linyu'am chawu laa'at; jun apunk ajwi' li xyu'am chixjunileb' li poyanam.

2 Crónicas 13:13

Ab'anan laj Jerobohán kixtaqlaheb' aj puub' re xsutb'al rixeb' laj Judá, re naq ramrooqeb' chaq chi ixb'ej ut laj Jerobohán wanq chiruheb'.

Josué 10:28

Sa' ajwi' li kutan a'an laj Josué kixchap Makedá. Kixkamsi chi ch'iich' li awab'ej ut chixjunileb' li poyanam: kixk'eheb' chi sache'k chi junajwa chixjunil li wankeb' xyu'am aran. Maajun chik kikanaak chi yo'yo sa' li tenamit a'an. Laj Josué kixb'aanu re li awab'ej re Makedá jo' kixb'aanu re li awab'ej re Jerikó.

Josué 10:1

Laj Adonisédek, awab'ej re Jerusalén, kirab'i resil naq laj Josué kixchap ut kixsach ru Ay, ut kixb'aanu re li tenamit a'an jo'wi' re li x'awab'ej jo' kixb'aanu xb'enwa re Jerikó ut li x'awab'ej. Kirab'i ajwi' resil naq eb' laj Gabahón ke'xk'am rib' sa' tuqtuukilal rik'ineb' laj Israel ut wankeb' chik sa' xyanqeb' a'an.

Josué 8:24

Naq eb' laj Israel ke'raqe'k chi xkamsinkil chi ch'iich' chixjunileb' laj Ay li ke'aanilasink reheb' toj sa' li chaqich'och', ke'sutq'iik wi' chik aran Ay ut ke'xkamsi chi ch'iich' jo'k'ihaleb' li wankeb' chisa'.

Josué 8:19

Eb' laj puub' li muqmuukeb' chaq chirix li tenamit, naq ke'ril laj Josué xye'b'al li ruq', sa' junpaat ke'elunk chaq sa' li xna'ajeb' ut ke'ok sa' li tenamit sa' aanil: ke'reechani ut ke'xk'e xxamlel sa' junpaat.

Josué 8:14

Naq li awab'ej re Ay kiril a'an, kixseeb'a rib'. Kiwakliik eq'la rochb'een chixjunileb' laj puub' re xik chi yalok rik'ineb' laj Israel sa' li kub'sink, sa' xjayal Arabá, chi ink'a' naxnaw naq ramro chaq rix li tenamit.

Josué 8:12

Laj Josué kixmuqeb' oob' mil tana chi winq sa' xyanq Betel ut Ay, sa' rokeb'l saq'e sa' xjayal li tenamit.

Josué 8:9

Chirix chik a'an laj Josué kixchaq'rab'iheb' laj puub', ut eb' a'an koheb' chi xmuqb'al rib' sa' xyanq Betel ut Ay, sa' rokeb'l li saq'e sa' xka'yab'aal Ay. Ab'an laj Josué kixnumsi li q'oqyink sa' li muheb'aal.

Josué 8:7

Toja' naq laa'ex tex'elq chaq sa' li na'ajej muqmuukex wi', ut teereechani li tenamit: li Qaawa' leeYos taak'ehoq re sa' leeruq'.

Deuteronomio 3:2

“Toja' naq li Qaawa' kixye we: «Maaxiwa ru, xb'aan naq xinq'axtesi sa' laawuq' rochb'een chixjunileb' li xpoyanam ut li xna'aj. Taab'aanu rik'in jo' xab'aanu chaq re laj Sijón, awab'ej re Amor, li xwank aran Jesbón», chan.

Josué 8:3

Laj Josué ut chixjunileb' laj puub' ke'xkawresi rib' chi yalok rik'ineb' laj Ay. Laj Josué kixsik' ru lajeeb' xka'k'aal mil chi aj puub' li kaweb' rib', kixtaqlaheb' chi q'oqyink

Josué 8:8

Ut naq akaq xechap li tenamit, teek'e xxamlel. Teeb'aanu jo' chanru xyehom li Qaawa'. Chek'e reetal, a'an a'in leechaq'rab'inkil inb'aan”.

Deuteronomio 2:35

Ka'ajwi' kiqak'uula cho'q qeechanihom li ketomq ut li k'a'aq ru xqataw sa'eb' li tenamit.

Josué 9:3

Ab'an naq eb' laj Gabahón ke'xnaw k'aru kixb'aanu laj Josué rik'ineb' li tenamit Jerikó ut Ay,

Josué 11:14

Ke'xkamsi chi ch'iich' jo'k'ihaleb' li wankeb' xyu'am sa'eb' li tenamit a'an; maajun kikanaak chi yo'yo, ut ke'reechani chixjunil li k'a'aq re ru jo'wi' li xketomqeb'.