Josué 7:25 - Q'eqchi Bible

²⁵ Ut aran kixye laj Josué: “K'a' naq xak'am chaq li nimla rahilal a'in sa' qab'een? A' ajwi' li rahilal a'in chikanaaq sa' aab'een sa' li kutan a'in”, chan. Ut laj Akán kiteniik chi pek rochb'een chixjunileb' li xkomon aj Israel; chirix chik a'an ke'k'ate'k.

Li Santil hu

²⁵ Laj Josué quixye re: —¿Cꞌaꞌut nak xacꞌam chak li raylal aꞌin saꞌ kabe̱n? Anakcuan li Ka̱cuaꞌ xqꞌuehak chatoj li raylal li xacꞌam chak saꞌ kabe̱n.— Nak quixye aꞌin laj Josué, chixjunileb laj Israel queꞌxcamsi chi pec laj Acán joꞌ ajcuiꞌ chixjunil li cuanqueb rochben. Ut chirix aꞌan queꞌxcꞌat.

Josué 7:25 ပူးပေါင်းရင်းမြစ်များ

Josué 6:18

A'ut laa'ex, chek'e reetal. Maak'a' teexok, chi moko teerahi ru li k'a' re ru ak q'axtesinb'il re sache'k. Wi teeb'aanu a'an, teeb'oq chaq li majewaak ut li rahilal sa' xb'eeneb' chixjunil li xmuheb'aaleb' laj Israel.

1 Crónicas 2:7

Li ralal laj Karmí a'an laj Akar, a' li kik'amok chaq rahilal sa' xb'eeneb' laj Israel naq kixxok li k'a'aq re ru li taasachmanq raj chi junajwa li kixye li Yos.

Deuteronomio 17:5

taawisi chirix li tenamit li winq malaj li ixq a'an li xe'maakob'k ut taateniheb' chi pek toj reetal te'kamq.

Levítico 24:14

“Isihomaq sa' leena'aj li xmajewank we. Xk'ehaqeb' li ruq' sa' xb'een xjolom chixjunileb' li xe'ab'ink re ut xkamsiiqeb' chi pek xb'aaneb' li komonil.

Levítico 20:2

“Ye reheb' laj Israel: “Wi junaq aj Israel malaj aj ab'l tenamit li wanq Israel tixq'axtesi junaq ralal re li yos Molok, tento taakamsiiq chi pek xb'aaneb' li tenamit.

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

2 Ts 1:6

Relik chi yaal naq tiik xch'ool li Yos, ut tixq'ajkamu rik'in rahilal eb' li neke'rahob'tesink eere;

Gálatas 5:12

Us rajan te'xset rib'eb' chi junajwa li yookeb' chi xpo'b'al leech'ool!

Josué 7:15

Ut li winq li xxokok re li k'aru tento raj xsachmank, taak'ate'q rochb'een chixjunil li k'aru wank re, xb'aan naq xq'et li xSumwank li Qaawa' ut xb'aanu li ink'a' us sa' xyanqeb' laj Israel, chan li Qaawa'.

Deuteronomio 21:21

Ut chixjunileb' li winq li wankeb' sa' tenamit te'xteni chi pek toj reetal taakamq. Chi kama'an taawisi li maa'usilal sa' eeyanq, ut naq chixjunileb' laj Israel te'xnaw a'in, te'ok xxiw.

Deuteronomio 13:10

Taateni chi pek toj reetal taakamq, xb'aan naq xraj aawisinkil sa' xb'e li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil.

Levítico 21:9

“Wi li xrab'in junaq aj tij tixmux rib' ut taa'ok cho'q aj yumb'eet, tixmux xwankil li xyuwa' ut tento taak'atmanq chi yo'yo.

Levítico 20:14

“Wi ani taak'amoq junaq ixq ut tixk'am ajwi' li xna' li ixq a'an cho'q rixaqil, tz'eqb'eetal aj na'leb' li tixb'aanu; jo'kan naq li winq ut li ixq tento te'k'atmanq chi yo'yo. Chi jo'kan maak'a'aq chik li tz'eqb'eetal aj na'leb' sa' eeyanq laa'ex.

Génesis 38:24

Oxib'aq po tana xnumik a'an naq laj Judá kixk'ul li esil a'in: “Lix Tamar laawalib' xmux rib' ut xkanaak sa' yu'am xb'aan li xmuxum”. Kixye ut laj Judá: “Isihomaq chaq ut chik'atmanq”, chan.

Génesis 34:30

Toja' naq laj Jakob kixye reheb' laj Simehón ut laj Leví: “Laa'ex xineek'e sa' jun nimla rahilal ut xik' ilb'ilaqin xb'aaneb' li poyanam a'in, xb'aaneb' laj Kanahán ut eb' laj Perés. Ink'a' k'iheb' li neke'ochb'eenink we, ut wi eb' a'an te'xch'utub' rib' re yalok wik'in, tinsache'q laa'in jo'wi' chixjunil linjunkab'al”.

1 Samuel 14:29

Kichaq'ok laj Jonatán ut kixye: “Linyuwa' ink'a' us xb'aanu re li tenamit. Chek'e reetal chanru naq kawin chik anaqwan, yal xb'aan naq xinyal b'ayaq li xya'al kab'.

Deuteronomio 13:11

Ut naq te'rab'i a'in chixjunileb' laj Israel, te'xiwaq ut te'xkanab' xb'aanunkil li yib'ruhil na'leb' a'in sa' eeyanq.

Proverbios 1:19

A'an a'in li te'xk'ul eb' li neke'atawank b'ihomal: taasachq li xyu'ameb' xb'aan li k'aru neke'xrahi ru.

Proverbios 15:27

Li narataw b'ihomo'k naxsach li xjunkab'lal; ab'an li ink'a' naraj tuminaak ru najtaq roq li xyu'am.