Josué 7:19 - Q'eqchi Bible

¹⁹ Toja' naq laj Josué kixye re laj Akán: “At walal, chanima xloq'al li Qaawa', xYos laj Israel; chaterq'usi li xk'ab'a'. Ye we k'aru xab'aanu ut maamuq chiwu”, chan.

Li Santil hu

¹⁹ Ut laj Josué quixye re laj Acán: —At Acán, la̱in nintzꞌa̱ma cha̱cuu nak ta̱qꞌue xlokꞌal li Ka̱cuaꞌ, li kaDios la̱o aj Israel. Ye lix ya̱lal. Ta̱ye cue cꞌaꞌru xaba̱nu. Ma̱muk chicuu, chan laj Josué.

Josué 7:19 ပူးပေါင်းရင်းမြစ်များ

1 Samuel 6:5

Yiib'omaq xjalam u leesaqijojil ut eb' li ch'o li yookeb' chi sachok sa' leetenamit, ut k'ehomaq xloq'al li xYos laj Israel. Mare anchal taakotzq li rahilal sa' eeb'een, sa' xb'eeneb' leeyos ut sa' xb'een leech'och'.

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

San Juan 9:24

Eb' laj Judiiy ke'xb'oq wi' chik li winq, a' li mutz' naq xwank, ut ke'xye re: —Chaye qe li yaal sa' xk'ab'a' li Yos. Laa'o naqanaw naq li winq a'in a'an aj maak.

Daniel 9:4

Kinxooto li qamaak chiru li Qaawa' linYos ut kinye re: «At Qaawa', at Nimajwal Yos nim aawankil, laa'at junelik nakapaab' laaSumwank ut nakak'ut naq xaqxo laarahom rik'ineb' li neke'rahok aawe ut neke'xpaab' laachaq'rab'.

2 Crónicas 30:22

Naq kiril a'an, laj Esekías kixb'anyoxi reheb' chixjunileb' laj Leví naq ke'xb'aanu chi us li xk'anjel li Qaawa'. Chiru wuqub' kutan ke'xtzeka xmayejil li ninq'e, ke'mayejak re li k'amok ib' sa' usilal rik'in li Yos ut ke'xloq'oni ru li Qaawa', xYos eb' li xxe'toonil yuwa'eb'.

1 Samuel 14:43

Toja' naq laj Saúl kixye re laj Jonatán: “Ye we k'aru xab'aanu”. Kichaq'ok laj Jonatán: “Maak'a', ka'ajwi' xinyal b'a'b'ay li xya'al kab' chi ru'uj linxuq'. We'kin re kamk”, chan.

Proverbios 28:13

Li naxmuq li xmaak, maajaruj tox'usaaq; a'ut li naxxooto xmaak ut ink'a' chik naxb'aanu, kuyb'ilaq li xmaak.

Salmos 32:5

Xinch'olob' linmaak chawu ut maak'a' xinmuq: “Tinxooto linmaa'usilal chiru li Qaawa'”, chankin. Ut laa'at xakuy xasacheb' linmaak, xinaakuy sa' chixjunil li xinmaakob'k wi'.

Apocalipsis 16:9

Ut eb' li winq ke'k'ate'k xb'aan xnimal tiqwal, ut ke'xmajewa li Yos li wank xwankil sa' xb'eeneb' li rahilal a'an: ink'a' ke'xjal xk'a'uxl, ink'a' ke'xk'e xloq'al li Yos.

Santiago 1:20

Xb'aan naq li josq' aj winq ink'a' naxb'aanu li tiikilal li naraj li Yos.

Tito 2:2

Chaye reheb' li cheekel winq naq che'xnawaq wank sa' xyaalal, wanqeb' xna'leb', yaalaq ru li raatineb', chaab'ilaqeb' xch'ool sa' li paab'aal ut sa' li rahok, kawaqeb' sa' li kuyuk.

2 Timoteo 2:25

Chixnaw xtzolb'aleb' sa' tuulanil eb' li xik' neke'ilok re. Mare anchal li Yos tixk'e chi xyot'b'aleb' xch'ool ut chi xjalb'aleb' xk'a'uxl re naq te'xnaw chi us li yaal.

Romanos 10:10

Xb'aan naq ani naxpaab' chi anchal xch'ool, taatiikob'resiiq li xyu'am, ut li nach'olob'ank xyaalal rik'in xtz'uumal re, a'an taakole'q.

San Lucas 17:18

Ma ka'ajwi' a'in li jalan xtenamit xsutq'iik chaq chi xnimankil ru li Yos?

Isaías 13:12

Ink'a' chik k'ihaqeb' li winq sa' ruuchich'och' chiru li chaab'il oor; ink'a' chik naab'alaqeb' li poyanam chiru li oor re Ofir.

Salmos 51:3

At Qaawa', chawuxtaana wu sa' xk'ab'a' laarahom; xb'aan xnimal aawuxtaan chakuy chasach linmaak,

Josué 7:20

Laj Akán kixsume laj Josué ut kixye: “Relik chi yaal naq laa'in xinmaakob'k chiru li Qaawa', xYos laj Israel. A'an a'in li xinb'aanu:

2 Reyes 20:15

Laj Isaías kipatz'ok wi' chik re: “K'aruhatq xe'ril sa' laawochoch?”, chan. Kixye laj Esekías: “Xe'ril chixjunil li k'a'aq re ru wank sa' li wochoch; maak'a' chik k'aru ink'a' ta xink'ut chiruheb'”.