Josué 7:15 - Q'eqchi Bible

¹⁵ Ut li winq li xxokok re li k'aru tento raj xsachmank, taak'ate'q rochb'een chixjunil li k'aru wank re, xb'aan naq xq'et li xSumwank li Qaawa' ut xb'aanu li ink'a' us sa' xyanqeb' laj Israel, chan li Qaawa'.

Li Santil hu

¹⁵ Ut li cui̱nk li xxococ re li cꞌaꞌru tento raj xsachman, aꞌan li cuan xma̱c. Aꞌan ta̱cꞌatekꞌ rochben li rixakil ut li ralal xcꞌajol joꞌ ajcuiꞌ chixjunil li cꞌaꞌru cuan re xban nak xba̱nu li incꞌaꞌ us saꞌ xya̱nkeb laj Israel nak quixkꞌet li contrato li quinba̱nu riqꞌuineb, chan li Ka̱cuaꞌ.

Josué 7:15 ပူးပေါင်းရင်းမြစ်များ

Génesis 34:7

Naq eb' li ralal laj Jakob ke'rab'i li kik'ulmank, ke'sutq'iik chaq sa' xk'al ut ke'po'k li xch'ooleb'. K'ajo' naq ke'chalk xjosq'il, xb'aan naq nimla maak li kixb'aanu laj Sikem naq kiwark rik'in li xrab'in laj Jakob: a'an ink'a' naru xb'aanunkil!

Jueces 20:6

Toja' naq xinchap li kamenaq, xinseti ut xintaqla sa' xteepal chixjunil Israel, xb'aan naq xutaanal ut yib'eetal ru li xk'ulmank Israel.

2 Samuel 13:13

B'ar tinxik laa'in chi xmuqb'al li xutaanal xinkanaak wi'? Ut laa'at tatkanaaq jo' jun li winq yib'ru xna'leb' sa' xyanqeb' laj Israel. B'aanu usilal, aatinan rik'in li awab'ej ut a'an tinxq'axtesi cho'q aawixaqil”.

1 Samuel 26:21

Toja' naq laj Saúl kixye: “Xinmaakob'k. Sutq'in, a David, at walal. Ink'a' chik tinb'aanu rahilal aawe, xb'aan naq sa' li q'oqyink a'in jwal loq' xawil linyu'am. Xmajelal inna'leb' xinb'aanu wi' a'an; jwal nim linmaak”, chan.

Josué 7:11

Eb' laj Israel xe'maakob'k ut xe'xq'et li Sumwank xinb'aanu rik'ineb'. Jun chik: xe'xchapatq cho'q reheb' li k'aru ak q'axtesinb'il chi sache'k. Xe'relq'a, xe'xmuq ut xe'xk'e a'an sa' xyanq li k'aru reheb'.

Josué 7:16

Jo' wulajaq chik laj Josué kiwakliik toj eq'la; kixtaqlaheb' laj Israel chi xk'utb'al rib'eb' chi teep, ut kisik'e'k ru li xteepal laj Judá.

Jueces 20:5

Ab'anan sa' ajwi' li q'oqyink a'an eb' laj Kibehá xe'chalk sa' inb'een ut xe'xsut li ochoch. Xe'raj raj inkamsinkil, ut k'ajo' naq xe'xb'atz'une li wixaqil toj reetal xkamk.

Jueces 20:10

ut tqisi lajeetq sa' xyanq chixjunileb' li xteepal laj Israel; chirix chik a'an tqasik' ru junjunq sa' xyanqeb' li b'uulinb'ileb' rix. Tqisi lajeetq sa' xyanq o'k'aal, o'k'aal sa' xyanq lajeek'aal rox o'q'ob' ut lajeek'aal rox o'q'ob' sa' xyanq lajeeb' mil, re naq toxe'xsik' xtzekemq eb' laj puub'. Ut eb' li junch'ol chik te'xik Kibehá re xk'eeb'al reeqaj li maa'usilal xe'xb'aanu re Israel”.