Josué 7:12 - Q'eqchi Bible

¹² Jo'kan naq eb' laj Israel ink'a' te'xkuy sa' ruq'eb' li xik' neke'ilok reheb'; te'eleliq b'an chiruheb', xb'aan naq relik chi yaal xk'ulub'eb' naq te'sache'q. Wi laa'ex ink'a' teesach ru li k'aru xexok, ink'a' chik tinwanq eerik'in.

Li Santil hu

¹² Joꞌcan nak eb laj Israel incꞌaꞌ teꞌxcuy pletic riqꞌuineb li xicꞌ nequeꞌiloc reheb. Teꞌe̱lelik ban chiruheb xban nak xeꞌxbok raylal saꞌ xbe̱neb xban nak xeꞌxxoc li ac kꞌaxtesinbil re sachecꞌ. La̱in incꞌaꞌ chic tincua̱nk e̱riqꞌuin cui incꞌaꞌ te̱sach ru li cꞌaꞌru xeꞌxxoc.

Josué 7:12 ပူးပေါင်းရင်းမြစ်များ

Isaías 59:2

A' leemaa'usilal laa'ex xnajtob'resink eere rik'in leeYos; ut eemaak laa'ex naq A'an naxmuq li rilob'aal ut ink'a' chik naraj eerab'inkil.

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Números 14:45

Toja' naq ke'kub'e chaq eb' laj Amalek ut eb' laj Kanahán li wankeb' chaq chi tzuul, ke'xsach ruheb' laj Israel ut ke'raanilasiheb' toj Jormá.

Josué 6:18

A'ut laa'ex, chek'e reetal. Maak'a' teexok, chi moko teerahi ru li k'a' re ru ak q'axtesinb'il re sache'k. Wi teeb'aanu a'an, teeb'oq chaq li majewaak ut li rahilal sa' xb'eeneb' chixjunil li xmuheb'aaleb' laj Israel.

Deuteronomio 7:26

Maawoksi sa' laawochoch junaq k'a' re ru yib'eetal ru, re naq ink'a' majewanb'ilaqat jo'eb' a'an; tz'eqtaananb'ilaqeb' b'an chawu xb'aan naq teneb'anb'il li oso'k sa' xb'een chixjunil a'an.

Habacuc 1:13

Li xtiikilal laach'ool xik' naril li maa'usilal; ink'a' nakakuy rilb'al li maa'usilal. K'a'ut naq maak'a' nakaye chirixeb' li neke'rahob'tesink, eb' li yookeb' chi xsachb'al ruheb' li jwal chaab'ileb' chiruheb' a'an?

Oseas 9:12

Us ta toxe'xk'iiresi junaq ralal xk'ajol, laa'in tinmaq'oq re chiruheb'. Ra chaalel sa' xb'eeneb' li poyanam a'an naq teb'inkanab' laa'in!

Jeremías 23:33

“At Jeremías, wi junaq propeet, junaq aj tij malaj ani chik reheb' li tenamit te'xpatz' aawe: «K'aru li qachaq'rab'inkil xb'aan li Qaawa', k'aru li iiq xk'ehom sa' qab'een?», cha'aq, taaye reheb': «Li Qaawa' xye naq laa'ex li iiq! Tz'eqtaananb'ilex chik anaqwan», cha'qat.

Jeremías 6:8

Chik'ajq aawu, a Jerusalén; mare anchal tatinkanab' aajunes, jo'kaqat li chaqich'och'; chi maajun chik aapoyanamil tatkanaaq”.

Proverbios 28:1

Li ink'a' us xna'leb' na'elelik, us ta maajun na'aanilasink re; ab'an li tiik xch'ool maak'a' naxxiwa, jo' li kaqkoj.

Jueces 2:4

Naq li x'ánjel li Qaawa' kiraqe'k chi xyeeb'al eb' li aatin a'in reheb' chixjunil laj Israel, eb' li tenamit ke'ok chi yaab'ak chi japjookeb' re.

Números 14:39

Naq laj Moisés kixye reheb' chixjunileb' laj Israel li xyehom li Qaawa', k'ajo' naq ke'raho'k xch'ool li tenamit!

Jueces 16:20

“We'keb' laj Filistea sa' aab'een, a Sansón!”, chan li ixq. Naq laj Sansón ki'ajk ru sa' xwara, kixye sa' xch'ool: “Tinkol wib' wi' chik kama' ninb'aanu rajlal, ut teb'insach”, chan. Ab'anan ink'a' naxnaw naq maak'a' chik li Qaawa' rik'in.

1 Samuel 14:38

Jo'kan naq laj Saúl kixb'oqeb' chixjunileb' li xjolomil li tenamit ut kixye reheb': “Tz'ilomaq rix ut ilomaq ani xmaakob'k sa' li kutan a'in.

Salmos 44:10

A'ut anaqwan xoohaakanab' qajunes ut xak'ut qaxutaan, ink'a' chik nokoohaawochb'eeni naq nokooxik chi yalok.

Salmos 60:10

Mohab a'an li emel xna'aj linch'ajleb'; tinkut linperxaab' sa' xb'een Edom, ut tinb'ichanq xb'aan naq xinnumtaak sa' xb'eeneb' laj Filistea”.

Números 14:42

Mextaqe'k, xb'aan naq li Qaawa' moko wank ta sa' eeyanq. Mare anchal texsache'q xb'aaneb' li xik' neke'ilok eere.

Números 14:43

Xb'aan naq eb' laj Amalek ut eb' laj Kanahán wankeb' aran: te'raj yalok eerik'in ut eekamsinkil chi q'esnal ch'iich'. Laa'ex xekanab' li Qaawa', ut A'an moko wank ta chik sa' eeyanq”, chan laj Moisés reheb'.