Josué 7:11 - Q'eqchi Bible

¹¹ Eb' laj Israel xe'maakob'k ut xe'xq'et li Sumwank xinb'aanu rik'ineb'. Jun chik: xe'xchapatq cho'q reheb' li k'aru ak q'axtesinb'il chi sache'k. Xe'relq'a, xe'xmuq ut xe'xk'e a'an sa' xyanq li k'aru reheb'.

Li Santil hu

¹¹ Eb laj Israel xeꞌma̱cob ut xeꞌxkꞌet li contrato li xinba̱nu riqꞌuineb nak xinye reheb nak incꞌaꞌ teꞌxxoc li cꞌaꞌak re ru ac kꞌaxtesinbil re ta̱sachekꞌ. Eb aꞌan xeꞌrelkꞌa li cꞌaꞌru incꞌaꞌ raj xeꞌxchꞌeꞌ ut xeꞌticꞌtiꞌic. Ut li cꞌaꞌru xeꞌxxoc, xeꞌxqꞌue saꞌ xya̱nk li cꞌaꞌruheb re.

Josué 7:11 ပူးပေါင်းရင်းမြစ်များ

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

Hechos 5:9

Ut laj Pedro kixye re: —K'a'ut naq xek'am chaq eerib' sa' aatin re xyalb'al rix li xMusiq' li Qaawa'? Il, we'keb' chaq chire kab'l li xe'muquk chaq re laab'eelom; ut anaqwan tate'xk'am ajwi' laa'at.

San Mateo 22:21

Ke'chaq'ok: —Re li awab'ej, chankeb'. Toja' naq li Jesus kixye reheb': —Q'ajsihomaq b'i' re li awab'ej li k'aru re li awab'ej, ut re li Yos li k'aru re li Yos.

Zacarías 5:4

Laa'in xintaqlank chaq re -chan li Nimajwal Yos- re naq taa'ok sa' rochoch laj elq' ut sa' rochoch li xyehok jurament sa' ink'ab'a' chi yal tik'ti'; ut aran taakanaaq chi xsachb'al ut xjuk'b'al li roqechal ut li xpekul li rochoch”.

Habacuc 2:6

Ab'anan chixjunileb' li eechaninb'il tenamit te'xse'e li ke'eechanink reheb', yooqeb' chi xyeeb'al: “Ra chaalel sa' aab'een laa'at li xatb'ihomo'k rik'in li moko aawe ta! Toj jo'q'e taakanab' xch'utub'ankil li b'ihomal li wank chi to' aawik'in?”.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

2 Reyes 18:12

Ke'xk'ul chi jo'kan xb'aan naq ink'a' ke'xpaab' li Qaawa' li xYoseb', ut ke'xq'et li xsumwank jo'wi' chixjunil li ke'chaq'rab'iik wi' xb'aan laj Moisés, laj k'anjel chiru li Qaawa'. Ink'a' ke'xpaab' chi moko ke'xk'anjela ru.

Jueces 2:20

Jo'kan naq kichalk xjosq'il li Qaawa' sa' xb'een li tenamit Israel, ut kixye: “Li tenamit a'in ke'xq'et li sumwank kink'ojob' rik'ineb' li xna' xyuwa'eb'. Ink'a' ke'rab'i xyaab' linkux.

Josué 23:16

“Wi teeq'et li Sumwank li kixb'aanu li Qaawa' leeYos eerik'in, wi teeloq'oni ruheb' li jalanil yos ut teehupub' eerib' chiruheb', li xjosq'il li Qaawa' taachalq sa' eeb'een ut tex'oso'q sa' junpaat sa' li xchaq'alil ru ch'och' a'in li xk'ehom eere li Qaawa'”.

Josué 7:1

Ab'an eb' laj Israel ke'xq'et li xtaqlahom laj Josué. Laj Akán, ralal laj Karmí, ri xmam laj Sabdí, xxikin i laj Séraj, sa' xteepal Judá, kixxok cho'q re li k'aru ak q'axtesinb'il re sache'k. Jo'kan naq k'ajo' naq kijosq'o'k li Qaawa' sa' xb'eeneb' laj Israel.

Deuteronomio 17:2

“Mare wanq junaq winq malaj ixq sa'eb' li tenamit tixk'e aawe li Qaawa' laaYos, li tixb'aanu li ink'a' nawulak chiru li Qaawa', tixq'et li Sumwank,

Levítico 5:15

“Li poyanam taamaakob'q chi ink'a' rajom xch'ool ut taak'utunq naq wank xmaak xb'aan naq xb'alaq'ik sa' li k'a'aq ru jwal loq' chiru li Qaawa', tento tixchap chaq junaq reheb' li xkarneer li maak'a' reek', tixk'e cho'q xmayej re xtojb'al rix li xmaak, ut tixk'am chiru li Qaawa'. Li xtz'aq li karneer tento xb'irb'al rix chi plaat, jo' tz'aqal neke'b'isok sa' li Loq'laj Na'ajej b'arwi' na'uxk li mayejak chirix li maak.

Josué 7:10

Ut li Qaawa' kixsume ut kixye: —Xaqlin! K'a'ut naq hupuukat aran sa' ch'och'?

1 Samuel 14:38

Jo'kan naq laj Saúl kixb'oqeb' chixjunileb' li xjolomil li tenamit ut kixye reheb': “Tz'ilomaq rix ut ilomaq ani xmaakob'k sa' li kutan a'in.

2 Reyes 5:24

Naq laj Kejasí kiwulak Ofel, kixxok chixjunil li kik'ehe'k re ut koxmuq sa' li kab'l. Chirix chik a'an kixchaq'rab'iheb' laj k'anjel chiru laj Nahamán