Josué 6:5 - Q'eqchi Bible

⁵ Naq te'ok chi eek'ank li xukub' ut teerab'i chi eek'ank li tronpeet, chixjunil li tenamit te'xjap reheb' chi kaw, ut li xsuttz'akil Jerikó taat'ane'q. Toja' naq jun xikikaqex chi tiik sa' xb'een Jerikó”, chan.

Li Santil hu

⁵ Te̱rabi nak incꞌaꞌ teꞌxcanab xya̱basinquil li xucub carner. Che̱junilex la̱ex te̱jap e̱re chi cau. Ut li tzꞌac li sutsu cuiꞌ li tenamit ta̱tꞌanekꞌ. Nak ac xtꞌaneꞌ li tzꞌac li sutsu cuiꞌ, la̱ex saꞌ junpa̱t tex-oc saꞌ li tenamit chi pletic, chan li Dios.

Josué 6:5 ပူးပေါင်းရင်းမြစ်များ

Hebreos 11:30

Sa' xk'ab'a' li paab'aal ke'uq'je'k li tz'ak sutsu wi' li tenamit Jerikó, naq ak xsutimank rix chiru wuqub' kutan.

Éxodo 19:19

Li tronpeet yo chi kawuuk xyaab': laj Moisés na'aatinak ut li Qaawa' naxsume rik'in kaaq.

1 Samuel 17:52

Toja' naq eb' laj Israel ut laj Judá japjookeb' re naq ke'raanilasiheb' laj Filistea toj sa' rokeb'aal li tenamit Gat ut Ekrón. Yalaq b'ar sa' li b'e li nachalk Saharáhin ut naxik Gat ut Ekrón wankeb' aj Filistea kamenaqeb'.

1 Samuel 17:20

Sa' li kutan jun chik toj eq'la kiwakliik laj David, kixkanab'eb' li karneer rik'in jun chik aj k'aak'alenel, kixxok li k'a' re ru ut koho jo' chanru kiyehe'k re xb'aan laj Jesé. Naq kiwulak wankeb' wi' li xmuheb'aaleb' laj puub', ak xikeb' re chi yalok ut yookeb' chi xjapb'al reheb'.

1 Samuel 4:5

Naq li xLoq'laj Kaaxil li xSumwank li Qaawa' kiwulak wankeb' wi' eb' laj Israel, k'ajo' naq ke'saho'k sa' xch'ool chixjunileb'! Ke'xchaj reheb' chi kaw ut ki'eek'ank li ch'och' xb'aaneb'.

Josué 6:20

Li tenamit ke'xchaj reheb' ut ke'yaab'asimank li tronpeet. Naq eb' laj Israel ke'rab'i xyaab'eb' li tronpeet, k'ajo' naq ke'xchaj reheb'! Li xsuttz'akil Jerikó ki'uq'je'k ut chixjunileb' ke'xkut rib' chi tiik sa' xb'een li tenamit, ut koxe'reechani.

Josué 6:16

Naq eb' laj tij ke'xyaab'asi li tronpeet sa' li xwuq sut, laj Josué kixye re li tenamit: “Chajomaq eere xb'aan naq li Qaawa' xq'axtesi li tenamit sa' leeruq'!

Jeremías 50:15

Japomaq eere chi xsutam li tenamit. Babilonia ok re chi xq'axtesinkil rib' sa' eeruq': xe't'anje'k li najt xteramil ochoch ut x'uq'e'k li xsuttz'akil. A'an li eeqajunk xinb'aanu laa'in; eeqajunqex ajwi' laa'ex sa' xb'een! B'aanuhomaq re jo' li xb'aanu a'an eere.

Isaías 30:25

Sa' chixjunileb' li ninqi tzuul ut b'ool taawanq yu'amha' li ink'a' taachaqiq sa' xkutankil li nimla rahilal, naq te't'anje'q eb' li ochoch najteb' xteram.

Isaías 25:12

Tixjuk'eb' li kawub'resinb'il ochoch ut eb' li tz'ak najt xteram; tixt'aneb' ut t'ant'o te'kanaaq chiru ch'och'.

Josué 6:4

Aj k'amolb'ehaqeb' chiru li Loq'laj Kaax wuqub' chi aj tij li te'k'amoq junjunq xxukub'eb' li karneer cho'q tronpeet. Sa' xwuq li kutan teesuti li tenamit wuqub' sut ut eb' laj tij te'xyaab'asiheb' li xtronpeet.

Josué 6:6

Laj Josué, ralal laj Nun, kixb'oqeb' laj tij ut kixye reheb': “Chapomaq li xLoq'laj Kaaxil li Sumwank, ut wuqub' eere te'xk'ameb' li xxukub' karneer chi uub'ej chiru li Loq'laj Kaax”, chan.

Jueces 20:37

Eb' li winq muqmuukeb' koheb' sa' junpaat sa' xb'een Kibehá, ke'xjek'i rib' ut ke'xkamsiheb' chi ch'iich' chixjunileb' li tenamit.