Josué 6:24 - Q'eqchi Bible

²⁴ Toja' naq ke'xk'e xxamlel li tenamit rochb'een chixjunil li k'aru wank chisa'. Ka'ajwi' li plaat, li oor ut li k'a'aq re ru yiib'anb'il rik'in q'anch'iich' ut ch'iich' ke'xxok ut ke'xk'uula sa' rochoch li Qaawa'.

Li Santil hu

²⁴ Ut chirix aꞌan queꞌxcꞌat li tenamit. Ma̱cꞌaꞌ chic quicana. Caꞌaj cuiꞌ li oro, li plata, ut li cꞌaꞌak re ru yi̱banbil riqꞌuin bronce ut hierro, aꞌan queꞌxxoc ut queꞌxqꞌue saꞌ li naꞌajej li xocxo cuiꞌ li cꞌaꞌru nacꞌanjelac chiru li Ka̱cuaꞌ.

Josué 6:24 ပူးပေါင်းရင်းမြစ်များ

Josué 8:28

Laj Josué kixk'at li tenamit Ay li kikanaak chi po'lemil chalen sa' li kutan a'an,

Apocalipsis 17:16

Li josq' aj xul ut eb' li lajeeb' chi xukub' li xawil, xik' te'ril laj yumb'eet; te'xkanab' chi nakirnak ut chi t'ust'u, te'xtiw li xtib'el ut te'xk'at li ixq sa' xam.

2 Reyes 25:9

Kixk'at li rochoch li Yos, li rochoch li awab'ej ut chixjunileb' li ochoch wankeb' Jerusalén; kixk'ateb' ajwi' li rochocheb' li xninqaleb' ru winq.

Apocalipsis 18:8

Jo'kan naq chiru jun kutan talaje'chalq sa' xb'een chixjunileb' li xrahilal: a' li rax kamk, rahil ch'oolej, we'ej, ut taak'ate'q rik'in xam. Xb'aan naq nim xwankil li Qaawa' Yos li xteneb'ank tojb'amaak sa' xb'een”.

Deuteronomio 13:16

Taatuub' chixjunil li k'aru xawisi aran sa' xyi li k'ayib'aal ut taak'e xxamlel li tenamit rochb'een jo'ch'inal jo'nimal x'isiik aran. Ut taab'aanu chixjunil a'in sa' xk'ab'a' li Qaawa' laaYos. Li tenamit a'an taakanaaq chi junelik cho'q po'lem ut moko taakab'lamanq ta chik.

Josué 6:19

Chixjunil li plaat, oor ut jo'nimal yiib'anb'il rik'in q'anch'iich' ut ch'iich', q'axtesinb'ilaq re li Qaawa'. Tento taa'ok sa' li reechanihom”, chan laj Josué.

Deuteronomio 20:16

Ab'an sa'eb' li tenamit li tixk'e li Qaawa' laaYos chaweechani, maajun junaq taakanab' chi yo'yo,

Josué 6:25

Ab'an lix Rajab laj yumb'eet jo' ajwi' li xjunkab'al li xyuwa' ut chixjunileb' li xkomon ke'kole'k xb'aan laj Josué. Lix Rajab kikanaak sa' xyanqeb' laj Israel chalen anaqwan, xb'aan naq kixmuqeb' laj k'ehol eetal taqlanb'ileb' xb'aan laj Josué re xk'eeb'al reetal Jerikó.

Números 31:10

Ke'xk'e xxamlel chixjunileb' li tenamit jo' ajwi' chixjunileb' li xmuheb'aaleb'.

Deuteronomio 13:17

“Maak'a' k'a'aq re ru li ak q'axtesinb'il re sache'k taakanaaq aawik'in, re naq taanume'q xjosq'il li Qaawa' ut a'anaq taxaq aj uxtaan aawik'in ut chiril taxaq xtoq'ob'aal aawu jo'wi' tatxtamb'resi taxaq, jo' xyeechi'om reheb' laana' laayuwa'.

Josué 11:11

Ke'xkamsi chi ch'iich' jo'k'ihaleb' li wankeb' xyu'am aran; ke'xsach ru li tenamit chi junajwa, ke'xk'at ut maajun chik kikanaak chi yo'yo.

2 Samuel 10:5

Naq laj David kixnaw a'in, kixtaqlaheb' poyanam chi xk'ulb'aleb' xb'aan naq k'ajo' xxutaaneb'. Kixtaqla ajwi' xyeeb'al reheb' naq te'kanaaq Jerikó toj taachamo'q wi' chik li xmacheb'; toj aran te'sutq'iiq chaq.

1 Crónicas 18:11

Li awab'ej David kixq'axtesiheb' chiru li Qaawa', rochb'een li plaat ut li oor li kichalk rik'in chixjunileb' li tenamit kixq'axeb' ru: rik'ineb' laj Edom, eb' laj Mohab, eb' laj Amón, rik'ineb' laj Filistea ut eb' laj Amalek.