Josué 6:22 - Q'eqchi Bible

²² Laj Josué ak xyehom reheb' li wiib' chi winq li ke'k'ehok reetal li tenamit Jerikó: “Okanqex sa' rochoch laj yumb'eet ut isihomaq chaq li ixq a'an rochb'een chixjunileb' li xkomon, jo' eeyehom re sa' jurament”, chan.

Li Santil hu

²² Ut laj Josué quixye reheb li cuib chi cui̱nk li queꞌcuulac Jericó chi qꞌuehoc etal: —Ayukex saꞌ rochoch lix Rahab li naxcꞌayi rib ut te̱risi aran joꞌ ajcuiꞌ chixjunil li cꞌaꞌru cuan re, joꞌ queyechiꞌi re, chan.

Josué 6:22 ပူးပေါင်းရင်းမြစ်များ

Hebreos 11:31

Sa' xk'ab'a' li xpaab'aal lix Rajab, laj yumb'eet, ink'a' kikamk sa' xyanqeb' laj q'etol aatin, xb'aan naq kixk'uleb' sa' usilal eb' laj k'ehol eetal.

Josué 6:17

Li tenamit a'in ut chixjunil li k'a'aq re ru wank chisa', sachb'ilaq ru chi junajwa sa' xk'ab'a' li Qaawa'. Ka'ajwi' lix Rajab laj yumb'eet taakanaaq chi yo'yo rochb'eeneb' li wankeb' sa' rochoch, xb'aan naq kixmuqeb' li winq kiqataqlaheb' chaq chi k'ehok eetal.

Ezequiel 17:16

Laa'in, li Qaawa', ninye li waatin naq taakamq aran Babilonia li xq'etok re li aatin ut ink'a' xpaab' li xsumwank li awab'ej li kixaqab'ank re chi awab'ejink.

Ezequiel 17:13

Chirix chik a'an kixsik' ru jun xkomoneb' li ralal li awab'ej, kixk'e chi xyeeb'al xjurament ut kixk'ojob' jun sumwank rik'in a'an re naq wanqeb' sa' xyaalal. Kixk'am ajwi' li xninqaleb' ru winq wankeb' sa' li tenamit,

Salmos 15:4

xik' naril li tento xtz'eqtaanankil ut naroxloq'i li naxxiwa ru li Qaawa'; li ink'a' naxjal ru li xyeechi'om rik'in jurament, us ta ra tixk'ul sa' xk'ab'a' li yaal;

2 Samuel 21:7

Laj David kiril xtoq'ob'aal ru laj Mefibahal, ralal laj Jonatán ut ri laj Saúl, sa' xk'ab'a' li sumwank kixb'aanu laj David chiru li Qaawa' rik'in laj Jonatán, ralal laj Saúl; ut ink'a' kixq'axtesi reheb'.

2 Samuel 21:2

Li awab'ej kixb'oqeb' laj Gabahón ut ki'aatinak rik'ineb'. (Eb' laj Gabahón moko aj Israeleb' ta, a'aneb' b'an xkomoneb' laj Amor. Junxil eb' laj Israel ke'xye sa' jurament naq ink'a' te'xkamsiheb', ab'an laj Saúl kiraj raj xsachb'aleb' sa' xk'ab'a' xraab'aleb' laj Israel ut eb' laj Judá.)

Josué 9:15

Ut laj Josué kixk'uub' jun sumwank rik'ineb', ut kixye li raatin naq ink'a' tixkamsiheb'. Jo'kan ajwi' ke'xye sa' jurament li ninqeb' xwankil sa' li komonil.

Josué 6:23

Jo'kan naq koheb' li wiib' aj k'ehol eetal ut ke'risi chaq lix Rajab, li xna' xyuwa', eb' li ras riitz'in ut chixjunileb' li xkomon. Ke'risi ajwi' jo'k'ihaleb' li wankeb' sa' xjunkab'al ut ke'xk'ameb' toj chirix li xmuheb'aaleb' laj Israel.

Jueces 1:25

Li winq kixk'ut chiruheb' chanru naq te'ok sa' li tenamit. Ut naq ke'ok, ke'xkamsiheb' chi ch'iich' jo'k'ihaleb' wankeb' chisa', ab'anan maak'a' ke'xb'aanu re li winq a'an jo' ajwi' re li xjunkab'al.