Josué 6:19 - Q'eqchi Bible

¹⁹ Chixjunil li plaat, oor ut jo'nimal yiib'anb'il rik'in q'anch'iich' ut ch'iich', q'axtesinb'ilaq re li Qaawa'. Tento taa'ok sa' li reechanihom”, chan laj Josué.

Li Santil hu

¹⁹ Chixjunil li cꞌaꞌak re ru yi̱banbil riqꞌuin oro, plata, bronce ut hierro ta̱xocma̱nk ut ta̱kꞌaxtesima̱nk chiru li Ka̱cuaꞌ, chan laj Josué.

Josué 6:19 ပူးပေါင်းရင်းမြစ်များ

San Mateo 27:6

Li xb'eenileb' aj tij ke'xxok li tumin ut ke'xye: —Moko us ta xk'eeb'al a'in sa' li k'uuleb'aal mayej, xb'aan naq a'an xtz'aq xyu'am jun li winq.

1 Crónicas 26:20

Wankeb' chik aj Leví xaqab'anb'ileb' re xk'aak'alenkil li k'a'aq re ru terto xtz'aq li wank sa' rochoch li Yos jo'wi' eb' li loq'laj k'anjelob'aal.

San Marcos 12:41

Kik'ojlaak li Jesus chiru li xkaaxil li mayej, yo chi xk'eeb'al reetal chanru naq li tenamit neke'k'ehok tumin sa' li kaax: ut naab'aleb' li b'ihom naab'al li tumin yookeb' chi xk'eeb'al.

Nehemías 10:38

Ut naq eb' laj Leví te'xik chi xxokb'al li xlajeetqil chixjunil li k'a'aq re ru, tento naq junaq aj tij, xkomoneb' li ralal laj Aharón, taa'ochb'eeninq re. Chirix chik a'an eb' laj Leví te'xk'am li junjunq sa' xlajeetqil sa'eb' li xk'uuleb'aal li rochoch li qaYos,

1 Crónicas 18:11

Li awab'ej David kixq'axtesiheb' chiru li Qaawa', rochb'een li plaat ut li oor li kichalk rik'in chixjunileb' li tenamit kixq'axeb' ru: rik'ineb' laj Edom, eb' laj Mohab, eb' laj Amón, rik'ineb' laj Filistea ut eb' laj Amalek.

2 Reyes 24:13

Chirix chik a'an laj Nabukodonosor kixxok chixjunil li k'a'aq re ru q'axal terto xtz'aq sa' rochoch li Qaawa'; kixk'am ajwi' li terto xtz'aq li wank sa' rochoch li awab'ej ut kixjuk' chixjunil li oor xyiib'ahom laj Salomón, awab'ej re Israel, re xsahob'resinkil ru li rochoch li Qaawa', jo' kiyehe'k chi junxilaj xb'aan li Yos.

1 Reyes 7:51

Naq kiraqe'k chixjunil li k'anjel kixb'aanu laj Salomón sa' rochoch li Qaawa', li awab'ej kixye naq chik'ame'q chaq jo'k'ihal q'axtesinb'il re li Qaawa' xb'aan laj David li xyuwa', li plaat ut oor ut wank chik xkomon, ut kixk'e sa' xyanq li xsahil eechej li rochoch li Yos.

2 Samuel 8:11

Ut li awab'ej David kixq'axtesiheb' chiru li Qaawa', rochb'een li plaat ut li oor q'axtesinb'il chik, a' li kichalk rik'in chixjunileb' li tenamit kixq'axeb' ru:

Miqueas 4:13

Xaqlin, at Sión, ut eeqajun sa' xb'eeneb'! Xb'aan naq xyehom li Qaawa': “Laa'in tink'e aakawilal jo' junaq teelom wakax li wank xxukub' ch'iich' ut q'anch'iich' li xxaab'. K'ajo'eb' li tenamit taaputz'i. Toja' naq taamaq' chixjunil li b'ihomal xe'relq'a ut taamayeja chiwu laa'in, li xQaawa' chixjunil li ruuchich'och'.

2 Crónicas 31:12

ut aran ke'xk'uula chi chaab'il li mayej, li xlajeetqil ru chixjunil ut li k'a'aq re ru mayejanb'il re li Qaawa'. Laj Kenanías aj Leví, rochb'een laj Semehí li riitz'in, ke'xaqab'aak chi rilb'aleb' li mayej.

2 Crónicas 15:18

Kixk'am sa' rochoch li Yos chixjunil li k'a'aq re ru kixmayeja laj David li xyuwa', jo' ajwi' li ki'alaak sa' xch'ool xyeechi'inkil: plaat ut oor ut eb' li k'anjelob'aal.

1 Crónicas 28:12

Jo'kan ajwi' kixq'axtesi reetalil chixjunil li wank sa' xch'ool xyiib'ankil re li neb'aal ut reheb' li na'ajej li twanq chi xsutam; li reetalil eb' li na'ajej li xokxooq wi' li loq'laj mayej ut li k'a'aq re ru tertookeb' xtz'aq.

1 Crónicas 26:28

Wank ajwi' aran li k'a'aq re ru kixmayeja laj Samuel, laj ilol moy u, laj Saúl, ralal laj Kis, laj Abner, ralal laj Ner, ut laj Johab, xyum lix Sarbia. K'aak'alenb'il xb'aan laj Selomit ut xb'aaneb' li riitz'in chixjunil li k'a'aq re ru q'axtesinb'il re li Qaawa'.

1 Crónicas 26:26

Laj Selomit, rochb'eeneb' li riitz'in, a'aneb' laj ilol re li k'a'aq re ru terto xtz'aq xq'axtesihom laj David re li Qaawa' rochb'eeneb' li xjolomileb' junkab'al, laj jolominel yalonel ut eb' li xjolomileb' laj puub'.

1 Reyes 14:26

Kirelq'a chixjunil li wank sa' rochoch li Yos ut sa' rochoch li awab'ej. Kirelq'a chixjunil: a' ajwi' chixjunileb' li xkolb'aleb' rib' laj puub' li kixyiib' laj Salomón rik'in oor.

Jeremías 38:11

Laj Ebedmélek kixsik'eb' li winq ut koho sa' rochoch li awab'ej, sa' xk'uuleb'aaleb' li aq'ej; kixxok q'eel t'ikr li maak'a' chik na'ok wi' ut, rik'in k'aam, kixkub'si sa' li xjulel ha' li wan wi' laj Jeremías:

Números 31:22

Li oor ut li plaat, li q'anch'iich', li ki'ch'iich', li q'un ut li raxch'iich',

Levítico 19:24

Ut sa' xka li chihab' chixjunil ru li che' taaq'axtesimanq re li Qaawa' sa' junaq mayejak;

Números 31:11

Ke'xch'utub' jo'ch'inal jo'nimal ke'xxok, chi winq ut chi ketomq,

Números 31:12

ut ke'xk'am jo'nimal ke'reechani, koxe'xk'ut chiru laj Moisés, chiru laj Elehasar laj tij ut chiru chixjunil li xkomonileb' laj Israel sa' li xmuheb'aaleb', sa' xtaq'ahil Mohab, nach' chire li nima' Jordán, sa' xka'yab'aal Jerikó.

Josué 7:11

Eb' laj Israel xe'maakob'k ut xe'xq'et li Sumwank xinb'aanu rik'ineb'. Jun chik: xe'xchapatq cho'q reheb' li k'aru ak q'axtesinb'il chi sache'k. Xe'relq'a, xe'xmuq ut xe'xk'e a'an sa' xyanq li k'aru reheb'.

1 Crónicas 26:27

Chixjunil li k'a'aq re ru a'an, kixokmank sa' li yalok ut kiq'axtesiik re xyiib'ankil li rochoch li Yos.