Josué 6:17 - Q'eqchi Bible

¹⁷ Li tenamit a'in ut chixjunil li k'a'aq re ru wank chisa', sachb'ilaq ru chi junajwa sa' xk'ab'a' li Qaawa'. Ka'ajwi' lix Rajab laj yumb'eet taakanaaq chi yo'yo rochb'eeneb' li wankeb' sa' rochoch, xb'aan naq kixmuqeb' li winq kiqataqlaheb' chaq chi k'ehok eetal.

Li Santil hu

¹⁷ Li tenamit aꞌan, ut chixjunil li cuan chi saꞌ ta̱sachma̱nk ru joꞌ quixye ke li Ka̱cuaꞌ. Caꞌaj cuiꞌ lix Rahab xcomoneb li nequeꞌxcꞌayi rib, aꞌan ta̱colekꞌ rochbeneb li cuanqueb saꞌ li rochoch xban nak aꞌan li quimukuc reheb li cui̱nk li queꞌtakla̱c chi qꞌuehoc etal.

Josué 6:17 ပူးပေါင်းရင်းမြစ်များ

Deuteronomio 20:17

taaq'axtesiheb' b'an chi sache'k: a'eb' laj Hit, eb' laj Amor, eb' laj Kanahán, eb' laj Perés, eb' laj Jib ut eb' laj Jebús, kama' xatxchaq'rab'i wi' li Qaawa' laaYos,

Santiago 2:25

Jo'kan ajwi' lix Rajab, laj yumb'eet. Ma ink'a' tab'i' kixtaw xtiikilal xch'ool rik'in li xb'aanuhom naq kixk'e rochochnaal eb' li xtaql laj Israel ut kixsutq'isiheb' sa' jalan chik b'e?

Miqueas 4:13

Xaqlin, at Sión, ut eeqajun sa' xb'eeneb'! Xb'aan naq xyehom li Qaawa': “Laa'in tink'e aakawilal jo' junaq teelom wakax li wank xxukub' ch'iich' ut q'anch'iich' li xxaab'. K'ajo'eb' li tenamit taaputz'i. Toja' naq taamaq' chixjunil li b'ihomal xe'relq'a ut taamayeja chiwu laa'in, li xQaawa' chixjunil li ruuchich'och'.

Hebreos 11:31

Sa' xk'ab'a' li xpaab'aal lix Rajab, laj yumb'eet, ink'a' kikamk sa' xyanqeb' laj q'etol aatin, xb'aan naq kixk'uleb' sa' usilal eb' laj k'ehol eetal.

Hebreos 6:10

Xb'aan naq tiik xch'ool li Yos, moko hoon ta nasachk sa' xch'ool leechaab'il k'anjel ut chanru xetenq'aheb' chaq laj santil paab'anel, ut toj yookex chi xtenq'ankileb' anaqwan, sa' xk'ab'a' li Qaawa'.

Gálatas 3:12

A'ut li Chaq'rab' ink'a' nachalk sa' xk'ab'a' li paab'aal, naxye b'an: “Li taab'aanunq re chixjunil a'in, yo'yooq sa' xk'ab'a' a'an”.

Gálatas 3:10

Chek'e reetal: chixjunileb' li k'ojk'ookeb' xch'ool rik'in xk'anjelankil li Chaq'rab' teneb'anb'il li tojb'amaak sa' xb'eeneb', xb'aan naq naxye li Santil Hu: “Maa'usinb'ilaqeb' chixjunileb' li ink'a' neke'xk'e xch'ool chirix chixjunil li tz'iib'anb'il sa' xhuhil li Chaq'rab' chi moko neke'xb'aanu”.

1 Corintios 2:7

Nokoo'aatinak chirix xna'leb' li Yos, muqmuukil na'leb' li ink'a' natawmank ru ut kawresinb'il chaq xb'aan li Yos rub'elaj xtiklajik li ruuchich'och' re naq twanq xnimal qaloq'al.

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

Génesis 12:3

Twosob'tesiheb' li te'osob'tesinq aawe, ut tinmajewaheb' li te'majewanq aawe. Osob'tesinb'ilaqeb' sa' laak'ab'a' chixjunil li tenamit sa' ruuchich'och'”.

1 Corintios 16:22

Ani ink'a' naxra li Qaawa', tz'eqtaananb'ilaq chi junajwa! Maraná tha.

Ezequiel 39:17

Li Qaawa' kixye we: “At kaamel winq, ye reheb' chixjunil li xik'anel xul ut eb' li josq' aj xul, naq chalqeb' yalaq b'ar ut xch'utub'aqeb' rib' re li nimla mayejak li tinb'aanu cho'q reheb', sa' xb'eeneb' li xtzuulul Israel. Aran te'tiwoq tib' ut te'uk'aq kik'.

Jeremías 46:10

A'anaq xkutankil li Nimajwal Yos, naq taa'eeqajunq sa' xb'eeneb' li xik' neke'ilok re. Li q'esnal ch'iich' taasachoq toj reetal taak'ojlaaq xch'ool ut toj taaruk' xkik'eleb' li xe't'ane'k. Xb'aan naq nimla kamsink tixb'aanu li Nimajwal Yos chire li nima' Éwfrates, sa' li na'ajej wank sa' xjayal releb'l iq'.

Isaías 34:6

Oso'jenaq li xq'esnal ch'iich' li Qaawa' sa' kik' ut xeeb', kama' naq neke'kamsiik eb' li karneer ut li chib'aat sa' xhonalil li mayejak. Li Qaawa' taamayejaq aran Bosrá, ut taawanq nimla kamsink sa' xteepal Edom.

Esdras 10:8

Yalaq ani ink'a' taawulaq chiru oxib' kutan, taamaq'e'q chiru jo'ch'inal jo'nimal wank re, ut a'an ajwi' taa'isiiq sa' xyanq xkomonileb' laj Israel, jo' chanru k'uub'k'u xb'aaneb' laj k'amol b'e ut eb' laj jolominel.

1 Samuel 15:6

ut kixye reheb' laj Ken: “Elenqex, jek'omaq eerib' rik'ineb' laj Amalek, re naq ink'a' texinsach rochb'eeneb' a'an, xb'aan naq usilal xeb'aanu reheb' chixjunil laj Israel naq yookeb' chaq chi taqe'k Ejiipt”, chan. Ut eb' laj Ken ke'elk sa' xyanqeb' laj Amalek.

Josué 7:1

Ab'an eb' laj Israel ke'xq'et li xtaqlahom laj Josué. Laj Akán, ralal laj Karmí, ri xmam laj Sabdí, xxikin i laj Séraj, sa' xteepal Judá, kixxok cho'q re li k'aru ak q'axtesinb'il re sache'k. Jo'kan naq k'ajo' naq kijosq'o'k li Qaawa' sa' xb'eeneb' laj Israel.

Josué 2:22

Eb' li winq koheb' sa' xyanqeb' li tzuul ut ke'kanaak aran toj reetal ke'sutq'iik chaq laj sik'ol reheb': us ta ke'xyal xq'e chi xsik'b'aleb' yalaq b'ar sa' li b'e, ab'anan ink'a' ke'xtaweb'.

Josué 2:1

Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

1 Samuel 15:3

Ayu anaqwan ut rahob'tesiheb' laj Amalek. Chaq'axtesiheb' chi oso'k rochb'eeneb' chixjunil li reechanihomeb'. Maawil xtoq'ob'aal ruheb', chakamsi b'an chixjunileb', jo' winq ut ixq, eb' li kok'al ut eb' li k'uula'al, eb' li b'ooyx ut eb' li karneer, eb' li kameey ut eb' li b'uur»”.

Levítico 27:21

Naq li ch'och' a'an taakanaaq chi maajun aj eechal re sa' li xchihab'il li ach'ab'ank, taaq'axtesimanq cho'q re li Qaawa' cho'q q'axtesinb'il na'ajej, ut laj tij taa'eechaninq re.