Josué 6:13 - Q'eqchi Bible

¹³ Aj k'amolb'eheb' chiru li Loq'laj Kaax li wuqub'eb' chi aj tij li neke'k'amok re li wuqub' chi xxukub' karneer, yookeb' chi b'eek ut xyaab'asinkil eb' li xtronpeet. Eb' li wankeb' xch'iich' wankeb' chaq chi uub'ej, ut li xk'ihaleb' li tenamit yookeb' chi xik chirix li xLoq'laj Kaax li Qaawa'. Jun sut chik ki'ab'iik xyaab'eb' li tronpeet.

Li Santil hu

¹³ Ut eb li cuukub chi aj tij yo̱queb chi xic chiru lix Lokꞌlaj Ca̱x li Ka̱cuaꞌ ut incꞌaꞌ queꞌxcanab be̱c chi moco queꞌxcanab xya̱basinquil li xucub. Cuanqueb li soldado yo̱queb chi xic chiruheb laj tij li yo̱queb chixya̱basinquil li xucub ut cuanqueb li soldado li yo̱queb chi xic chirix li Lokꞌlaj Ca̱x. Ut eb laj tij incꞌaꞌ queꞌxcanab xya̱basinquil li xucub.

Josué 6:13 ပူးပေါင်းရင်းမြစ်များ

Gálatas 6:9

Moolub'k chi xb'aanunkil li us xb'aan naq sa' xq'ehil tooq'oloq, wi ink'a' nach'inank qach'ool.

San Mateo 24:13

Ab'anan ani tixk'e xch'ool toj sa' roso'jik, a'an taakole'q.

1 Crónicas 15:26

Li Yos kixtenq'aheb' laj Leví li ke'iiqank re li xLoq'laj Kaaxil li xSumwank li Qaawa'; jo'kan naq kimayejamank wuqub' li saaj wakax ut wuqub' li karneer.

Números 10:25

Moqon chik ke'elk li xkomoneb' li teep, ut chirix a'an eb' li neke'xik rub'el xb'anteereb' laj Dan, chi ch'uutal: k'amol b'e laj Ajieser, ralal laj Amisaday;

Josué 6:4

Aj k'amolb'ehaqeb' chiru li Loq'laj Kaax wuqub' chi aj tij li te'k'amoq junjunq xxukub'eb' li karneer cho'q tronpeet. Sa' xwuq li kutan teesuti li tenamit wuqub' sut ut eb' laj tij te'xyaab'asiheb' li xtronpeet.

Josué 6:9

Eb' li wankeb' xch'iich' aj k'amolb'eheb' chiruheb' laj tij li yookeb' chi xyaab'asinkil eb' li xtronpeet; ut li xk'ihaleb' li tenamit yookeb' chi xik chirix li Loq'laj Kaax, yo ajwi' xyaab'eb' li tronpeet chi junelik.

Josué 6:12

Jo' wulajaq chik, eq'la, kiwakliik laj Josué, ut eb' laj tij ke'xchap li xLoq'laj Kaax li Qaawa'.

Josué 6:14

Sa' xkab' li kutan jun sut chik ke'xsuti li tenamit ut ke'sutq'iik chaq wi' chik sa' li xmuheb'aaleb'. Jo'ka'in ke'xb'aanu chiru waqib' kutan.