Josué 4:7 - Q'eqchi Bible

⁷ teeye reheb': «Li xha'ul li nima' Jordán kixjach rib' chiru li xLoq'laj Kaaxil li Sumwank naq kinume'k junpak'al. Eb' li pek a'in a'an reetalil chiruheb' laj Israel, re naq jultikaq reheb' chi junelik li k'aru kixb'aanu li Yos»”.

Li Santil hu

⁷ Ut la̱ex texchakꞌok ut te̱ye reheb, “Li pec aꞌin, aꞌan retalil nak quixakli li nimaꞌ Jordán ut incꞌaꞌ chic quibe̱c nak yo̱queb chixnumsinquil jun pacꞌal li nimaꞌ li Lokꞌlaj Ca̱x li xocxo cuiꞌ lix contrato li Dios. Eb li pec aꞌin, aꞌan retalil chiruheb laj Israel re nak julticak reheb chi junelic li cꞌaꞌru quixba̱nu li Dios,” chan laj Josué.

Josué 4:7 ပူးပေါင်းရင်းမြစ်များ

Éxodo 12:14

Li kutan a'an a'anaq xnimal ru kutan cho'q eere, ut laa'ex teenima junelik rik'in jun ninq'e sa' xk'ab'a' li Qaawa'. Teexaqab' chi junajwa cho'q xnimal ru ninq'e.

Salmos 111:4

Kixb'aanu sachb'ach'oolej li tento xjultikankil. Li Qaawa' a'an aj uxtaan ut natoq'ob'ank u.

Números 16:40

A'an jun reetalil chiruheb' laj Israel naq maajun junaq li maawa' aj tij taamayejaq pom chiru li Qaawa'; juneseb' li ralal xk'ajol laj Aharón truuq te'xb'aanu a'an. Mare anchal te'xk'ul jo' laj Koré ut eb' li xkomon, jo' yeeb'il chaq xb'aan li Qaawa' re laj Moisés.

Éxodo 28:12

Chirix chik a'an taak'e xkab'ichaleb' li pek sa' xb'een xteleb' li efod, re inpatz'b'al xb'aaneb' li ralal xk'ajol laj Israel; chi jo'kan laj Aharón tixk'am xk'ab'a'eb' sa' xb'een xkab'ichaleb' li xtel, re xpatz'b'aleb' chiwu laa'in li Qaawa'.

1 Corintios 11:24

ut naq ak xyoxink chiru li Yos, kixjachi ut kixye: “A'an a'in lintz'ejwal q'axtesinb'il sa' eek'ab'a'. Cheb'aanu a'in re xnimankil injultikankil”.

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Josué 4:6

re naq a'anaq jun li loq'laj eetalil sa' eeyanq. Naq wulaj kab'ej leeralal eek'ajol te'xpatz' eere: «K'aru xyaalal eb' li pek a'in?», cha'qeb',

Éxodo 30:16

Taaxok li tumin k'eeb'il re xkolb'al rix xyu'ameb' laj Israel, ut taaq'axtesi cho'q re li k'anjel taa'uxmanq sa' xMuheb'aal li ch'utam; ut a'anaq xpatz'b'aleb' laj Israel xb'aan li Qaawa' re naq te'xkol rix li xyu'ameb'”.

Números 17:5

Li winq taatuxmeq li xxuq', a'an li sik'b'il ru inb'aan. Chi jo'kan eb' laj Israel te'xkanab' eewech'b'al”, chan li Qaawa'.

Deuteronomio 16:3

“Ink'a' taawa' li wa li wank xyu; chiru wuqub' kutan taawa' li wa ink'a' yuub'il, xwahil li rahil ch'oolejil, xb'aan naq sa' junpaat kat-elk chaq sa' li tenamit Ejiipt. Chi jo'kan taajultiko'q aawe li xkutankil laawelik chaq Ejiipt chiru chixjunil laayu'am.