Josué 4:24 - Q'eqchi Bible

²⁴ Chi jo'kan chixjunileb' li tenamit li wankeb' sa' ruuchich'och' te'xk'e reetal li xnimal xwankil li Qaawa', ut laa'ex junelik teeroxloq'i li Qaawa' leeYos”.

Li Santil hu

²⁴ Quixba̱nu chi joꞌcan re nak chixjunileb li cuanqueb saꞌ ruchichꞌochꞌ teꞌxqꞌue retal nak kꞌaxal nim xcuanquil li Ka̱cuaꞌ ut re ajcuiꞌ nak la̱ex junelic te̱xucua ru li Ka̱cuaꞌ le̱ Dios, chan laj Josué.

Josué 4:24 ပူးပေါင်းရင်းမြစ်များ

Salmos 106:8

Ab'an li Yos kixkoleb' sa' xk'ab'a' li xloq'al re xk'eeb'al chi nawe'k li xwankilal.

Salmos 89:13

Laa'at xatk'uub'ank re li releb'l iq' ut li rokeb'l; li tzuul Tabor ut Hermón neke'saho'k xch'ool aawik'in.

1 Crónicas 29:12

Aawik'in nachalk li b'ihomal ut li loq'al. Laa'at nakatjolomink re chixjunil. Sa' laawuq' wank li wankilal ut li kawilal, laa'at nakak'e chi nimank ut chi kawuuk chixjunil. Laa'at li xtoonal chixjunil!

2 Reyes 19:19

A'ut anaqwan, at Qaawa', at qaYos, choohaakol chiruheb', xnawaqeb' chixjunileb' li x'awab'ejihom li ruuchich'och' naq ka'ajwi' laa'at li Qaawa', li tz'aqal Yos”.

Éxodo 15:16

“Xiw ut yot'ik ch'oolej kinaqk sa' xb'eeneb'. At Qaawa', li xwankilal laatel kixpekob'resiheb' toj reetal kinume'k laatenamit, toj reetal kinume'k li tenamit a'in li xayoob'tesiheb'.

Éxodo 14:31

Ut naq eb' laj Israel ke'ril k'aru kixb'aanu li Qaawa' reheb' laj Ejiipt rik'in xnimal xwankil li ruq', li tenamit ke'xxiwa ru li Qaawa' ut ke'xpaab' li Qaawa' jo' ajwi' laj Moisés laj k'anjel chiru.

Deuteronomio 6:2

Chi jo'kan teeroxloq'i ru li Qaawa' leeYos chiru chixjunil leeyu'am, ut teepaab' chixjunileb' li chaq'rab' ut li aatin nink'e eere anaqwan, jo'wi' reheb' leeralal eek'ajol ut leeri eemam, re naq taanajto'q roq leeyu'am.

Jeremías 32:40

Tink'ojob' jun Sumwank rik'ineb', li wanq xwankil chi junelik: laa'in ninye li waatin naq junelik twusila ruheb', ut tink'e sa' xch'ooleb' naq te'roxloq'i wu ut ink'a' chik te'xnajtob'resi rib' wik'in.

Salmos 89:7

Aran taqe'q, ani taajuntaq'eetaaq wi' li Qaawa'? Ma wank tab'i' junaq jo' li Qaawa' sa' xyanqeb' li yos?

2 Reyes 5:15

Toja' naq laj Nahamán ut chixjunileb' li rochb'een ke'sutq'iik wi' chik rik'in li xtaql li Yos. Ut naq kiwulak rik'in, laj Nahamán koxxaqliiq chiru laj Eliseo ut kixye re: “Anaqwan xink'e reetal naq maak'a' chik junaq Yos sa' chixjunil li ruuchich'och'. Ka'ajwi' arin Israel. K'ul b'i' li simaatan a'in naxk'e aawe laj k'anjel chawu”.

1 Samuel 17:46

Anaqwan ajwi' li Qaawa' tatxq'axtesi sa' wuq', ut laa'in tatinkamsi, tinch'ot laajolom. Ut sa' li kutan a'in tink'e li xtib'eleb' laj puub' aj Filistea reheb' li xik'anel xul re li choxa ut reheb' li josq' aj xul wankeb' sa' k'iche'. Chi jo'kan chixjunil li ruuchich'och' tixnaw naq wank jun Yos re laj Israel.

Éxodo 20:20

Kichaq'ok laj Moisés ut kixye reheb' li tenamit: “Mexxiwak! Li Yos xk'ulunk chi xyalb'al eerix. A'an naraj naq junelik teek'e eech'ool chi roxloq'inkil, re naq mexmaakob'k”.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

Deuteronomio 28:10

Toja' naq chixjunileb' li tenamit li wankatqeb' sa' ruuchich'och' te'ril naq sa' aab'een laa'at yaab'anb'il li xk'ab'a' li Qaawa', ut tate'xxiwa.

1 Reyes 8:60

Chooxtenq'a taxaq re naq chixjunileb' li tenamit sa' ruuchich'och' te'xk'e reetal naq li Qaawa' a'an Yos, ut maak'a' chik junaq.

1 Reyes 8:40

Jo'kan naq tate'roxloq'i chiru chixjunil li xyu'ameb' naq wanqeb' sa' li ch'och' kak'e reheb' li qana' qayuwa'.

Li xHu LAJ JOB 40:9

Ma q'axal kaw tab'i' aawib' chiwu laa'in? Ma naru xjuntaq'eetankil li xkawilal xyaab' laakux rik'in li we?

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.