Josué 4:11 - Q'eqchi Bible

¹¹ Ka'ajwi' ke'nume'k chixjunil li tenamit, ke'nume'k ajwi' eb' laj tij aj k'amoneleb' re li xLoq'laj Kaax li Qaawa', ut ke'q'axonk chi uub'ej chiruheb' li tenamit.

Li Santil hu

¹¹ Nak ac xeꞌnumeꞌ chixjunileb li tenamit, queꞌnumeꞌ ajcuiꞌ laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ ut queꞌco̱eb chi ubej.

Josué 4:11 ပူးပေါင်းရင်းမြစ်များ

Josué 3:8

Laa'at taak'e li taqlahom a'in reheb' laj tij li yookeb' chi k'amok re li xLoq'laj Kaaxil li Sumwank: «Naq texwulaq chire li nima' Jordán, texxaqliiq aran, sa' li ha'»”.

Josué 4:18

Ut naq eb' laj tij aj k'amoneleb' re li xLoq'laj Kaaxil li Sumwank ke'elk sa' li nima' Jordán, ka'ajwi' ke'xyeq' li ch'och' chire li nima', kixjunaji wi' chik rib' li ha' sa' li xna'aj ut ki'ok chi b'eek chi kaw roq jo' naq xwank.

Josué 3:17

Eb' laj tij li yookeb' chi k'amok re li xLoq' laj Kaaxil li Sumwank, xaqxookeb' sa' xyi li nima' naq yookeb' chi nume'k chixjunileb' laj Israel. Ut chaqi li ch'och' li xaqxookeb' wi'.

Josué 4:10

Eb' laj tij aj k'amoneleb' re li Loq'laj Kaax ke'kanaak chi xaqxo sa' xyi li nima' Jordán toj ke'xb'aanu chixjunil li kixye laj Josué re li tenamit sa' xk'ab'a' li Qaawa'. Ut eb' li tenamit ke'xseeb'a rib' chi nume'k.

Josué 4:12

Eb' laj Rubén, eb' laj Gad ut li xyiijachil xteepaleb' laj Manasés ke'nume'k chi tustu chiruheb' laj Israel, jo' yeeb'il reheb' xb'aan laj Moisés.

Josué 24:11

“Toja' naq keq'ax chaq li nima' Jordán ut kexwulak Jerikó. Eb' laj Jerikó, eb' laj Amor, eb' laj Perés, eb' laj Kanahán, eb' laj Hit, eb' laj Kirkás, eb' laj Jib ut eb' laj Jebús ke'yalok eerik'in, ab'an laa'in keb'inq'axtesi sa' eeruq'.

Isaías 52:12

Ab'an moko tex'elq ta chi junpaat chi moko jo' aj eelel ta naq texxik, xb'aan naq k'amolb'ehaq li Qaawa' cheru ut chi ixb'ej wanq li xYos laj Israel.