Josué 3:8 - Q'eqchi Bible

⁸ Laa'at taak'e li taqlahom a'in reheb' laj tij li yookeb' chi k'amok re li xLoq'laj Kaaxil li Sumwank: «Naq texwulaq chire li nima' Jordán, texxaqliiq aran, sa' li ha'»”.

Li Santil hu

⁸ Ta̱ye reheb laj tij li yo̱keb chi cꞌamoc re li Lokꞌlaj Ca̱x, “Nak tex-oc saꞌ li nimaꞌ Jordán, aran texxakli̱k,” chan li Ka̱cuaꞌ.

Josué 3:8 ပူးပေါင်းရင်းမြစ်များ

Josué 3:17

Eb' laj tij li yookeb' chi k'amok re li xLoq' laj Kaaxil li Sumwank, xaqxookeb' sa' xyi li nima' naq yookeb' chi nume'k chixjunileb' laj Israel. Ut chaqi li ch'och' li xaqxookeb' wi'.

Josué 3:3

ut ke'xye li taqlahom a'in reheb' li tenamit: “Naq teeril li xLoq'laj Kaaxil li Sumwank paqonb'il xb'aaneb' laj tij aj Leví, tex'elq sa' li na'ajej wankex wi' ut texxik chirix.

Lamentaciones 3:26

Q'axal us royb'eninkil naq li Yos tooxtenq'a, chi k'ojk'ooq li qach'ool rik'in.

Nehemías 13:28

Jun reheb' li ralal laj Johadá, ralal laj Eliasib li xyuwa'il aj tij, a'an chaq xhi' laj Sanbalat aj Jorón, ut laa'in kiwisi chink'atq.

Nehemías 13:22

Chirix chik a'an kinye reheb' laj Leví naq te'xch'ajob'resi rib' ut xikaqeb' chi xk'aak'alenkileb' li okeb'aal re naq ink'a' taamuxmanq li kutan sábado. Rik'in ajwi' a'in chinjultiko'q aawe, at inYos, ut chatoq'ob'a taxaq wu jo' chanru xnimal aawuxtaan!

2 Crónicas 30:12

Jo'kan ajwi' sa' xteepal Judá li Yos kixtoch' xch'ooleb' li tenamit re naq chi junaj ru xch'ooleb' te'xb'aanu li k'aru ke'xye li awab'ej ut li xjolomileb' li tenamit, jo' chanru xchaq'rab' li Qaawa'.

2 Crónicas 29:30

Moqon chik laj Esekías li awab'ej ut chixjunileb' laj jolominel ke'xtaqlaheb' laj Leví chi xnimankil ru li Qaawa' rik'ineb' li xb'ich laj David ut laj Asaf laj ilol moy u. Ut eb' a'an ke'b'ichank re xterq'usinkil xk'ab'a' li Qaawa' chi saheb' sa' xch'ool, ke'wiq'laak ut ke'xhupub' rib'.

2 Crónicas 29:27

laj Esekías kixye naq chi'uxq mayejak sa' xb'een li artal. Ut naq kitiklaak li k'atok mayej, kitiklaak ajwi' li b'ichank sa' xk'ab'a' li Qaawa', rochb'een xyaab' li pur jo'wi' xyaab' li xwajb'eb' laj David, awab'ej re Israel.

2 Crónicas 29:15

Xb'enwa ke'xch'utub'eb' chixjunileb' li rech'alal, ke'xch'ajob'resi rib' ut kole'xsantob'resi li rochoch li Yos, jo' yeeb'il reheb' xb'aan li awab'ej ut li Qaawa'.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Josué 3:7

Toja' naq li Qaawa' kixye re laj Josué: “Chalen anaqwan tinnimob'resi laawankil chiruheb' chixjunil laj Israel. Chi jo'kan te'xnaw naq wankin aawik'in jo' naq kinwank rik'in laj Moisés.

Josué 3:9

Ut laj Josué kixye reheb' laj Israel: “Jilonqex chaq ut ab'ihomaq li raatin li Qaawa' leeYos.

2 Reyes 2:6

Chirix chik a'an laj Elías kixye: “Eliseo, kanaaqat arin, xb'aan naq li Qaawa' xinxtaqla sa' li nima' Jordán”. Ab'an laj Eliseo kixsume: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab' chi xik aajunes!”, chan. Ut koheb' chi xkab'ichaleb'.

Josué 4:11

Ka'ajwi' ke'nume'k chixjunil li tenamit, ke'nume'k ajwi' eb' laj tij aj k'amoneleb' re li xLoq'laj Kaax li Qaawa', ut ke'q'axonk chi uub'ej chiruheb' li tenamit.