Josué 3:5 - Q'eqchi Bible

⁵ Ut laj Josué kixye reheb' li tenamit: “Ch'ajob'resihomaq eerib' xb'aan naq wulaj li Qaawa' tixb'aanu sachb'ach'oolej sa' eeyanq”, chan.

Li Santil hu

⁵ Laj Josué quixye reheb li tenamit: —Santobresihomak e̱rib xban nak cuulaj tixba̱nu xni̱nkal ru milagro li Ka̱cuaꞌ saꞌ kaya̱nk.—

Josué 3:5 ပူးပေါင်းရင်းမြစ်များ

Josué 7:13

Xaqlin b'i', kawresi xch'ooleb' li tenamit ut ye reheb': Santob'resiiq eerib' re wulaj, xb'aan naq jo'ka'in xye li Qaawa', xYos laj Israel: «At Israel, sa' eeyanq wank li tz'i'b'eetalil. Jo'kan naq ink'a' truuq teekuy sa' ruq'eb' li xik' neke'ilok eere, wi ink'a' nekerisi sa' eeyanq li k'aru tento raj xsachmank».

Levítico 20:7

“Santob'resihomaq eerib' ut santaqex, xb'aan naq laa'in li Qaawa' leeYos.

Joel 2:16

Ch'utub'omaq li xtenamit li Yos ut santob'resihomaq; ch'utub'omaqeb' li cheekel winq ut eb' li kok'al, jo'kaneb' ajwi' li toj neke'tu'uk. Eb' li winq ut ixq li toje' xe'sumlaak xkanab'aqeb' li xwarib'aaleb'.

1 Samuel 16:5

Kichaq'ok laj Samuel ut kixye: “Hehe', xinchalk chi mayejak chiru li Qaawa'. Ch'ajob'resihomaq eerib' ut kimqex chiwix chi mayejak”, chan. Tikto laj Samuel kixch'ajob'resi laj Jesé ut eb' li ralal, ut kixb'oqeb' chi mayejak.

San Juan 17:19

Ut sa' xk'ab'a'eb' a'an ninsantob'resi wib', re naq santob'resinb'ilaqeb' ajwi' a'an rik'in li yaal.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Salmos 86:10

Xb'aan naq k'ajo' xnimal aawankil: laa'at nakatb'aanunk sachb'ach'oolej; ka'jat wi' li yo'yookil Yos!

Li xHu LAJ JOB 1:5

Sa' xraqik li junjunq chi ninq'e laj Job naxb'oqeb' li ralal ut namayejak re te'kuye'q li xmaakeb'. Nawakliik toj eq'la ut naxyeechi'i li xk'atb'il mayej chiru li Yos, sa' xk'ab'a' li junjunq chi ralal. Xb'aan naq naxye sa' xch'ool: “Mare eb' li walal xe'xmajewa li Yos sa' xch'ooleb'”. Ut junelik naxb'aanu chi jo'kan.

Josué 3:13

Naq eb' laj tij li yookeb' chi k'amok re li xLoq'laj Kaax li Qaawa', laj Eechal re chixjunil li ruuchich'och', te'ok sa' li nima' Jordán, li ha' tixjach rib' chirib'il rib': li roq li ha' nachalk chaq taqe'q taaxaqliiq ut tixtuub' rib'”, chan laj Josué.

Josué 3:15

Ab'anan naq eb' laj tij ke'ok sa' li nima' ut li roqeb' ke'xch'e' li ha' chire li nima' Jordán (sa' xq'ehil li q'olok nab'ut'irk li nima' Jordán),

Números 11:8

Eb' li poyanam neke'xik chi xxokb'al ut neke'xke' malaj yal neke'xteni chiru pek; chirix chik a'an neke'xchiq sa' uk'al, ut wan naq neke'xyiib' xk'ulujeb'. Li xsahil chanchan li wa yiib'anb'il rik'in aseeyt.

Josué 3:4

Chi jo'kan teenaw k'a' chi b'ehul teek'am, xb'aan naq toj maajun wa numenaqex sa'eb' li na'ajej a'in. Ab'an mexjilok chi xk'atq li Loq'laj Kaax, chexwanq b'an mer hiil rik'in a'an”, chankeb'.

Josué 3:6

Kixye ajwi' reheb' laj tij: “Chapomaq li xLoq'laj Kaaxil li Sumwank ut numenqex chiruheb' li tenamit”, chan reheb'. Eb' laj tij ke'xchap li xLoq'laj Kaaxil li Sumwank ut ke'q'axonk chiruheb' li tenamit.

Salmos 77:15

Laa'at li Yos li nakatb'aanunk sachb'ach'oolej, kak'ut xnimal aawankil sa' xyanqeb' li tenamit;