Josué 3:13 - Q'eqchi Bible

¹³ Naq eb' laj tij li yookeb' chi k'amok re li xLoq'laj Kaax li Qaawa', laj Eechal re chixjunil li ruuchich'och', te'ok sa' li nima' Jordán, li ha' tixjach rib' chirib'il rib': li roq li ha' nachalk chaq taqe'q taaxaqliiq ut tixtuub' rib'”, chan laj Josué.

Li Santil hu

¹³ Nak teꞌxxakab li rokeb saꞌ li nimaꞌ Jordán eb laj tij li yo̱keb chi cꞌamoc re lix Lokꞌlaj Ca̱x li Ka̱cuaꞌ laj e̱chal re chixjunil li ruchichꞌochꞌ, li haꞌ tixjach rib chi ribil rib. Li rok li haꞌ li nachal chak takecꞌ tixtu̱b rib. Incꞌaꞌ chic ta̱be̱k, chan laj Josué.

Josué 3:13 ပူးပေါင်းရင်းမြစ်များ

Éxodo 15:8

Rik'in rapusihom laajosq'il kixtuub' rib' li ha'; chanchan tz'ak naq ke'xaqliik li xkaw oq li palaw, ut toj sa' xyi kipeko'k li xchamal.

Salmos 78:13

Aran kixjach chirib'il li palaw ut kixnumsiheb' junpak'al; kixram li ha', ut chanchan li tz'ak naq kixaqliik.

Habacuc 3:15

Xate laab'e sa' li palaw rik'ineb' laakawaay, ut nab'ulb'utk li ha' sa' laanumik.

Salmos 33:7

Naxch'utub' xha'el li palaw kama' sa' junaq kuk, ut naxk'eheb' sa' xna'aj xk'ihaleb' xchamal li ha'.

Josué 3:11

Chek'e reetal, li xLoq'laj Kaax li Qaawa', laj Eechal re chixjunil li ruuchich'och', k'amol b'ehaq cheru naq texnume'q junpak'al li nima' Jordán.

Josué 4:7

teeye reheb': «Li xha'ul li nima' Jordán kixjach rib' chiru li xLoq'laj Kaaxil li Sumwank naq kinume'k junpak'al. Eb' li pek a'in a'an reetalil chiruheb' laj Israel, re naq jultikaq reheb' chi junelik li k'aru kixb'aanu li Yos»”.

Salmos 74:15

Laa'at kattehok xyo'leb'aal li ha' sa' pek, ut kachaqihob'resi li yu'amha' chi junajwa.

1 Crónicas 29:11

Aawe, at Qaawa', li wankilal, li q'axok u, li loq'oniik, li loq'al ut li nimaak u, xb'aan naq aawe jo'nimal wank sa' choxach'och'. Aawe ajwi' li awab'ejink, xb'aan naq laa'at li jwal nim laawankil sa' xb'een chixjunil, at Qaawa'.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Zacarías 4:14

Toja' naq li ánjel kixye we: “A'aneb' reetalil li wiib'eb' chi winq xaqab'anb'ileb' xb'aan li Qaawa' re te'k'anjelaq chiru sa' chixjunil li ruuchich'och'”, chan.