Josué 3:1 - Q'eqchi Bible

¹ Laj Josué kiwakliik eq'la ut, rochb'een chixjunileb' laj Israel, ke'elk Sitín ut ke'wulak wan wi' li nima' Jordán. Ab'anan ink'a' ke'nume'k junpak'al; toj ke'kanaak chi hilank aran.

Li Santil hu

¹ Joꞌ cuulajak chic ekꞌela queꞌel Sitim laj Josué rochbeneb chixjunileb laj Israel ut queꞌco̱eb. Queꞌcuulac cuan cuiꞌ li nimaꞌ Jordán. Abanan incꞌaꞌ queꞌnumeꞌ jun pacꞌal. Toj queꞌcana chi hila̱nc aran.

Josué 3:1 ပူးပေါင်းရင်းမြစ်များ

Josué 2:1

Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

San Marcos 1:35

Naq x'ok chi hik'e'k, toj q'oqyink ajwi', kiwakliik, ki'elk aran ut koho sa' jun junesal na'ajej, ut ki'ok chi tijok.

Miqueas 6:5

At intenamit, jultikaq aawe anaqwan k'aru kixk'uub' laj Balak, li awab'ej re Mohab, ut li xsumenkil xb'aan laj Balaham, ralal laj Pehor. Jultikaq aawe naq katnume'k chaq Sitín toj Kilkal, ut k'e reetal li xtiikilal xch'ool li Qaawa'”.

Jeremías 26:5

chi moko teerab'i leeq'usb'al xb'aaneb' li propeet aj k'anjeleb' chiwu, li rajlal xintaqlaheb' eerik'in ab'an xetz'eqtaanaheb',

Jeremías 25:3

“Chalen chaq naq ak oxlaju chihab'aq rokik chi awab'ejink laj Josías, ralal laj Amón, sa' xb'een Judá toj anaqwan, li Qaawa' yo chi aatinak wik'in, ut laa'in yookin chi xyeeb'al eere chi tz'aqal re ru. Ak oxib' xka'k'aal chihab' xtikib'ankil a'an, ab'an laa'ex ink'a' nikineepaab'.

Jeremías 7:13

Naab'al sut xexinq'us chirix naq ink'a' us nekeb'aanu, a'ut laa'ex ink'a' xeraj wab'inkil; k'iila wa xexwaatina, ut ink'a' xineesume.

Salmos 119:60

Chi anchal linch'ool ut chi ink'a' ninb'ay wib', nink'anjela li naxye laachaq'rab'.

Números 25:1

Naq eb' laj Israel ke'na'ajunk aran Sitín, eb' li winq ke'ok chi ko'b'eetak rik'ineb' li ixq aj Mohab.

Génesis 22:3

Kiwakliik ut laj Abrahán toj hik'ho, kixyiib' rix li xb'uur, kixk'am chirix wiib' aj k'anjel chiru, rochb'een laj Isahak li ralal. Kixtz'ir xsi'ul li mayej ut koho sa' li na'ajej li kiyehe'k re xb'aan li Yos.

Génesis 21:14

Kiwakliik laj Abrahán toj eq'la. Kixk'e chi xk'am xwa ut jun kuk xha' lix Agar; kixk'e chi xjelo li ch'ina'al ut kixchaq'rab'i. Ut a'an kixchap xb'e ut koho sa' li chaqich'och', sa' xteepal Berseba.

Josué 6:12

Jo' wulajaq chik, eq'la, kiwakliik laj Josué, ut eb' laj tij ke'xchap li xLoq'laj Kaax li Qaawa'.

Josué 6:15

Sa' xwuq li kutan, naq kihik'e'k, ke'wakliik ut wuqub' sut ke'xsuti li tenamit jo' k'aynaqeb' xb'aanunkil. Ka'ajwi' sa' li kutan a'an ke'xsuti li tenamit wuqub' sut.

Josué 7:16

Jo' wulajaq chik laj Josué kiwakliik toj eq'la; kixtaqlaheb' laj Israel chi xk'utb'al rib'eb' chi teep, ut kisik'e'k ru li xteepal laj Judá.

Josué 8:10

Wulajaq chik, kiwakliik toj eq'la, kirileb' laj puub'; ut aj k'amolb'eheb' li xcheekal winqul laj Israel, koheb' chi yalok rik'ineb' laj Ay.

Jueces 20:19

Jo'kan naq eb' laj Israel ke'wakliik eq'la ut koxe'hilanq sa' xka'yab'aal Kibehá.

1 Samuel 17:20

Sa' li kutan jun chik toj eq'la kiwakliik laj David, kixkanab'eb' li karneer rik'in jun chik aj k'aak'alenel, kixxok li k'a' re ru ut koho jo' chanru kiyehe'k re xb'aan laj Jesé. Naq kiwulak wankeb' wi' li xmuheb'aaleb' laj puub', ak xikeb' re chi yalok ut yookeb' chi xjapb'al reheb'.