Josué 24:7 - Q'eqchi Bible

⁷ Toja' naq ke'xyaab'a xk'ab'a' li Qaawa' ut A'an kixk'e jun li choql k'ajo' xq'oqyinkal ru sa' eeyanq laa'ex ut eb' laj Ejiipt. Kixq'aplusi li palaw sa' xb'eeneb', ut a'an kinuq'uk reheb'. Laa'ex keril rik'in leeru li kinb'aanu aran Ejiipt. Chirix chik a'an najt kexwank chaq sa' li chaqich'och'.

Li Santil hu

⁷ Ut eb le̱ xeꞌto̱nil yucuaꞌ queꞌxjap re chixtzꞌa̱manquil xtenkꞌanquil chicuu. Ut quinqꞌue li kꞌojyi̱n saꞌ xyiheb aꞌan ut eb laj Egipto. Ut la̱in quintakla li haꞌ re nak tixjunaji rib saꞌ xbe̱neb laj Egipto ut queꞌosoꞌ. La̱ex nequenau cꞌaꞌru quinba̱nu. Ut najt quexcuan saꞌ li chaki chꞌochꞌ.

Josué 24:7 ပူးပေါင်းရင်းမြစ်များ

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Éxodo 14:20

koxkanaaq sa' xyanqeb' li xmuheb'aaleb' laj Ejiipt ut li xmuheb'aaleb' laj Israel. Q'oqyink ru li choql cho'q reheb' laj Ejiipt, ab'an naxkutanob'resi xb'eheb' li ralal xk'ajol laj Israel. Jo'kan naq kinume'k li q'oqyink chi ink'a' ke'xtaw rib'eb'.

Éxodo 14:10

Naq yo chaq chi nach'ok laj Parahón, eb' laj Israel ke'xtaqsi rilob'aaleb' ut, naq ke'ril eb' laj Ejiipt chirixeb', k'ajo' naq ke'xiwak ut ke'xyaab'a li Qaawa'.

Éxodo 14:31

Ut naq eb' laj Israel ke'ril k'aru kixb'aanu li Qaawa' reheb' laj Ejiipt rik'in xnimal xwankil li ruq', li tenamit ke'xxiwa ru li Qaawa' ut ke'xpaab' li Qaawa' jo' ajwi' laj Moisés laj k'anjel chiru.

Josué 5:6

Chiru ka'k'aal chihab' ke'b'eek eb' laj Israel sa' li chaqich'och' toj reetal ke'kamk chixjunileb' li winq elenaqeb' chaq Ejiipt ut kaweb' rib' chi yalok. Ink'a' ke'ab'ink chiru li Qaawa' ut A'an kixye reheb' sa' jurament naq ink'a' te'ril li ch'och' k'ajo' xq'emal, yeechi'inb'il reheb' li xna' xyuwa'eb'.

Deuteronomio 29:2

Laj Moisés kixb'oqeb' ut kixch'utub'eb' chixjunileb' laj Israel, ut kixye reheb' chi jo'ka'in: “Laa'ex ak keril chixjunil li kixb'aanu li Qaawa' aran Ejiipt re laj Parahón, reheb' laj k'anjel chiru ut reheb' chixjunil li xtenamit.

Deuteronomio 1:46

Jo'kan naq laa'ex jwal najt kexkanaak aran Kadés; laa'ex nekenaw jo' najtil kexwank chaq aran.

Hebreos 3:17

Ut aniheb' sa' aj b'een kijosq'o'k li Yos chiru ka'k'aal chihab'? Ma ink'a' tab'i' sa' xb'eeneb' li ke'maakob'k? Jo'kan naq ke'kanaak chi oso'k sa' li chaqich'och'.

Deuteronomio 2:14

“Chalen chaq Kadés-Barné toj re naq kooq'axonk junpak'al li nima' Séred, koob'eek waqxaqlaju xka'k'aal chihab', toj reetal ke'oso'k chixjunileb' li winq neke'yalok, jo' tz'aqal xyehom li Qaawa'.