Josué 24:31 - Q'eqchi Bible

³¹ Eb' laj Israel ke'k'anjelak chiru li Qaawa' naq toj yo'yo laj Josué. Jo'kan ajwi' ke'xb'aanu chiruheb' li cheekal winqeb' li toj ke'kanaak naq kikamk laj Josué, a'eb' li neke'nawok re chixjunil li xninqal xb'aanuhom li Qaawa' cho'q reheb' laj Israel.

Li Santil hu

³¹ Ut eb laj Israel queꞌcꞌanjelac chiru li Ka̱cuaꞌ nak toj yoꞌyo laj Josué. Joꞌcan ajcuiꞌ queꞌxba̱nu chiruheb laj cꞌamol be li toj queꞌcana nak quicam laj Josué xban nak eb aꞌan queꞌxnau chixjunil li joꞌ qꞌuial li usilal quixba̱nu li Ka̱cuaꞌ reheb laj Israel.

Josué 24:31 ပူးပေါင်းရင်းမြစ်များ

Jueces 2:7

Eb' li tenamit ke'k'anjelak chiru li Qaawa' jo' najtil yo'yo laj Josué rochb'eeneb' li cheekel winq li rilomeb' junxil chixjunil li sachb'ach'oolej uxb'il xb'aan li Qaawa' reheb' laj Israel.

Deuteronomio 31:13

Chi jo'kan eb' leeralal eek'ajol li toj maji' neke'xnaw ru, te'rab'i ut te'xtzol roxloq'inkil li Qaawa' leeYos jo' najtil te'wanq sa' li ch'och' toxeereechani junpak'al li nima' Jordán”, chan laj Moisés.

Deuteronomio 31:29

Ninnaw naq akaq xinkamk chik, taapo'q leena'leb'; teekanab' li b'e xink'ut cheru ut naab'al li rahilal taachalq sa' eeb'een sa'eb' li kutan chaalel, xb'aan teeb'aanu li ink'a' us chiru li Qaawa' ut teechiq' xjosq'il rik'in leeyib' aj b'aanuhom”, chan laj Moisés.

Deuteronomio 11:2

Anaqwan chek'e reetal leetijb'al xb'aan li Qaawa' leeYos (leeralal eek'ajol ink'a' neke'xnaw chi moko rilomeb'). Chetawaq ru li xnimal xwankil, eb' li sachb'ach'oolej,

Filipenses 2:12

Jo'kan utan, ex was wiitz'in raarookex inb'aan, jo' naq xexpaab'ank chiwu chi junelik, moko ka'aj ta wi' naq wankin chaq eerik'in, jo'kan ajwi' teeb'aanu anaqwan naq maa'anihin sa' eeyanq. Chexk'anjelaq chi kaw chirix leekolb'al chi wanq eexiw ut texsiksotq,

Hechos 20:29

Ninnaw naq, akaq xkohin, wanqeb' josq' aj xojb' te'ok sa' eeyanq li te'xrahob'tesi eb' li karneer.

2 Crónicas 24:2

Laj Johás kixb'aanu li nawulak chiru li Qaawa', naq toj yo'yo laj Johadá laj tij.

Deuteronomio 11:7

Eerilom rik'in leeru chixjunileb' li xninqal xb'aanuhom li Qaawa'.

Génesis 14:10

Li xtaq'ahil Sidim nujenaq chi xjulel li b'etuun; ut naq yookeb' chi elelik li awab'ej re Sodoom ut laj Gomoor, ke't'ane'k aran, ut eb' li rochb'een ke'elelik sa'atqeb' li tzuul.

Jueces 2:6

Naq laj Josué kixchaq'rab'iheb' laj Israel, koheb' chi xjunjunqaleb' chi reechaninkil li xch'och'eb'.

Jueces 2:10

Ke'kamk ajwi' chixjunileb' li rech yu'amileb' laj Josué; ke'q'ajk ke'sutq'iik rik'ineb' li xxe'xtooneb', ut jalaneb' chik ke'yo'laak chirixeb' a'an: ink'a' neke'xnaw ru li Qaawa' chi moko xnawomeb' li kilajxb'aanu sa' xk'ab'a'eb' laj Israel.

2 Crónicas 34:33

Laj Josías kirisi chixjunil li tz'i'b'eetalil b'aanuhom wankatqeb' sa' xteepal Israel; ut kixmin ruheb' chixjunileb' li wankeb' aran naq te'xloq'oni ru li Qaawa' li xYoseb'. Jo' najtil kiyo'yook laj Josías, maajun kixkanab' xloq'oninkil li Qaawa', xYos eb' li xxe'toonil yuwa'eb'.