Josué 24:25 - Q'eqchi Bible

²⁵ Sa' li kutan a'an laj Josué kixk'ojob' jun li sumwank rik'in li tenamit; kixchaq'rab'iheb' ut kixk'e xtaqlankileb' aran Sikem.

Li Santil hu

²⁵ Saꞌ ajcuiꞌ li cutan aꞌan saꞌ li naꞌajej Siquem, laj Josué quixba̱nu jun li contrato riqꞌuineb laj Israel. Quixqꞌue li chakꞌrab reheb ut quixye reheb chanru teꞌxba̱nu.

Josué 24:25 ပူးပေါင်းရင်းမြစ်များ

Éxodo 15:25

Toja' naq laj Moisés kixyaab'a li Qaawa', ut li Qaawa' kixk'ut jun toon li che': a'an kikute'k sa' ha' xb'aan laj Moisés, ut li ha' kiki'o'k. Aran li Qaawa' kixk'e jun xchaq'rab' eb' laj Israel, kixk'e xtaqlankileb'; aran kixyaleb' rix.

Nehemías 9:38

Sa' xk'ab'a' chixjunil a'in laa'o naqaye li qaatin naq tqapaab' li sumwank a'in. Xe'xk'ulub'an li hu a'in eb' laj k'amol qab'e, eb' laj Leví ut eb' laj tij, li ke'xtz'iib'a ajwi' xk'ab'a'eb'.

2 Crónicas 23:16

Chirix chik a'an laj Johadá kixk'ojob' jun li sumwank rik'in chixjunil li tenamit ut li awab'ej, re naq li tenamit a'anaq tz'aqal xtenamit li Qaawa'.

2 Reyes 11:17

Chirix chik a'an laj Johadá kixk'ojob' jun sumwank rik'in li Qaawa' ut li tenamit, re naq a'anaqeb' tz'aqal xtenamit li Qaawa'. Jo'kan ajwi' kixb'aanu rik'in li awab'ej ut li tenamit.

2 Crónicas 29:10

Ab'an anaqwan x'alaak sa' inch'ool xk'ojob'ankil jun sumwank rik'in li Qaawa', xYos laj Israel, re naq tixnajtob'resi qik'in li xnimal xjosq'il.

2 Crónicas 15:15

Ut chixjunileb' laj Judá ke'saho'k xch'ool chirix li jurament ke'xb'aanu, xb'aan naq ke'xye chi anchaleb' xch'ool ut ke'xsik' li Qaawa' chi anchaleb' li raanm. Jo'kan naq li Yos kixk'e rib' chi tawe'k xb'aaneb', ut kixk'eheb' chi wank sa' tuqtuukilal rik'ineb' li tenamit wankeb' chi xsutameb'.

2 Crónicas 15:12

Ut ke'xk'e rib' sa' aatin naq te'xpaab' li Qaawa', xYos li xxe'toonil yuwa'eb', chi anchaleb' xch'ool ut anchaleb' li raanm.

Josué 24:26

Laj Josué kixtz'iib'a eb' li aatin a'in sa' xHuhil li xChaq'rab' li Yos. Chirix chik a'an kixchap jun nimla pek ut kixxaqab' aran, chi roq li ji li wank sa' li xloq'laj ochoch li Qaawa',

Josué 24:1

Laj Josué kixch'utub' chixjunileb' li xteepaleb' laj Israel aran Sikem; kixb'oqeb' li xcheekal winqul laj Israel, eb' laj k'amol b'e, eb' laj raqol aatin ut eb' laj tz'iib', ut chiru li Qaawa'

Deuteronomio 29:1

A'aneb' a'in li aatin chirix li Sumwank li kitaqlaak wi' laj Moisés xb'aan li Qaawa' chi xk'ojob'ankil rik'ineb' laj Israel sa' li na'ajej Mohab. A'an a'in li xkomon li Sumwank kixk'ojob' rik'ineb' a'an, sa' li tzuul Horeb.

Éxodo 24:3

Kichalk laj Moisés ut kixye re li tenamit chixjunileb' li raatin li Qaawa' jo' ajwi' li xchaq'rab'. Ut chixjunileb' li tenamit ke'xsume chi junaj xyaab'eb' xkux: “Taaqapaab' chixjunil li aatin xye li Qaawa'”, chankeb'.

Génesis 35:4

Eb' a'an ke'xq'axtesi re laj Jakob chixjunileb' li jalanil yos li wankatqeb' rik'ineb', jo'kan ajwi' li xka'xikeb'; ut laj Jakob kixmuqeb' rub'el li ji li wank chi xk'atq Sikem.