Josué 24:20 - Q'eqchi Bible

²⁰ Wi laa'ex teekanab' li Qaawa' re k'anjelak chiruheb' li jalanil yos, li Qaawa' tixtaqla chaq rahilal sa' eeb'een ut tixsach eeru, us ta ak xb'aanu naab'al usilal eere”, chan.

Li Santil hu

²⁰ Cui la̱ex te̱tzꞌekta̱na li Ka̱cuaꞌ ut te̱lokꞌoni li yi̱banbil dios, li Ka̱cuaꞌ ta̱qꞌuehok e̱re chixtojbal rix le̱ ma̱c ut tixsach e̱ru usta ac xexrosobtesi, chan laj Josué.

Josué 24:20 ပူးပေါင်းရင်းမြစ်များ

Hechos 7:42

Toja' naq li Yos kixkanab'eb' ut kixq'axtesiheb' chi xloq'oninkil eb' li chahim wankeb' chiru choxa, jo' tz'iib'anb'il chaq sa' xhuheb' li Propeet: «Ex aj Israel, ma xexmayejak tab'i' chiwu laa'in ut xeyeechi'i we leek'atb'il mayej chiru ka'k'aal chihab' sa' li chaqich'och'?

Ezequiel 18:24

“Ab'anan wi li tiik xch'ool tixjal li xna'leb' ut taa'ok chi xb'aanunkil li maa'usilal ut li jo'maajo'il b'aanuhom jo' neke'xb'aanu li ink'a' useb' xna'leb', ma taakole'q tab'i' a'an? Maajun reheb' li xchaab'il b'aanuhom taajultikamanq, ut taakamq xb'aan li q'etb'a aatin ut li maa'usilal xb'aanu.

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Isaías 63:10

A'ut eb' a'an ke'xq'etq'eti rib' chiru ut ke'xmajewa li xsantil musiq'; jo'kan naq li Qaawa' xik' chik kirileb' ut ki'ok chi yalok rik'ineb'.

Isaías 1:28

Ab'an eb' laj q'etoleb' aatin ut eb' laj maak te'xk'ul li raaxiik'; te'kamq chixjunileb' li neke'tz'eqtaanank re li Qaawa'.

Esdras 8:22

Xb'aan naq kinxutaanak xpatz'b'aleb' aj puub' re li awab'ej, xkomoneb' li neke'xik chi oqej malaj chirix kawaay, re qakolb'al chiruheb' li xik' neke'ilok qe sa' li qab'eenik, xb'aan naq ak qayehom re li awab'ej chi jo'ka'in: “Li qaYos wank rik'in chixjunileb' li neke'sik'ok re; ab'anan li xwankilal ut li xjosq'il wank sa' xb'eeneb' li neke'tz'eqtaanank re”, chanko.

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Hebreos 10:38

Li tiik xch'ool chiwu taawanq xyu'am xb'aan li xpaab'aal; a'ut wi tixkanab' inpaab'ankil, ink'a' taasaho'q inch'ool rik'in”, chan li Yos.

Deuteronomio 4:25

“Naq akaq xe'wank eeralal eek'ajol ut eeri eemam ut akaq xextixk sa' li tenamit a'in, wi teepo' leena'leb' ut teeyiib' yalaq k'a' chi eetalil ramro cheru, wi teeb'aanu li ink'a' nawulak chiru li Qaawa' leeYos toj reetal teeyoob' xjosq'il,

Deuteronomio 4:26

ch'olch'o ru naq tex'oso'q sa' junpaat sa' li na'ajej toxeereechani naq teeq'ax li nima' Jordán: li choxa ut li ruuchich'och' te'xch'olob' leemaak. Moko najt ta texwanq aran xb'aan naq texsache'q chi junajwa.

Josué 24:21

Ke'chaq'ok li tenamit ut ke'xye re laj Josué: “Ink'a' taak'ulmanq chi jo'kan. Laa'o took'anjelaq chiru li Qaawa'”, chankeb'.

1 Samuel 12:15

Ab'anan wi ink'a' teerab'i xyaab' xkux li Qaawa', wi teeq'etq'eti eerib' chiru li xtaqlahom, li ruq' li Qaawa' taa'aalo'q sa' eeb'een ut sa' xb'een li awab'ej.

1 Samuel 12:25

Ab'anan wi teeb'aanu li ink'a' us, texkamq laa'ex jo'wi' li na'awab'ejink sa' eeb'een”.

1 Crónicas 28:8

“Jo'kan b'i' anaqwan, chiru li qaYos ut chiru chixjunileb' laj Israel, xkomonil li Qaawa', k'uulahomaq sa' leech'ool ut paab'omaq chixjunil li xchaq'rab' li Qaawa' leeYos, re naq li xchaq'alil ru na'ajej a'in toj wanq cho'q eere jo'wi' cho'q reechanihomeb' leeralal eek'ajol chi junelik.

Salmos 89:31

“Wi eb' li ralal xk'ajol te'xq'et linchaq'rab' ut ink'a' te'xb'aanu jo' li waatin,