Josué 24:19 - Q'eqchi Bible

¹⁹ Ab'an laj Josué kixye reheb' li tenamit: “Laa'ex ink'a' texruuq chi k'anjelak chiru li Qaawa', xb'aan naq a'an santil Yos, a'an jun Yos aj sowen li ink'a' texkuy rik'in leeq'etq'etil chi moko tixkuy leemaak.

Li Santil hu

¹⁹ Ut laj Josué quixye reheb: —La̱ex incꞌaꞌ texru̱k chi cꞌanjelac chiru li Ka̱cuaꞌ xban nak aꞌan jun Dios Santo. Aꞌan incꞌaꞌ tixcuy e̱ma̱c cui yo̱kex chixlokꞌoninquil li yi̱banbil dios. Aꞌan incꞌaꞌ tixcuy e̱ma̱c riqꞌuin le̱ kꞌetkꞌetil chi moco tixcuy e̱ma̱c riqꞌuin le̱ ma̱usilal.

Josué 24:19 ပူးပေါင်းရင်းမြစ်များ

Isaías 5:16

Taaterq'usiiq xloq'al li Nimajwal Yos sa' li raqb'a aatin, ut li Qaawa' tixk'ut li xsantilal rik'in xb'aanunkil li tiikilal.

Éxodo 23:21

Wanqat sa' xyaalal chiru ut chawab'i xyaab' xkux. Maaq'et li raatin: a'an ink'a' tixkuy eemaak xb'aan naq wankin rik'in.

Salmos 99:9

Chenimaaq ru li Qaawa' li qaYos, chehupub'aq eerib' chiru li xloq'laj na'aj: xb'aan naq sant li Qaawa' li qaYos!

Salmos 99:5

Chenimaaq ru li Qaawa' li qaYos, chehupub'aq eerib' chiru li xxaqleb'aal. Sant li Qaawa'!

Levítico 19:2

“Ye re chixjunil li xkomonileb' laj Israel: “Santaqex, xb'aan naq laa'in, li Qaawa' leeYos, santin.

Éxodo 20:5

“Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

1 Samuel 6:20

Toja' naq ke'xye eb' laj Bet-Semes: “Ani tkuyuq wank chiru li Qaawa', li Santil Yos? Ani aj ik'in tqataqla li Loq'laj Kaax naq taa'elq sa' qayanq?”.

Éxodo 34:14

“Maahupub' aawib' chiru jalan chik yos xb'aan naq «aj sowen» naxk'ab'a'in li Qaawa': a'an jun Yos aj sowen.

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

Isaías 30:15

Jo'ka'in kixye li Qaawa', li xSant laj Israel: “Sutq'inqex chaq, xaqxooq leeroyb'enihom wik'in, ut texkole'q. Wi texwanq sa' xyaalal chi k'ojk'ooq leeraanm, teetaw xkawub' leech'ool”. A'ut laa'ex xetz'eqtaana li waatin

Isaías 30:11

Elenqex chiqu ut meetaaqe chik li chaab'il b'e; ink'a' chik naqaj rab'inkil leeraatin chirix li xSant laj Israel”.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

1 Samuel 3:14

Jo'kan naq xinye li waatin naq li xmaa'usilal li xjunkab'al laj Elí maajoq'e truuq taakuymanq rik'in mayejak chi moko rik'in yeechi'ink”, chan li Yos.

Li xHu LIX RUT 1:15

Toja' naq lix Nohemí kixye re: —K'e reetal, laab'alk xsutq'iik wi' chik sa' li xtenamit ut rik'ineb' li xyos. Ayu ajwi' laa'at chirix.

Josué 24:23

Kixye laj Josué: “Isihomaqeb' b'i' sa' eeyanq li jalanil yos ut k'ehomaq eech'ool rik'in li Qaawa', xYos laj Israel”.

Levítico 20:26

Santaqex cho'q we laa'in, xb'aan naq laa'in, li Qaawa', santin ut xinsik' eeru sa' xyanqeb' li jar teep chi tenamit re naq laa'exaq intenamit.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Habacuc 1:13

Li xtiikilal laach'ool xik' naril li maa'usilal; ink'a' nakakuy rilb'al li maa'usilal. K'a'ut naq maak'a' nakaye chirixeb' li neke'rahob'tesink, eb' li yookeb' chi xsachb'al ruheb' li jwal chaab'ileb' chiruheb' a'an?

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

Éxodo 34:7

Xaqxo linrahom chiru k'iila o'q'ob' chihab' ut ninkuy li maa'usilal, li q'etq'etil ut li maak; ab'an ink'a' ninkanab'eb' laj maak chi maak'a' ta xtojb'aleb' rix li xb'aanuhom, ut ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i”.

Levítico 20:7

“Santob'resihomaq eerib' ut santaqex, xb'aan naq laa'in li Qaawa' leeYos.

Josué 24:18

Jo'wi' anchal, li Qaawa' kiraanilasiheb' chiqu chixjunileb' li tenamit ut eb' laj Amor li ke'wank sa' li na'ajej a'in. Ch'olch'o ru naq laa'o ajwi' took'anjelaq chiru li Qaawa' xb'aan naq a'an li qaYos”, chankeb'.

Salmos 99:3

Chinimaaq li xloq'laj k'ab'a' li k'ajo' xiwajel. Sant li Qaawa'!

Nahum 1:2

Li Qaawa' a'an jun Yos aj sowen ut aj eeqajunel; na'eeqajunk ut k'ajo' li xjosq'il. Ink'a' nasachk sa' xch'ool li xmaakeb' li xik' neke'ilok re.

Levítico 11:44

xb'aan naq laa'in li Qaawa' leeYos. Ch'ajob'resihomaq eerib' ut santaqex, xb'aan naq santin laa'in. Meetz'ajni eerib' rik'in junaq xul li naxjuku rib' chiru ch'och'.

Levítico 11:45

Laa'in li Qaawa', a' li ki'isink chaq eere Ejiipt re naq laa'inaq leeYos. Jo'kan naq santaqex xb'aan naq santin laa'in”.

Isaías 2:9

Xe'xkub'si li xwankileb' ut xe'wiq'laak chiruheb' li jalanil yos. Jo'kan naq maakuyeb' xmaak, at Qaawa'.