Josué 24:17 - Q'eqchi Bible

¹⁷ Xb'aan naq li Qaawa' li qaYos, a'an ki'isink chaq qe ut eb' li qana' qayuwa' sa' li na'ajej Ejiipt, b'arwi' koowank chaq chi munil. A'an kib'aanunk re xninqal eetalil chiqu ut kooxkol sa' li qab'eenik ut sa'atqeb' chixjunil li tenamit koonume'k wi'.

Li Santil hu

¹⁷ Li Ka̱cuaꞌ li kaDios, aꞌan li qui-isin chak reheb li kaxeꞌto̱nil yucuaꞌ joꞌ ajcuiꞌ la̱o saꞌ li naꞌajej Egipto bar cocuan cuiꞌ chak chokꞌ rahobtesinbil mo̱s. Aꞌan quixba̱nu qꞌuila milagro chiku ut aꞌan ajcuiꞌ li qui-iloc ke nak quilajonumeꞌ chak saꞌ eb li naꞌajej aꞌan.

Josué 24:17 ပူးပေါင်းရင်းမြစ်များ

Éxodo 19:4

«Ak eerilom chaq k'aru xinb'aanu reheb' laj Ejiipt ut chanru naq xexink'am chaq wik'in jo' sa' xb'een xxik' li nimla t'iw.

Isaías 46:4

Toj sa' leetiixilal laa'inaq ajwi' leeYos; naq ak saqaq aj chik leejolom, texinch'oolani ajwi'. Laa'in kinyoob'tesink eere, ut toj texwil; texinb'eresi laa'in ut texinkol.

Josué 24:16

Toja' naq ke'chaq'ok li tenamit ut ke'xye: “Ink'a' taxaq tqakanab' li Qaawa' re k'anjelak chiruheb' li jalanil yos.

Josué 24:18

Jo'wi' anchal, li Qaawa' kiraanilasiheb' chiqu chixjunileb' li tenamit ut eb' laj Amor li ke'wank sa' li na'ajej a'in. Ch'olch'o ru naq laa'o ajwi' took'anjelaq chiru li Qaawa' xb'aan naq a'an li qaYos”, chankeb'.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Deuteronomio 7:19

eb' li xiwajel rahilal li kawil rik'ineb' laawu, eb' li sachb'ach'oolej ut xninqal b'aanuhom: chanru naq li Qaawa' laaYos katrisi chaq rik'in xnimal xwankil. Jo'kan ajwi' tixb'aanu li Qaawa' laaYos reheb' chixjunil li tenamit nakaxiwaheb' ru.

Deuteronomio 29:2

Laj Moisés kixb'oqeb' ut kixch'utub'eb' chixjunileb' laj Israel, ut kixye reheb' chi jo'ka'in: “Laa'ex ak keril chixjunil li kixb'aanu li Qaawa' aran Ejiipt re laj Parahón, reheb' laj k'anjel chiru ut reheb' chixjunil li xtenamit.

Deuteronomio 32:9

Ab'an li kitz'aqk li Qaawa', a'an li xtenamit; laj Jakob kikanaak tz'aqal cho'q reechanihom.

2 Crónicas 13:10

A'ut cho'q qe laa'o, a' li Qaawa' a'an li qaYos, ut ink'a' xqatz'eqtaana. Eb' laj tij li neke'k'anjelak chiru li Qaawa', a'aneb' li ralal laj Aharón; ut eb' li neke'tenq'ank reheb', a'aneb' laj Leví.